اهداء بس مب حق حد

[بنت زايد]

خلي عشقته من دون ما أشوفه

حبه في قلبي كتوم دفين



لاني لفيته ولا أدري بظروفه

ولا ادري بحاله سعيد أو حزين



رسمته في قلبي وزينته بحروفه

عنود ٍ ودود ٍ في منطقه لين



هذا القلب وهذا صروفه

يسوقك في حبه شمال ٍ أو يمين



احس بنسيمه لي هفت هفوفه

يداعب فؤادي بشوق وحنين



واحس بنبضه في حشا جوفه

يداوي جروحي ويشفي الانين



قتلني الشوق وطعني بسيوفه

ولا لي حيلة بها استعين



حبي عفيف صاف ٍ من عيوفه

وما حاد يوم ٍعن الشرع والدين



العشق البذي ماني من صنوفه

ولاني من اللي يرضى بالشين



حبيبي بخاطري مرت طيوفه

يا زين طيفه في كل حين



انتظر خلي وساعة الشوفه

اظل احبه لو انتظرته سنين

[مشعل الغنامي]

http://www.saudinokia.com/vb/images/uploads/30283_12151474411d3ce72c.gif

[جبرني الوقت]

** بنت زايــــد **صح لسااانك
قصيده تحكي اوصاف محبوب
ولكن بداخل الوجدان .. !!!
وترسم له صورة جميلة نقيه وراقيه
كم هي جميله المشاعر حينما نسطرها
من نسيج الخيال ولكن قد تكون مؤلمه بالواقع عندما تكون
مشاعر غربة بلا وطن لانعرف من يستحقها ،،،
أملي وما أتمناه أن يجسد خيالك واقع حياتك
دمتي بأسعد الأحوال

[النجم طليان المرادي]

لكي خالص شكري وتقديري يا بنت زايد على القصيده الرائعه

[بنت زايد]

يسلمووووووووووو ع المروووووور