نايف مقبول
03-01-09, 02:02 PM
ياللة ياطارح علينا الضلالي=ياللي بما نبدية والغيب تعلم
يامحيي زرع الخلا والفلالي=والعبد من فضلك ورجواك ينعم
اكتب من القيفان لاضاق بالي=واللي فهيم وجرب الهم يفهم
انا من اسباب الدهر والليالي=عيت جروحي داخل الروح تلتم
والراس شاب ونشف الهم حالي=ولا فية احد يعطف بحالي ويرحم
ابني قصور من الوهم في خيالي=ابني وكل اللي بنيتة تهدم
وحضي اقول يمين ينزح شمالي=واللي رجيتة ماتحقق وماتم
كني غريب عن الوطن واليالي=وسبعين هاجوس على القلب خيم
وسرت اوايق نايفات الطوالي=كود اتريح واطرد الهم والغم
يمكن مشاريف العوالي دوالي=وعل الخفوق اللي بقلبي يسلهم
وسط الضمير هجوس قلبي همالي=امشي ونا هجوسي معاية تدرهم
في مجتمع من خيرة الناس خالي=في مجتمع ناسة يعيشون على النم
ناس تعبد المصلحة والريالي=الكل على الدنيا حريص ومهتم
يطلعوا راع القروش العلالي=وليا لفا كل بوجة تبسم
وهو على راسة تليق الشيالي=بس البلا كل بقرشة يقيم
ونا مع الونات ياهملالي=محد يرد الصوت يوم اتكلم
وضليت انا في عيشتي دون والي=ماغير اخطط في دجى الليل وارسم
اشيل حمل بداخلي مايشالي=وعايش على لوعات الايام لي كم
عيا الزمن يرضى بواحد بدالي=وشربت من كاسة مرارة وعلقم
يامحيي زرع الخلا والفلالي=والعبد من فضلك ورجواك ينعم
اكتب من القيفان لاضاق بالي=واللي فهيم وجرب الهم يفهم
انا من اسباب الدهر والليالي=عيت جروحي داخل الروح تلتم
والراس شاب ونشف الهم حالي=ولا فية احد يعطف بحالي ويرحم
ابني قصور من الوهم في خيالي=ابني وكل اللي بنيتة تهدم
وحضي اقول يمين ينزح شمالي=واللي رجيتة ماتحقق وماتم
كني غريب عن الوطن واليالي=وسبعين هاجوس على القلب خيم
وسرت اوايق نايفات الطوالي=كود اتريح واطرد الهم والغم
يمكن مشاريف العوالي دوالي=وعل الخفوق اللي بقلبي يسلهم
وسط الضمير هجوس قلبي همالي=امشي ونا هجوسي معاية تدرهم
في مجتمع من خيرة الناس خالي=في مجتمع ناسة يعيشون على النم
ناس تعبد المصلحة والريالي=الكل على الدنيا حريص ومهتم
يطلعوا راع القروش العلالي=وليا لفا كل بوجة تبسم
وهو على راسة تليق الشيالي=بس البلا كل بقرشة يقيم
ونا مع الونات ياهملالي=محد يرد الصوت يوم اتكلم
وضليت انا في عيشتي دون والي=ماغير اخطط في دجى الليل وارسم
اشيل حمل بداخلي مايشالي=وعايش على لوعات الايام لي كم
عيا الزمن يرضى بواحد بدالي=وشربت من كاسة مرارة وعلقم