مشاهدة النسخة كاملة : ابريــــــــــق محـــكــــــور
مسلم العميري
01-12-08, 10:29 PM
يازينها لاسرت في خايع الريع=ماحولك الا صوت بلبل وعصفور
لاوجه فنانه ولاصورة مذيع=ماغير دلة هيل وابريق محكور
وحولك نشاما طيبين الاسانيع =اجواد نسل اجواد ماحولها قصور
شرواك ياعايد يلبي المفازيع=ماانته مهايط حكمته للورا دور
ربعٍ امخاواها شرف للمجاميع=سالم من العميان والطرش والعور
فيه الخزاما والنفل والينابيع =والشوك متشابك مع نبت يمرور
قفرٍ خلي مادوّسته المناجيع=توه من الوسمي مروى وممطور
عليه من ديم السحايب تتابيع=تمسي وتصبح وانت داله ومسرور
الجو طايب والاراضي مرابيع=من ريحة الازهار فايح ومعطور
والنبت ضافي مثل خضر المشاريع=تاقف وتجلس بين جنات وزهور
تجولها وتصولها ببضع اسابيع=والخير واجد من مقانيص وطيور
ساعة صفى لاهب زين الذعاذيع=اخير من جلسه على دكة النور
من يشتري همي وانا ودي ابيع=ابيع قلبٍ كن يصلاه دافور
اخوي مسلم ماطلع شيء
ولكن متأكد انه ابريق محكور
لك تحياتي
الآتي الأخير
02-12-08, 01:52 AM
ابو عمر
و قصيدة من عيون الشعر
قصيدة جزلة المعاني و مترفة التصوير
قصيدة اكبر من نعلق عليها لان التعليق قد لا يفي جمالياتها حقها .
يشهد الله انك نقلتنا بها الى نفس الجو الواقعي الذي تحاكيه القصيدة
كبير يا ابو عمر بشخصك و كبير بابداعك و ستبقى باذن الله هامة شعرية نفتخر بها .
هذه القصيدة من اجمل و أجزل و اعذب ما قرأت في الربيع و خوة النشامى الي مثل شاعرها
دمت لمحبيك
عايد ربيع الحويطي
02-12-08, 11:02 PM
ابوعمر
رائع
وماعليك زود
وخوتك تنشرى وتشرف
وترفع الراس
مبدع وهامه شعريه افخر بها وافاخر بها
دمت بكل الود
ياشباب القصيده ماهي طالعه عندي؟
العميري
03-12-08, 02:19 AM
صح السانك وصح كلك بعد
انا اشهد انها اخذتنا لجو البر والمكشات
تحياتي لك ياابو عمر
مسلم العميري
03-12-08, 10:48 PM
اخوي مسلم ماطلع شيء
ولكن متأكد انه ابريق محكور
لك تحياتي
والله ماعلم ليش ماهي ظاهره عندك
اكيد فيه مشكله بالجهاز او بالمتصفح.
شاكر مرورك اخوي شمالي,,,,
عبدالله الموسي
04-12-08, 03:27 AM
الله الله يابو عمر!!
عيشتنا معاكـ بأجوا خيالية مليئة بالبهجة والسرور.
اشكرك على هذه الرائعة الجميلة.
وصح لسانك.وعلا شانك.
اعجابي
حاضر فتاة
04-12-08, 08:22 AM
يازينها لاسرت في خايـع الريـع
ماحولك الا صوت بلبل وعصفور
لاوجه فنانـه ولاصـورة مذيـع
ماغير دلة هيل وابريـق محكـور
الجو طايب والاراضـي مرابيـع
من ريحة الازهار فايح ومعطـور
والنبت ضافي مثل خضر المشاريع
تاقف وتجلس بين جنات وزهـور
أخي/ مسلم العميري والله قصيده أتحفتني ورائعة بمعنى الكلمة
لقد أحسنت التصوير في هذه القصيده
حاضر فتاة
رنووش مقدادي
04-12-08, 12:16 PM
أبدعت أخي مسلم العميري
قصيده رائعه
وهذا دلاله على روعة صاحبها
صح لسانك ألف مره
مبارك ابوفراكه
06-12-08, 02:06 AM
اشكرك الشاعر مسلم على القصيدة الطيبة
وعز الله يالعميري انكو اهل الاباريق المحكوره
وكل عام وانت طيب
مسلم العميري
16-06-09, 06:11 PM
ابو عمر
و قصيدة من عيون الشعر
قصيدة جزلة المعاني و مترفة التصوير
قصيدة اكبر من نعلق عليها لان التعليق قد لا يفي جمالياتها حقها .
يشهد الله انك نقلتنا بها الى نفس الجو الواقعي الذي تحاكيه القصيدة
كبير يا ابو عمر بشخصك و كبير بابداعك و ستبقى باذن الله هامة شعرية نفتخر بها .
هذه القصيدة من اجمل و أجزل و اعذب ما قرأت في الربيع و خوة النشامى الي مثل شاعرها
دمت لمحبيك
بارك الله فيك يالاتي على تلك الاشاده
وتهمني جدا لانها من انسان متذوق للشعر
ويكتبه باسلوب حديث وارجو ان اكون عند حسن الظن,,
مسلم العميري
16-06-09, 06:16 PM
ابوعمر
رائع
وماعليك زود
وخوتك تنشرى وتشرف
وترفع الراس
مبدع وهامه شعريه افخر بها وافاخر بها
دمت بكل الود
ياهلا ابو ربيع وخوتك تنشرى يالطيب
مرجله وشعر وكرم.
سررت بتواجدك,,,
مسلم العميري
16-06-09, 06:20 PM
ياشباب القصيده ماهي طالعه عندي؟
ان شاء الله تكون ظهرت لك يالشمالي
شكرا لمرورك الثاني,,
حـــزن النبلآإء
16-06-09, 06:20 PM
ولا انا ما طلعت عندي بس تذاكيت عليه شوي
وسويت اقتباس وطلع لي الكلام تحت في مربع الرد وقريته
يعطيك الف عافيه ع البريق وصح لسانك
السندباد
16-06-09, 06:37 PM
صح لسااااانك على القصيد المبدعه
مسلم العميري
31-03-10, 10:59 AM
شكرا لكل الذين مروا من هنا
واتحفونا بتعليقاتهم,,,,
على الامل
11-06-10, 12:16 AM
هذه القصيدة من اجمل و أجزل و اعذب ما قرأت في الربيع و خوة النشامى الي مثل شاعرها
دمت لمحبيك
موفق بإذن الله ... لك مني أجمل تحية .
دايم الجفر
19-02-11, 01:17 AM
الشاعر الجزل اخي مسلم لقد ادخلتنا في عمق الطبيعه وصورة لنا وجه الحقيقه في مفردات قريبه لنا لاكنها صعبه علينا انت السهل الجزل
في شعرك عظمة المعنا وجزالة القول ودقة الوصف ابداع ليس غريب على شعرك اخي مسلم العميري ..تسلم ابو عمر..
عبدالمجيد بن غازي
19-02-11, 12:22 PM
صح كلك ابو عمر على البراد المحكور
جو ولا اجمل عشناه مع القصيده ابو عمر نبيها عاد شيله
أحترااامي...
vBulletin® v3.8.11, Copyright ©2000-2025, TranZ by Almuhajir