الى جبرني الوقت مع التحيه

[أسد الغابه]

اليك هذه الكلمات والعبارات المتواضعه ايها القلم المبدع

اسمك جبرني الوقت واصبحت مجبور=والادمي له ماانكتب في جبينه
الله لونفتح بعض قفلة صدور=يشيب راس الطفل من شوف عينه
لكن نعودها على كايد الجور=حتى الضمير الحي يقوى يقينه
الهمه الهمه ترى دورها دور=والصبر منهل مايغلّق معينه
اقول من قلبي معوّض وماجور=يكفيك لاخليّت صدرك مدينه
خل الامل بحرك وربانك النور=ماسار فوق الرمل جسم السفينه
ترى التفاءل شي يبعث لك سرور=والاالهموم تزيد بله وطينه
ولك اجمل الامنيات وارق التحايا جبرني الوقت,,,,

[جبرني الوقت]

أستاذي الفاضل
الأســـد
حياكـ وحيا حروفك ملايين
وصح لسانك ... وعلا شانك
أبيات جزله ماشاء الله عليك
كفيت وفيت
لاهنت
كلماتك محلها القلب
وأثرها بالنفس


شفت المطر لاأحيا يبس الزرايع
حرفك كذا يحيي عروقي وينعشها

أستاذي الفاضل
أسد الغابه
لك ربيـع لاينضب من ورد الثنـاء
كل التقدير والأحتــرام لشخصك الكريم

[رحالـ]

كفيت ووفيت يا
أسد الغابة

وصح لسانك ولسان
اخونا

جبرني الوقت

تحياتي للجميع

[العميري]

صح لسانك يالاسد
كتبت وابدعت بجزله ليس لهل حدود
صح لسانك وطاب فالك
ولاهنت وتحيه لك وللاخ جبرني الوقت

[عايد ربيع الحويطي]

الاسد
كعادته لايرضى الا بالسمينه
جزل ياملك الغابه

[مطلق العيد]

صح لسانك اسد الغابه

وافي يالوافي

تحياتي لك

[نايف مقبول]

صح لسانك يا أســد الغــابــه
كـــلام مـافـيــه كــــلام
ماقول الا الله يعطيك العافيه

واقول انتبه...!
لاتركب {التليفريك} اللي في الهدا
سمعت انه الحبل حقه يبغى ينقطع


{وتقبل تحياتي}

[نديم الشمال]

اليك هذه الكلمات والعبارات المتواضعه ايها القلم المبدع

اسمك جبرني الوقت واصبحت مجبور=والادمي له ماانكتب في جبينه
الله لونفتح بعض قفلة صدور=يشيب راس الطفل من شوف عينه
لكن نعودها على كايد الجور=حتى الضمير الحي يقوى يقينه
الهمه الهمه ترى دورها دور=والصبر منهل مايغلّق معينه
اقول من قلبي معوّض وماجور=يكفيك لاخليّت صدرك مدينه
خل الامل بحرك وربانك النور=ماسار فوق الرمل جسم السفينه
ترى التفاءل شي يبعث لك سرور=والاالهموم تزيد بله وطينه
ولك اجمل الامنيات وارق التحايا جبرني الوقت,,,,

[ خلوووووووووووها -اسمع بعد ياجبرني الوقت وانا اخوك


الليث خذ شوره ولا تخالف الشور=وترا الاسود الها نصايح ثمينه
لا تغرك الدنيا ولو صرت مشهور=تطيح من عالي والى:طحت شينه
(ترا الغرور المقبرة) (وانت دكتور)=والعبد ما تملك شماله يمينه
بعد النصيحة (تعتذر)مانت معذور=ويبقى رصيد العبد (خُلقه ودينه)
تدري النجم وش يصنعه؟حب جمهور =لي رأي شخصي(في زحام المدينه؟؟)

[ابن شاهين]

صح لسانك اسد الغابه على الابيات الجميله وجبرني الوقت اخ عزيز ويستاهل


تحيه من القلب للاخ اسد الغابه ولاخ جبرني الوقت

[الشاعر معشي الذيب]

قمة الابداع هذه القصيده التي توكد ان ورائها شاعر يرقى الى القمم بكل ثقه اشكرك واسجل اعجابي بهذه الرائعه
لك تحياتي اخي الحبيب
معشي الذيب