نهاية فخور

[سند]

ياللي تبالغ بالتباهي و الإعجاب = خذ من تجارب صاحبك ما يكدّرْك
أوّل ليا جيت أنطح القوم مـاهاب = كنّي أبو تايه بغارة على التّرك
ألكِد عليهم و أقلع الراس بالناب = و أطلق حصاني للمثارات و العرْك
و اليوم تنشب يا حصاني بالأنشاب = غاصن بقيعان الأماني حوافرْك
هدّ بصهيلك هدّ لو كنت منصاب = لاني مثل عنتر و لاني محاورْك
و ياللي لقيفان الفخر تطرب إطراب= باكر تشوف إبليس وشلون غرّرْك
تقول ربعي طاولوا كل مرقاب = وصّلتهم لين الفضا من تفاخرْك
و تبغى الحقيقة لو بهم تسهب إسهاب = لا أوّلك طال الثريّا و لآآخرْك
أصلك من تراب و مرجعك لتْراب = لو رحلتك فوق الغمامة تمرّرْك
و إذا نزلت المدرج و فِك الأبواب = ما ينفعك غير الذي في دفاترْك
ما ينفعك في حينه ربوع و أقراب = كلّن بهمّه ملتهي ما يناظرْك
عنده تساوى بالنظر كل الأنساب = و تزول كلّ إشكوك كانت تساورْك
و يالموت ياللي كل ساعة لك أصحاب = و أشوف من عهد الطفوله بوادرْك
لا صرت بيد مسبّبٍ كل الأسباب = فلاني بشارد عنّك وْلا مدوّرْك
و الحين من عمر الشقى خاطري طاب= و لو تجيني لأحضنك و أتشكّرْك
و يالله ياللي ما يعَنِّيه طلاَّب = طالبك بإنّك من نهانا عن الشِّرْك
حوريّة ما نالها كل خطّاب = يسعد بخلد و فوق هذا يجاورْك

[مروق اوقات]

صح لسانك اخوي سند


هدّ بصهيلك هدّ لـو كنـت منصـاب
لاني مثل عنتـر و لانـي محـاورْك

------


و تبغى الحقيقة لو بهم تسهب إسهـاب


لا أوّلـك طـال الثريّـا و لآآخـرْك


أصلك من تراب و مرجعـك لتْـراب


لو رحلتـك فـوق الغمامـة تمـرّرْك


و إذا نزلت المدرج و فِـك الأبـواب


ما ينفعك غيـر الـذي فـي دفاتـرْك


ما ينفعك في حينه ربـوع و أقـرابك


لّـن بهمّـه ملتهـي مـا يناظـرْك

ولاهنت قصيده جزله ورائعه من راس جزل لك تحياتي

[الوصيف]

أما آن لهذا الإبداع أن يُكشف الستار عنه ، ويوثق وتحفظ حقوقه ..
أبو عبدالإله أنا آسف لهذا التجاوز .. ولكن شاعر بحجمك لاينبغي أن يظل طويلا ً تحت مظلة الأسماء المستعاره ... فأنت شاعر مخضرم في الفصحى والأشعار النبطيه ومدافع عن الحق وأهل الحق .. وأصبحت لك مدرسه شعريه يُحتذى بها ..
شاعرنا المبدع عبدالله المشهوري .. قليل جدا ً في حق شِعرك أن نمر عليه مرور الكرام دون التلذذ بهذه المعاني والترانيم الموسيقيه ..

أبوعبدالإله ... صح لسانك واعتلا شانك .. مبدع في كل اتجاهاتك ..
تقبل مروري المتواضع ..