نايف مقبول
09-07-09, 08:49 PM
يالله ياخالق عضام الرمادي= ياللي عفيت ايوب من عقب بلواه
ياخالق سبع بليا عمادي=يالله يالمعبود ثم اطلب رضاه
هذا الكلام اللي عن النوم حادي=حره طريق الويل والموت يصلاه
قلت اركب ياسليمان والشر زادي=وانحر طريق الشرق والخير نلقاه
في ساعتين ونصف ماهن بعادي =وحنا بتبوك ويكشف الشر بغطاه
جانا الطبيب وقال شرك يشادي =والله يالعود مالك عندي محاجاه
مير ارفعك لقصر زين المبادي=قصر الفهد الذي للشعب ماواه
جاب النعش وحط لراسي وسادي =واصغى على السواق وشفته اوصاه
واقفى بنا الاسعاف صوته ينادي=صوته رفيع ويضعف القلب بعواه
واوحي بقلبي مثل قدح الزنادي=واصيح صيحات الذي فارق اخواه
وحول ثلث الليل وصلنا وكادي=مستشفى المليك اللي عسى الرب يحماه
لقينا رجل وترفات الايادي =الكل منهم ينهض جنبي ويرفاه
قالوا هلا وهلحين ساعة رقادي=والصبح نكشف شرك ونلقاه
دكتور طارق من الرجال السدادي =دكتور مخلص وجايب العلم برواه
يضحك بجنب العين والبال هادي=ولا ادري عن اللي سواه سواه
يومن صحيت وفك عني رقادي=ولي بسرير وتطلب النفس مشهاه
جتني تقول ياعم وش المرادي=هذا اللحم مفروم والبيض نقلاه
من جود ابو فيصل طباخنا ينادي=هذا القلب ياناس على كل مشهاه
ياخالق سبع بليا عمادي=يالله يالمعبود ثم اطلب رضاه
هذا الكلام اللي عن النوم حادي=حره طريق الويل والموت يصلاه
قلت اركب ياسليمان والشر زادي=وانحر طريق الشرق والخير نلقاه
في ساعتين ونصف ماهن بعادي =وحنا بتبوك ويكشف الشر بغطاه
جانا الطبيب وقال شرك يشادي =والله يالعود مالك عندي محاجاه
مير ارفعك لقصر زين المبادي=قصر الفهد الذي للشعب ماواه
جاب النعش وحط لراسي وسادي =واصغى على السواق وشفته اوصاه
واقفى بنا الاسعاف صوته ينادي=صوته رفيع ويضعف القلب بعواه
واوحي بقلبي مثل قدح الزنادي=واصيح صيحات الذي فارق اخواه
وحول ثلث الليل وصلنا وكادي=مستشفى المليك اللي عسى الرب يحماه
لقينا رجل وترفات الايادي =الكل منهم ينهض جنبي ويرفاه
قالوا هلا وهلحين ساعة رقادي=والصبح نكشف شرك ونلقاه
دكتور طارق من الرجال السدادي =دكتور مخلص وجايب العلم برواه
يضحك بجنب العين والبال هادي=ولا ادري عن اللي سواه سواه
يومن صحيت وفك عني رقادي=ولي بسرير وتطلب النفس مشهاه
جتني تقول ياعم وش المرادي=هذا اللحم مفروم والبيض نقلاه
من جود ابو فيصل طباخنا ينادي=هذا القلب ياناس على كل مشهاه