تسجيل الدخول

مشاهدة النسخة كاملة : قصيدة الليل


الشاعر معشي الذيب
28-06-09, 12:28 AM
بسم الله الرحمن الرحيم

يــاليل مايفــهـم بـــلاويـــك يــاليـــل = الا الـــذي يسهـــر معـــك مــاينــامي
تـــقـــفـــي معـاميل وتـــقبل معامـيل = وهـــجن القصايد فـوق جوك حيامي
نعــطيك من صدق المشاعر مواويـل = وانـتــه شحـوح وكل مــزنك عسامي
تــنزل بنــا يامتعــب الروح وتـشـيل = ومــن كثـر شـــداتـك كرهت المنامي
خـيلــك تشا ول والقـوافي غدن حـيل = غـــارة مناكيــف غــــدو بالغــمـامـي
يــاليل عــطني من امل ضــو قـنديل = واعـطيك مـن شعـري نوادر كلامـــي
يــالـيل ماتــرفــق بــراع التــماثـــيل = اللــي عــليـه الــوقـت يالـيـل حــامي
صمته عذاب وطول صبره تهــاويل = ولــيــا شكـالـك عـــلتـه مـــايـــلامــي
داري خــويك ياسود الــوجه يــاليـل = يــلــزمـك حـقــي يــاردي العــمامـي
سريت بـــك سروات ذيب المخاليـل = حـــافــي قـــدم بطعـوسها والعـدامي
لاجــبــت بـيــت قلت جتني تساهـيل = ولـيا بغــيــت اثــنــيه حـل انـقسامي
عنـــدي خيال يفــوق فـي جمه النيل = لاكـــن يسج ابهجعتــي وانسجــامي
شاعر مواقف واحتري طلعت سهيل = عــل وعسى يبــرد بروحي غرامــي
ودي بشعــر ماحــوته الـــرجــاجـيل = الــجـم جــمـي والــدلي مـع مقــامـي
يـــردن علي مثـل المزون المهاطيل = اللـــي لهـــن بالقــاع جـــلد وغثامـي
اعطــي عــن الفكره بلامثال تفصيل = واجــيـب من بحــري فـرايد نظــامـي
الشعــر صيد بالـمكامـــن مهــاجـيل = قـناصهن تصعب عــليــه المـرامـــي
احـــدن لياثـــور يجــيب المحاصيل = رامــي يشــد مــع اصبعــه للبهامــي
حـفــنا وشفــنا والــرواما معــازيــل = ومــع مــرمسات الـدو جينا شمامي
صدنــا وطاب الكيف عقب التناكيل = صيداتــنا مــن مفــردات الكــلامــــي
قــــوافــين فــيـها للــجـــواد تـــدليل = نـبــذه عــن اللي هاضني في منامـي
تمـــت وصلـــو عـــد مــد الـدرابيل = علـــى رســول الـلـه باخـــر كلامـــي

الشاعر

محمد حسين ابن عثمان الحويطي
(معشي الذيب)

عبدالله الموسي
10-07-09, 02:57 AM
ابن عثمان

صح لسانك على هذهِ

الرائعة

جزلة من رآس وافي

ننتظر جديدك،



ملحوظة

لقد تم عزل هذه القصيدة من موضوعها الأساس وكتابتها بموضوع مستقل لأنها تستحق ذالك،
وارجو من الأخ ابن عثمان عند كتابة قصيدة اخرى جديده بأن تكون بموضوع جديد

تحياتي

ناسك
10-07-09, 03:10 AM
صح لسانك يابن عثمان

القاف في الصدر والعجز اختيار شاعرخبير

موفق بإذن الله ... لك مني أجمل تحية .

العميري
10-07-09, 03:16 AM
اللهم صلي على محمد واله وصحبه وسلم
صح لسانك ياابن عثمان
على هذه الجزله الرائعة والفريدة من نوعها
تحياتي

الشاعر معشي الذيب
10-07-09, 03:19 PM
اخي الكريم عبدالله الموسى

ســـلام احــلا مـن رحيـق الطايره اللـــي على غـصـن الــندا تــتقن الهمس
يــوم العــواطـف والمشاعر فايره تاخــذ وتعــطي والغلا لمس فــي لــمس
عــند الغــروب تــمـر دايـم زايـره وتهدي لك اشواقي عن مصافح الخمس

عناد الرواد
06-11-09, 06:01 PM
شاعر مواقف واحتري طلعت سهيل ~ عل وعسى يبرد بروحي غرامـي

المواقف صنعت اعذب الشعر واحلا الشعراء

تنزل بنا يامتعب الـروح وتشيـل ~ ومن كثر شداتك كرهـت المنامـي

الله يجمل حالك

لا خلا ولا عدم يا معشي الذيابه مهو بس الذيب

الشاعر معشي الذيب
15-11-09, 11:36 PM
شاعر مواقف واحتري طلعت سهيل ~ عل وعسى يبرد بروحي غرامـي

المواقف صنعت اعذب الشعر واحلا الشعراء

تنزل بنا يامتعب الـروح وتشيـل ~ ومن كثر شداتك كرهـت المنامـي

الله يجمل حالك

لا خلا ولا عدم يا معشي الذيابه مهو بس الذيب


لاهنت ياعناد تواجد شاعر بحجم الرواد في متصفحي وسام على صدري

شوق الجنوب
03-07-10, 03:35 AM
بسم الله الرحمن الرحيم

يــاليل مايفــهـم بـــلاويـــك يــاليـــل = الا الـــذي يسهـــر معـــك مــاينــامي
تـــقـــفـــي معـاميل وتـــقبل معامـيل = وهـــجن القصايد فـوق جوك حيامي
نعــطيك من صدق المشاعر مواويـل = وانـتــه شحـوح وكل مــزنك عسامي
تــنزل بنــا يامتعــب الروح وتـشـيل = ومــن كثـر شـــداتـك كرهت المنامي
خـيلــك تشا ول والقـوافي غدن حـيل = غـــارة مناكيــف غــــدو بالغــمـامـي
يــاليل عــطني من امل ضــو قـنديل = واعـطيك مـن شعـري نوادر كلامـــي
يــالـيل ماتــرفــق بــراع التــماثـــيل = اللــي عــليـه الــوقـت يالـيـل حــامي
صمته عذاب وطول صبره تهــاويل = ولــيــا شكـالـك عـــلتـه مـــايـــلامــي
داري خــويك ياسود الــوجه يــاليـل = يــلــزمـك حـقــي يــاردي العــمامـي
سريت بـــك سروات ذيب المخاليـل = حـــافــي قـــدم بطعـوسها والعـدامي
لاجــبــت بـيــت قلت جتني تساهـيل = ولـيا بغــيــت اثــنــيه حـل انـقسامي
عنـــدي خيال يفــوق فـي جمه النيل = لاكـــن يسج ابهجعتــي وانسجــامي
شاعر مواقف واحتري طلعت سهيل = عــل وعسى يبــرد بروحي غرامــي
ودي بشعــر ماحــوته الـــرجــاجـيل = الــجـم جــمـي والــدلي مـع مقــامـي
يـــردن علي مثـل المزون المهاطيل = اللـــي لهـــن بالقــاع جـــلد وغثامـي
اعطــي عــن الفكره بلامثال تفصيل = واجــيـب من بحــري فـرايد نظــامـي
الشعــر صيد بالـمكامـــن مهــاجـيل = قـناصهن تصعب عــليــه المـرامـــي
احـــدن لياثـــور يجــيب المحاصيل = رامــي يشــد مــع اصبعــه للبهامــي
حـفــنا وشفــنا والــرواما معــازيــل = ومــع مــرمسات الـدو جينا شمامي
صدنــا وطاب الكيف عقب التناكيل = صيداتــنا مــن مفــردات الكــلامــــي
قــــوافــين فــيـها للــجـــواد تـــدليل = نـبــذه عــن اللي هاضني في منامـي
تمـــت وصلـــو عـــد مــد الـدرابيل = علـــى رســول الـلـه باخـــر كلامـــي

الشاعر

محمد حسين ابن عثمان الحويطي
(معشي الذيب)

الهم صلي على سيد الخلق
كلما قرأت لك قصيده شعرت بالتجديد وكأن كل قصيده استقلت بثوبها الخاص
الا انها جميعها خرجت من قلب شاعر يعرف كيف يطوع الحروف بسلاسه وعاطفه متدفقه ... الليل دائما حبيب الشعراء وانت هنا تلومه رغم انه ساعدتك لتقدم لنا هذه اللوحه الصادقه
تقبل مروري
ومليوووووووووووووووووون صح لسانك

الذيـــب
03-07-10, 03:47 AM
صح السانك يابن عثمان وفالك القمه

الشاعر معشي الذيب
03-07-10, 01:50 PM
شوق الجنوب
شكرا على مرورك الذي اسعدني كثيرا ومهما كتبنا نبقى نقطه في بحرك الزاخر بكل ماهو راقي وعذب

الشاعر معشي الذيب
03-07-10, 01:51 PM
الذيب
الله لايهينك يالغالي ودمت ودام مرورك الذي احرص ان اراه دائما على قصائدي