نايف مقبول
19-02-09, 11:19 PM
ياللي تمد ايدك تبي الناس تعطيك=أطلب من اللي في عباده رحومي
أطلب من اللي لاتضايقت ينجيك=اللي فرض للناس حج وصومي
لو ماطلبته مايخليك يعطيك=هو رازق اللي في سماها تحومي
الى بغى عن ساير الخلق يغنيك=وان طاح حضك كود بامره يقومي
واللي قسمه الله من الرزق ياتيك=وماتنال غيره لو تشق الهدومي
والوقت من غيضه فلابد يسقيك=ويحدرك من عاليات الرجومي
يومٍ صحيب لك ويومٍ معاديك=ونوب تقلّب من براد لسمومي
ونوب الليالي بالمسرات تغزيك=الين تدمج صدقها بالحلومي
وبعد السعاده بالهواجيس تلفيك=وتعد شهبان السما والنجومي
ولا عن ربوعك وموطنك تجليك=وتسير جاني عن وطنك محرومي
واسمع نصيحة واحد معه يكفيك=ان الزمن معطيه رخصه عمومي
عود القصب يامذتري كيف يذريك=وقت الهبايب يوم شملا تقومي
دور مكن مذتري كود يدفيك=وخل الهبايب والمعاصير تومي
وكب الخوي اللي مع الناس يخزيك=وترى صديق المصلحه مايدومي
حط السفاله والرخم تحت رجليك=ولاتخاوي اهل المنذله والرخومي
دور خوي كالنضر دوم يقديك=اللي معك تلقاه وقت الزومي
الصاحب اللي مايوطيك يعليك=ولى نخيته لك يكف الكمومي
بس للأسف راح الذي دوم يفديك=روح وصرت من الصديق معدومي
وقتٍ تبين به علامات تنبيك=أول علامه صقرها صار بومي
انا وحيد والزمن قال مابيك= والناس لانامت انا شان نومي
ياليل قلي وش يرضيك وارضيك=القلب منك بالرصاص مختومي
وين أشتكي ياليل ياليل بشكيك=أصبحت ياليل العنا من خصومي
ياعين بالله مايسويه يرضيك=ياعين عن نومك طلبناك شومي
أطلب من اللي لاتضايقت ينجيك=اللي فرض للناس حج وصومي
لو ماطلبته مايخليك يعطيك=هو رازق اللي في سماها تحومي
الى بغى عن ساير الخلق يغنيك=وان طاح حضك كود بامره يقومي
واللي قسمه الله من الرزق ياتيك=وماتنال غيره لو تشق الهدومي
والوقت من غيضه فلابد يسقيك=ويحدرك من عاليات الرجومي
يومٍ صحيب لك ويومٍ معاديك=ونوب تقلّب من براد لسمومي
ونوب الليالي بالمسرات تغزيك=الين تدمج صدقها بالحلومي
وبعد السعاده بالهواجيس تلفيك=وتعد شهبان السما والنجومي
ولا عن ربوعك وموطنك تجليك=وتسير جاني عن وطنك محرومي
واسمع نصيحة واحد معه يكفيك=ان الزمن معطيه رخصه عمومي
عود القصب يامذتري كيف يذريك=وقت الهبايب يوم شملا تقومي
دور مكن مذتري كود يدفيك=وخل الهبايب والمعاصير تومي
وكب الخوي اللي مع الناس يخزيك=وترى صديق المصلحه مايدومي
حط السفاله والرخم تحت رجليك=ولاتخاوي اهل المنذله والرخومي
دور خوي كالنضر دوم يقديك=اللي معك تلقاه وقت الزومي
الصاحب اللي مايوطيك يعليك=ولى نخيته لك يكف الكمومي
بس للأسف راح الذي دوم يفديك=روح وصرت من الصديق معدومي
وقتٍ تبين به علامات تنبيك=أول علامه صقرها صار بومي
انا وحيد والزمن قال مابيك= والناس لانامت انا شان نومي
ياليل قلي وش يرضيك وارضيك=القلب منك بالرصاص مختومي
وين أشتكي ياليل ياليل بشكيك=أصبحت ياليل العنا من خصومي
ياعين بالله مايسويه يرضيك=ياعين عن نومك طلبناك شومي