هداج
09-12-08, 09:00 PM
أطرح بين أيديكم هذه القصيده وهي تعبر عن نفسها وأتمنى أن تحوز على إعجابكم..دمتم بود
الجو هايل والعصر ياعبدالعزيـز=ودّك يقضّى في ركوب الأصايـل
من فوق قباً مايشّبيهـنّ الإنقليـز=هذيك شقرا وذيك صفـرا هوايـل
من فوقهنّ عيال ماهـم بالنشيـز=عيال من روس العرب والقبايـل
هذا من الحويطات زيزوم وعزيز=وهذا من عطيه خيـار الحمايـل
يابوعمر كـلٍ لمشهاتـه مجيـز=وأنا تجايز لي عـراب السلايـل
راكز غلاهن في فـؤادي ركيـز=وعن شوفهن عيني ماتريد البدايل
الخيل ساس الخير هـنّ المفاييـز=بين النواصـي عقدتـه والقذايـل
أللّي حوافرهن بالفلا مثل الوخيـز=وخز الإبر من كف ظاف الجدايل
وساع الصدور ومحفزات اللّزيـز=رقاق الأذان مغـززّات الذوايـل
والظهر بين الكفل والغارب وجيز=متساويٍ قصرة بزيـن الخصايـل
إليا أقبلن شبه العذارى المجاويـز=وإليا أدبرن شرد الظبا من الخمايل
وإليا أقبلن والموت للباغي جهيـز=وإليا أدبرن عزوة متلّي الأوايـل
كم حق من باطـل خلنّـه يميـز=وكم ميّلن حقاَ ..وماكان مايـل
وأنا عليهن وجد وشفقان وعويـز=مثل إعتياز الأرض وبْل الهمايـل
روس الأموال ومنحة الله العزيـز=وسوحةٍ فالعـز صايـل وجايـل
بقلم أخوكم/ هداج
الجو هايل والعصر ياعبدالعزيـز=ودّك يقضّى في ركوب الأصايـل
من فوق قباً مايشّبيهـنّ الإنقليـز=هذيك شقرا وذيك صفـرا هوايـل
من فوقهنّ عيال ماهـم بالنشيـز=عيال من روس العرب والقبايـل
هذا من الحويطات زيزوم وعزيز=وهذا من عطيه خيـار الحمايـل
يابوعمر كـلٍ لمشهاتـه مجيـز=وأنا تجايز لي عـراب السلايـل
راكز غلاهن في فـؤادي ركيـز=وعن شوفهن عيني ماتريد البدايل
الخيل ساس الخير هـنّ المفاييـز=بين النواصـي عقدتـه والقذايـل
أللّي حوافرهن بالفلا مثل الوخيـز=وخز الإبر من كف ظاف الجدايل
وساع الصدور ومحفزات اللّزيـز=رقاق الأذان مغـززّات الذوايـل
والظهر بين الكفل والغارب وجيز=متساويٍ قصرة بزيـن الخصايـل
إليا أقبلن شبه العذارى المجاويـز=وإليا أدبرن شرد الظبا من الخمايل
وإليا أقبلن والموت للباغي جهيـز=وإليا أدبرن عزوة متلّي الأوايـل
كم حق من باطـل خلنّـه يميـز=وكم ميّلن حقاَ ..وماكان مايـل
وأنا عليهن وجد وشفقان وعويـز=مثل إعتياز الأرض وبْل الهمايـل
روس الأموال ومنحة الله العزيـز=وسوحةٍ فالعـز صايـل وجايـل
بقلم أخوكم/ هداج