عناد الرواد
31-08-09, 12:08 AM
البارحه يوم الدموع امتساكبه
وشراع دمعي ابحرت به مراكبه
جدفت فبحور المشاعر وطفتها
ودي اطول الحوت واشلع مناكبه
ترى الاسود تغار دايم على اسمها
مثل الملك تحفظ جنابه مواكبه
وكذلك الشعار توزن كلامها
تلقى البيوت الوافيات امتراكبه
كم شاعر ٍ سير على غير وجهته
ينسج وهم وتشوف لجة عناكبه
وبه شاعر ٍ خلى الاصاله بجيبته
تبع الحداثه حافيا ً للمواكبه
وبه شاعر ٍ يكتب على غير فايده
لا جاب له معنى وشعره غثاك به
واشوف بالساحه نجوم ٍ بلا فلك
والثوب تكفي رزته عن كباكبه
اللي نكب هالشعر ناس ٍ قراصنه
والشعر هالايام مكثر نواكبه
يا حبني للشاعر اللي قصيدته
على مدار الشعر تسري كواكبه
وباق الشعر عندي مثل وجه صاحبه
وجهه مكرر جا لغيرك وجاك به
ولاني على الشاعر كثير المعابله
إما عجبني النص قل احتكاك به
واشوف لي شاعر يحب المناقده
ينقد حقد والعيب ياناس راكبه
الله يهدي كل شاعر لوجهته
ولى الذهب له ناسه اللي تساكبه
مظهر قصيدي عند ناس ٍ تعذربه
واشطب على هالبيت ما دمت شاك به
دور رحيق الشعر يا باغي العسل
هاك العسل مختوم عارف إدواك به
ما قل دل وصافي الهرج زبدته
والهرج الاقشر لا تكثر حكاك به
وشراع دمعي ابحرت به مراكبه
جدفت فبحور المشاعر وطفتها
ودي اطول الحوت واشلع مناكبه
ترى الاسود تغار دايم على اسمها
مثل الملك تحفظ جنابه مواكبه
وكذلك الشعار توزن كلامها
تلقى البيوت الوافيات امتراكبه
كم شاعر ٍ سير على غير وجهته
ينسج وهم وتشوف لجة عناكبه
وبه شاعر ٍ خلى الاصاله بجيبته
تبع الحداثه حافيا ً للمواكبه
وبه شاعر ٍ يكتب على غير فايده
لا جاب له معنى وشعره غثاك به
واشوف بالساحه نجوم ٍ بلا فلك
والثوب تكفي رزته عن كباكبه
اللي نكب هالشعر ناس ٍ قراصنه
والشعر هالايام مكثر نواكبه
يا حبني للشاعر اللي قصيدته
على مدار الشعر تسري كواكبه
وباق الشعر عندي مثل وجه صاحبه
وجهه مكرر جا لغيرك وجاك به
ولاني على الشاعر كثير المعابله
إما عجبني النص قل احتكاك به
واشوف لي شاعر يحب المناقده
ينقد حقد والعيب ياناس راكبه
الله يهدي كل شاعر لوجهته
ولى الذهب له ناسه اللي تساكبه
مظهر قصيدي عند ناس ٍ تعذربه
واشطب على هالبيت ما دمت شاك به
دور رحيق الشعر يا باغي العسل
هاك العسل مختوم عارف إدواك به
ما قل دل وصافي الهرج زبدته
والهرج الاقشر لا تكثر حكاك به