تسجيل الدخول

مشاهدة النسخة كاملة : ماكل من يركب على الخيل خيال


قــرنــاس
18-02-07, 02:17 AM
ما كـل مـــن يركب على الخيل خيال
......................ولا كل خيل تعجبك هـــي أصيــــله
ولا كل من يعجبك هرجـــه برجـــال
.......................بعض العــرب ملـــسون وإيـده بخيله
الكـــــــل يلبس ثوب وشماغ وعقـال
..................... وعند اللزوم افعالهـــم هـــي قليـــله
الرجـــــل تثبت لــه أقاويـــل بأفعــال
...................لا قال شـــيء ونفـــذه هـو دلـــــــيله
والرجل لاشفته مــــع القيـــل والقال
.........................أبعــــد عنه هذا صفاته عليــــــــله
والكــــذب خله عنك مـــــافاد لو طال
.........................قول الصدق ياصاح غنم وجميــــله
وخلك شجــــاع وذي صفات للأبطال
.................... اللــــي كما ســـيوف تبارق سليــــله
واللي شــــــراك أشريه لو كان بالمال
......................خلك معــــه وان مــــال دور بديلـــه
واصبر ترى الــدنيا تبدل بها أحوال
.................وما كل شئ صافي تشـــوفه تجي لـه
وبعد الكــــدر تشرب صفا عذب وزلال
.........................هذا الزمــــن فيه استــقامه وميله
وصاحب خليل لو جفـــا الوقت مامال
......................ترى الرجل يعرف بقيمـــــة خليـــله
واقفل على ســرك بكتمـــان واقفال
...................بعــــض العرب يسمع وينوي بحـــيله
وخلك أميــــن إذا توليت الأعمـــال
................... من خان في يوم الحشـــر يا حليـــله
خل التواضــع فيك واضح بالأفعال
.......................ترى الكبـــر يردي بيوم وليـــــله
ولا تحســـد اللي عنده أموال وعيال
...................وش ينفعك لو كان حـــسدك يزيلــــه
ولا تزور تقلب الزيــــن بطـــــال
.....................الله عليـــــــــم بالنوايــا الدخــــيله
وخلك رزيـــن ترى المخفه للأطفال
.................... واصفح عن المخــطي ولو زاد قيله
واحمل همومك لو تزن وزن الاثقال
......................بكره تروح وتنجلي لو ثقـــــــيله
وصل الفـــروض ولاتنسيك الأشغال
.................. محدن في الدنيـــا درى وش بقي له
وزور الاقارب للرحم كون وصــــال
..................... وخلك عظيم الشان وسط القــبيـله
وصلاة ربي عد ماهل همــــــــال
....................على النبي اللي صفـــاته جلـــيلــه

الشهاب
18-02-07, 02:20 AM
صح لسانك

وتسلم على ما سطرت




تحياتى


الشهاب

الآتي الأخير
18-02-07, 02:28 AM
شكرا لهذه الرائعة اخي قرناس
اتمنى التنويه لشاعرها ؟
لك تحياتي

ابوعبدالله
18-02-07, 02:42 AM
في الحقيقه هذي هي صفات الرجوله ايه والله
ابيات جميله يااخي والله يعطيك العافيه

قــرنــاس
18-02-07, 02:51 AM
الشهاب
الآتي الأخير
أبو عبدالله

أشكركم على المرور
وفيه إختلاف على قائلها
عند التأكد منه يتم ذكر إسمه

تحياااااتي للجميع

جارة الوادي
22-02-07, 02:10 PM
يعطيك العافية على هذه القصيدة الراااائعة،، حبذا لو أوردت اسم قائلها ،،، تحياتي لك

ريتاج
22-02-07, 03:15 PM
الرجـــــل تثبت لــه أقاويـــل بأفعــال
...................لا قال شـــيء ونفـــذه هـو دلـــــــيله
والرجل لاشفته مــــع القيـــل والقال
.........................أبعــــد عنه هذا صفاته عليــــــــله
والكــــذب خله عنك مـــــافاد لو طال
.........................قول الصدق ياصاح غنم وجميــــله
وخلك شجــــاع وذي صفات للأبطال
.................... اللــــي كما ســـيوف تبارق سليــــله

أبيات في غايه الروعه

شكرا لنقلها لنا أخي قرناس


ريتاج

عزوووز
23-02-07, 05:41 PM
يعطيك العافيه أخووووي

مـزيون الحـويطـات
23-02-07, 06:34 PM
ياقرنــاس جاني كلامك واعجبتني معانيه .. عساك بالقوة ياطيب الصيت والجــاه

تقبـــل تحيات اخوكـ

قــرنــاس
24-02-07, 01:41 PM
جارة الوادي
ريتاج
عزوز
مزيون الحويطات

لكم مني جزيل الشكر والتقدير
على مروركم الجميل

بارق الحسين
24-02-07, 05:23 PM
قرناس يبض الله وجهك

ولا شلت يمنك على النقل الرائع

دمت


بارق

أبونياف
26-02-07, 12:21 AM
قصيدة رائعة
يعطيك العافية

قــرنــاس
03-03-07, 05:02 AM
الله يعطيكم العافيه على المرور

وبالنسبه لقائل القصيده
الشاعر\ عوض الثقفي
رحمه الله

بــعــيــد الــهــقــاوي
09-03-07, 06:04 AM
يعطيك العافيه أخوي قرناس قصيده في غايه الروعه
وصح لسان من قالها
والله يرحمه

قــرنــاس
09-04-07, 10:33 PM
صح بدنك يابعيد

تقبل تحياتي