تسجيل الدخول

مشاهدة النسخة كاملة : بيني وبين نديم الشمال


مسلم العميري
06-04-09, 07:34 AM
هذا مراد بيني وبين الشاعر المبدع نديم الشمال
والقصائد لها اكثر من عشر سنوات لكن لملاءمتها
للزمان حبيت ان اضيفها ...فاليكم البدايه
لنديم الشمال


بسم الولي منشي حقاق المخيلات =الواحد المعبود منشي الغمامي
من بعدها سر ياقلم واكتب ابيات=جواب مني فوق منه احترامي
للشاعراللي من رجال العميرات=اللي لهم بالصدر عندي مقامي
يم الخوي ودنا ندز الخطابات =ومن قبلهن ودنا ندز السلامي
يابو عمر خابرك رجل المهمات=وهذا جوابي بابعيد المرامي
ياحر يالي فاهم(ن)بالاشارات=لوهي لغيرك كان قلت الاسامي
يامسندي في وسط ربعي الحويطات=يامن عليك اشكي حياة العدامي
ماهوقصور(ن)في كثير الجماعات=مير انت عارف علتي مع سقامي
قمت اتفكر واسهرالليل ماابات=ماهو ولع مع ناقشات الوشامي
ماراح راح ولاعليه ا الحسافات=ولا جيت شاكي من ليالي الغرامي
جيتك وانا فيني من الوقت لوعات=الفين عله يالخوي بالتمامي
اكبر دليل(ن)شيب راسي علامات=في وقت شاب الطفل قبل الفطامي
والحظ قصر بين طيحه وعثرات=قمت اتقلب والعرب بالمنامي
والصبر طال وراس مالي خسارات=والطق كثره فك حتى اللحامي
وعيني بصيره والايادي قصيرات=وفي وقتنا من طالت ايده حرامي
وهذا زمان المصلحه والريالات= وخايف اليا طولت يفلت زمامي
وبين الاوادم يامسلم مسافات=مثلك يميز صفوها والغثامي
والخير فيكم يوم شيل الثقيلات=والخير بالامه ليوم القيامي
والناس واجد والاوادم مقامات=والطايح اللي طاح ماظن قامي
اناقضيتي لوتجي(في عربسات)=ماصدقوا نص الاوادم كلامي
مع الحضاره قاطعين العلاقات=ودي اتطور (كيف؟مدري علامي
عفت التطور وعفت كل الحضارت=راعي الحضاره صارمن شعب نامي
واقرا علينا الفاتحه والتحيات=جرح العروبه ينزف اليوم دامي
لما امتلت كل الصحف والمجلات=من ظلم ناس(ن)ماتعرف الحرامي
وصهيون يعبث بالنساء والشريفات=وكله علينا (مر مر الكرامي)
والعذر منكم كان ما اوفيت الابيات=واقبل بعدعذري جزيل احترامي

وهذا الــــــــــرد

بديت باسم الله رب السموات=اللي خلقنا بعلمه من العدامي
الواحد المعبود داري الخفيات=اللي فرض حج وصلاه وصيامي
من عقب ما جاني حسين الجوابات=اللي وصلني من رفيع المقامي
نسل الكرام اهل الوفاء والمروات=ربع (ن)لهم بالقلب مقدار سامي
يشكي علىّ سود الليالي الصعيبات=ويدور المخراج وسط الزحامي
يالاجودي كلٍ به جروح وافات=مااحدن سلم من ضيمها والعسامي
الوقت له ميله وعثره وهزات=دنياك فيها لفت(ن)وابترامي
لولا نهاري شمس والليل لمبات=من زود حملي ما نظرت الامامي
لكني اعودها على الصبر بسكات=وشكوى لغير الله فيها انهزامي
عمرك لقيت خطوط ما بها (مطبات)=لابد ما لدنياك نور وظلامي
كل الدروب لها رموز وعلامات=واللي يريد الحج يلبس حرامي
اختر حاضرةعرب سيب الخواجات=واترك حضارة خلط بين الانامي
ما ينجذب للضوء غير الفراشات=والعاقبه الموت في جو حامي
والناس ما تخدمك لولا الجنيهات=وانته فهيم وعالماً بالنظامي
شوف البنوك اللي تفلس بنكبات =مااحد ن يمر ابوابها كم عامي
وبعض العرب لانك نخيته برد-مات=من عقب ما هو طن يصبح غرامي
من ساق عذره خلف فعل الرديات =هذاك مثله مثل طير النعامي
احدن بها الدنيا مرصص بدمغات =واحدن مربّخ حبلها والحزامي
واليا ذكرت القدس صابتني اهات=القبله الاولى عليها السلامي
وان جبت ذكره وسط سرد الحكايات=قالوا علينا لا تعيد الكلامي
متولي امره عنك (ياسر عريفات)=وحنان عشراوي تدف السلامي
كنه قضيه شخص ما هي جماعات=كلٍ يبي يرتاح باكل الطعامي
لابد ما يوم(ن)نعيد الحسابات=وننهض من القيعان لين السنامي
ودي اختصرها دون ودي ولاهات=ماني مفصل جسمها والعظامي

عزتي بديني
06-04-09, 08:46 AM
جزل يرد على جزل
يعطيكم العافية
وحالنا ماتغير من ذيك السنين

عمرك لقيت خطوط ما بها (مطبات)
لابد مـا لدنيـاك نـور وظلامـي

ااحترامي

ابن شاهين
06-04-09, 09:14 AM
صح لسانك ابو عمر وكذلك نديم الشمال والله يعطيكم العافيه

ابيات في غاية الروعه

تحياتي وتقديري اخي ابو عمر

مسلم العميري
06-04-09, 11:00 PM
جزل يرد على جزل
يعطيكم العافية
وحالنا ماتغير من ذيك السنين

عمرك لقيت خطوط ما بها (مطبات)
لابد مـا لدنيـاك نـور وظلامـي

ااحترامي
عزتي بديني الله يعافيك
واسعدني تواجدك.
وصبرا جميل والله المستعان
فلابد من الفرج يوما ما,,,,

نايف مقبول
06-04-09, 11:15 PM
(صــح ابــدانكــم}
جميعا

((نديم الشمال))
((ابــو عمـر))
ويعطيكم العافيه ابدعتم جميعا
قصيده تستحق المرور مرارا وتــكــرارا


***تحياتي لكم جميعا***

النـديمـ
06-04-09, 11:19 PM
جيتك وانا فيني من الوقت لوعـات )( الفيـن علـه يالخـوي بالتمامـي
..
.
ابدع وابدعت
وكل بيت بالقصيدة وردك عليها / روعـــه
صح لسانك يالشاعر ولسان نديم الشمال
اعذراني
التقطت هذا البيت تحت مجهري
وجد ساكنا بالقلب له حرك
تحياتي

عايد ربيع الحويطي
07-04-09, 03:32 PM
رديه من العيار الثقيل جدا
بين شاعرين يتميزون بالجزاله وتطويع الابداع
2/2
تحياتي يامبدعين

مطلق العيد
07-04-09, 04:08 PM
صح السنتكم

مسلم العميري ونديم الشمال

امتعتونااا بهذه الرديه الجميله

تحياتي لك

مسلم العميري
07-04-09, 07:51 PM
صح لسانك ابو عمر وكذلك نديم الشمال والله يعطيكم العافيه

ابيات في غاية الروعه

تحياتي وتقديري اخي ابو عمر
صح بدنك ابو وليد
واسعدني تواجدك الطيب
لك ارق التحايا,,,,,,

العميري
07-04-09, 10:36 PM
صح السنتكم عملاقين على قمة الهرم الشعري
اتوا لنا بكل صور الابداع لاهنتم
لكم شكري وتقديري

عظيم إحساس
08-04-09, 12:41 AM
الله الله عليكم

كلاً يشكي عنى الوقت يانديم :)

صح السنتكم جميعاً

قصيدهـ ورد رائع

سلمتم جميعاً

السندباد
08-04-09, 12:53 AM
صح السنتكم

مسلم العميري ونديم الشمال

امتعتونااا بهذه الرديه الجميله

تحياتي لك

ناسك
25-04-09, 07:49 AM
يم الخوي ودنـا نـدز الخطابـات
ومن قبلهن ودنـا نـدز السلامـي
يابو عمر خابرك رجـل المهمـات
وهـذا جوابـي بابعيـد المرامـي
ياحـر يالـي فاهم(ن)بالاشـارات
لوهي لغيرك كان قلـت الاسامـي


وبعض العرب لانك نخيته برد-مات
من عقب ما هو طن يصبح غرامي
من ساق عذره خلف فعل الرديـات
هذاك مثلـه مثـل طيـر النعامـي
احدن بها الدنيا مرصص بدمغـات
واحدن مربّـخ حبلهـا والحزامـي


صح لسان الشاعرين . مساجله رائعه .. تقبل مروري. وسلامي لك

نديم الشمال
25-04-09, 11:21 AM
الحقيقه والحديث عن عن ضباء وايام ضباءوميناء ضباء
يعودبي للماضي الجميل
واسمحوا لي هنا لو اطلت في ردي وكنت ايامها اذهب الى العمل
تخيلوا اني ااتصبح واتمسى اما بمسلم عواد اواحمدسالم
وكنت كل يوم اكتب قصيده هاه وش رايك يامسلم زينه
يرد زينه زينه المهم اني عارف معنى الزينه هاذي0الحقيقه
انه لو انه واحدثاني اما قال ان مسلم وده يحطمني او ترك الشعر
المهم ان ابو عمر طولها زينه زينه وعيونه تقول شي غير
وبعدحوالي ستة اشهركانت هذه الرديه وكانت اول قصيده لي موجهه لشاعر
قلت ان رد فاناسوف اعرف انها شهادة ميلادي في عالم الشعر
كانت الولاده عسيره نعم كنت اعرف من اين اخذ الراي ومن استشير
استاذي واخي ابو عمر لك اشكر
وقبل النهايه اكتب شيئا عن الوفاء
درارت الايام ودوام الحال من المحال عندما ضاقت الاحوال وتغيرت
الدنيا وبعض الاصحاب رأيت الوفاءكان ابوعمر مثال الوفاء والشهامه
نعم رب اخ لك لم تلده امك
اسأل الله انه لايحرمنا من الرجال اللي مثل مسلم وشرواه
وصحيح ان المواقف لاهلها
وارجو ان تعذروني على الاطاله
وتقبلوا احترامي وتقديري

إستشاري
25-04-09, 11:35 AM
صح لسانك اخوي ابو عمر وانت بعد النديم
ماشاء الله عليكم ابدعتم والله شعار
تقبلوا مروري
إٍتشاري

مسلم العميري
26-04-09, 05:44 AM
(صــح ابــدانكــم}
جميعا

((نديم الشمال))
((ابــو عمـر))
ويعطيكم العافيه ابدعتم جميعا
قصيده تستحق المرور مرارا وتــكــرارا


***تحياتي لكم جميعا***
الله يعافيك اخوي ابو تركي
وسعيد بتواجدك ومرورك الطيب
بارك الله فيك,,,,,

مسلمة
26-04-09, 06:28 AM
كلمات جزلة ... مبدعة ... وقوية

الشاعر الشامخ / مسلم العميري

الشاعر الرااقي/ نديم الشمال

وقفت طويلا في طيااات كلمات هذه القصيدة لما تحمله من معاني وابداااع وابعاد لايتقنها الا اهلها

سلم قلبكم ونبضكم وادااام الله بينكم الصحبة الطيبة وابعد عنكم كل شر فما اجمل من هذا العمق وهذا التوارد والجزالة بارك الله فيكم وبالتوفيق والسداد .


دمتم بخير وسعادة ورقي وترف

مسلم العميري
24-11-10, 08:20 AM
شكرا لكل من مر من هنا
او سطر احرفه عبر هذا
المتصفح واعتذر عن التاخير
في الردود لان الظروف احيانا
تشغلنا عن ذالك فاعذرونا
بارك الله فيكم,,,,,

حويطي الشمال
24-11-10, 09:12 AM
رديه راائعة ولك الحق ان تحفظها طوال هذة السنين أخي ابو عمر
فهي كالذهب.
صح لسأنك ولسان نديم الشمال
وعساكم ع القوه

مرايم بنت ابوها
24-11-10, 09:12 AM
صح لسان كل من
مسلم ونديم الشمال
اقول ورا ماتسوو كليب بهاالرديه
والله غير تغطون ع خالدعبدالرحمن وناصرالقحطاني

نديم الشمال
24-11-10, 07:23 PM
صح لسان كل من
مسلم ونديم الشمال
اقول ورا ماتسوو كليب بهاالرديه
والله غير تغطون ع خالدعبدالرحمن وناصرالقحطاني

هلا بأم سياف الحقيقه انا ودنا بس نحتاج تمويل :zip:
واذا عندك امكانيه تاخذينا احتكار مثل روتانا
بشوف ابو عمر اذا وافق خير وبركه واذا ماوافق
تعرفين المطاوعه؟؟؟؟

فيصل سليم الدبر
26-11-10, 10:00 PM
واليا ذكرت القدس صابتني اهـات
القبلـه الاولـى عليهـا السلامـي

صح الله السنتكم على هذه الرديه

حسين أبوتايه
26-11-10, 10:13 PM
الأخ نديم الشمال والأخ مسلم العميري صح لسانكم جميعا
قصائد في غاية الروعه لكم كل التحيات والتقدير