المحبه مات راعيها

[ناسك]

يا روح روحي فداك العمر وسنيني
=لكن فرقاك تكفى لا تطريها
انت الذي من جميع الناس مشقيني
=والحاجه اللي تبي قلي واسويها
ان كان يا داعج الاعيان تغليني
=الروح شفها وش اللي صايرٍ فيها
ياما على شان شوفك تفرك يديني
=ويا ما على شانك الرجلين أعنيها
كلي جروحٍ ولا غيرك يداويني
=وأن كان خليتني منهو يداويها
على غلاكم وشوفك لا توصيني
=والا انت نفسك عليه ما تواصيها
منيب ناسيك لكن أنت ناسيني
=وشلون عشرة سنين العمر ناسيها
لا من ذكرتك يهل الدمع من عيني
=واخاف من هرجة العذال وأخفيها
اللي جرالي من اسبابك يكفيني
=عزالله ان المحبه مات راعيها

كلمات الشاعر السنافي

[عبدالله الموسي]

أختيار رائع

وقصيدة ولا اروع

تحياتي

[ابن شاهين]

يعطيك العافيه على الاختيار الرائع



تحيتي لك اخي

[النجم طليان المرادي]

لك خالص شكري وتقديري يا ناسك على الاختيار الموفق

[ناسك]

عبدالله الموسى , بن شاهين , النجم طليان المرادي

اشكــــــــــــــركم على المرور العطر

تحيـــــــــــاتي لكم