يا راعي الغـر العـذاب المباهيـش

[مطلق العيد]

يا راعي الغـر العـذاب المباهيـش=رش الكبود اليابسة عـن عطشهـا
دنق علي و طمن الـراس بشويـش=واحي العـروق الذابلـه وانتعشهـا
حبك ينهش ثومـة القلـب تنهيـش=نهش الحنيش لعرش رجـل نهشهـا
واهل الهوى في سجن غيك دراويش=وقلوبهـم وجلانـه مـن دهشـهـا
من ذاق من جمر السوالف بخاشيش=يبطـي وروحـه معتقلهـا بلشـهـا
لا تستمع في هل الحكا والوشاويـش=نـاس انقيلـي النمـايـم دبشـهـا
يا خشف ريم ذار واوحي شوابيـش=بدوا طلوع الشمـس ذاره وغشهـا
والعين عين اللي جسر عقب توحيش=اميـر بيتـي الحـرار ووحشـهـا
طرح الشبك ما قلبـوه الطواريـش=ولا قرنسوه اهل العشش في اعششها
وحش وجاي من بعيـد المناطيـش=عوق الخريش اللي طياره خرشهـا
جابوه من عين الشمـال الهماميـش=ابرك الهادي طرشـة قـد طرشهـا
جابـوه لمثمـن طويـل المطاريـش=شيخ قوانين العـرب مـا دغشهـا
محمد عشير منقضـات العكاريـش=نجل العيون اللـي ملامـح بهشهـا
ومهـدي للـي براسـه نغامـيـش=لا شوشت حيـاة الارض وحنشهـا
محمـد مقابـل قاصـده بالتباهيـش=وملفى الرجال اللي جميلـة غطشهـا
ودايـم وبيتـه مدهـل للمداغيـش=وكم روح مسعـورٍ بجـوده نعشهـا
لا يا بعد ناس تكبـر علـى ويـش=لا شافت الناصي تلـوت اخششهـا
لو يملكون ارقام الاموال حتى ايـش=در الحمـارة دوب يـروي جحشهـا
وروس الظبا ما ذكر فيها عراميـش=لو هي على الزيلة كبـار اشوشهـا

[ابن عيـــــاد]

ابو اسيل الدبر

يعطيك العافية ياولد العم

ابيات اروع من الرائع

اخوك ابن عياد الدبر

"عاشق " زمانه"

[مطلق العيد]

يعافيك ربي

ابن عياد

تسلم على الرد

لاعدمناااك

[فيصل سليم الدبر]

ابو اسيل ..
راقت لي لا عدمناكـ، ..
تسلم على النقل.. كثر إبداعكـ، ..
ولاهنت على اتحافنا ..

[مطلق العيد]

هلا ابوريان وتسلم على التواجد الجميل

لاعدمناك تحياتي لك