كلمتني وأسمعتني صوتها قبل زفتها بدقايق.

[$ عشقي حويطي $]

عدت اليكم بعد طول غياب
والسموحه على التقصير .

اتمنى ان تعجبكم هالابيات والله الله بالردود .
.
كلمتني وأسمعتني صوتها قبل زفتها بدقايق
قالت حبيبي بودعك وبعطيك من وقتي دقا يق
ودي اسمع صوتك حبيبي
ودي أنسى كل شي وأبقى مع صوتك حبيبي
ما قويت انطق ولا أتكلم
ما عرفت بها الظروف وش أقول
كنت دايم اسمعها ضحكتي
كنت دايم أناوشها بلهفتي
واليوم جاتني تعذبني تسمعني صوت الدفوف
قالت حبيبي هذا صوت أم العريس
تنادي علي وتقول يا الله تعالي عجلي
ودي حبيبي ها الحظه تطول
وأبقى مع صوتك دهور
وين راح الحكي مني
وين ألقى الحروف
قلت ارحلي عني والحقي صوت الدفوف
واتركيني بوحدتي انسج أبيات الحروف
يمكن ألاقي مع الوحدة صدى للي بقول
قفلت ورحت وأنا وحدي ويملى مسمعي صوت الدفوف
صوتها بعثر أوراقي وخلاني مع همي نطوف
بين الشوارع و المداين نحتري موكب عروس
قلت يمكن تلتقي بهالحظه العيون
وانتحاكى ما بين كل الخلق بعيون ودموع
للأسف ما كنت ادري ان قلبي بها اللحظة يحتضر
وكان الكفن صوتها والدفن موكب عروس
شلت قلبي وسط كفي ورحت امشي
أدور مقبرة ادفنه فيها وأستريح
شفت كوشتها منصوبة على أعلى الدرج
وانحنيت احفر وادفن القلب الجريح
شفت في الحفرة قلبها مدفون
وانكتب في وسط الحشا كلمتين

حبيبي مستحيل يعيش
في هالقلب غيرك مستحيل...


تحياتي من أعماقي.

[عبدالله الموسي]

حياكـــ الله

ولا يجي منك قصور تغيب وتأتي بالجديد الرائع

قلت ارحلي عني والحقي صوت الدفوف
واتركيني بوحدتي انسج أبيات الحروف
يمكن ألاقي مع الوحدة صدى للي بقول

صح لسانك وحالكــ على هذا النزف العميق المحمل بالكثير من
خفايا الأيام وصواديف الزمن،

ننتظر جديدكــــ

بشوق وترف

تحياتي

[$ عشقي حويطي $]

هلا بك والله ياعبدالله .
منوررررررررررررررررررررررر واشكرك الف شكر .

بصمتك رائعه تركتها في صفحتي .

تحياتي من أعماقي .

[امواج القدر]

حبيــــــــبي مستحيل يعيش في القلب غيرك مستحيل


خاطره جميله بقدر ماهي مؤلمه ..

لاهنت على حسن الاختيار..

لك ودي واحترامي ..

[الرهف]

وكان الكفن صوتها والدفن موكب عروس
شلت قلبي وسط كفي ورحت امشي
أدور مقبرة ادفنه فيها وأستريح
شفت كوشتها منصوبة على أعلى الدرج
وانحنيت احفر وادفن القلب الجريح
شفت في الحفرة قلبها مدفون
وانكتب في وسط الحشا كلمتين
جميله جداااااا