تسجيل الدخول

مشاهدة النسخة كاملة : إضرب على الكايد

راع المليحا
08-06-09, 11:38 AM
اضرب على الكايد


القلـب من كثـر الهواجيس قزّان **** مـا يستريح من الدهر ربع ساعة

يا غافـر الـزلات يـا والي الشان **** تـجعل من التقوى لنفسي بضاعة

أنـا علـى لان وربـعي على لان **** متخالـف ٍ رايـي وراي الجماعة

مانـي ولـد شاوي يسرّح الضان **** يفـرح بتصنيف البهم والرضاعة

أنـا ولـد علـي سلايل كحيلان ***** وربـي خلقنـي للسبايـا وداعه

عيب على اللي يتقي عقـب ما بان *** وعيب ٍ طمان النفس عقب ارتفاعه

الناس مـا تسقيك ليا صرت ظميان *** ولا يشـرب المظمي حذا من ذراعه

أضرب على الكايد ليا صرت بحلان *** وعنـد الولي وصل الرشا وانقطاعه

إمـا تـجيب عقود حص ٍ ومرجان ***** والا فلـبـليـس ٍ يطيـر بشعاعه

الشاعر عبيد بن رشيد
السفير 2
08-06-09, 11:40 AM
أضرب على الكايد ليا صرت بحلان *** وعنـد الولي وصل الرشا وانقطاعه

إمـا تـجيب عقود حص ٍ ومرجان ***** والا فلـبـليـس ٍ يطيـر بشعاعه

القصيدة كلها اعجبتني لك ودي واحترامي ........... راعي المليحا
النجم طليان المرادي
08-06-09, 12:15 PM
لك خالص شكري وتقديري يا راع المليحا على الاختيار الموفق
راع المليحا
08-06-09, 02:40 PM
شكرا لمروركم اخواني متصفحي