تسجيل الدخول

مشاهدة النسخة كاملة : ثلج الشتا اسود النيه !


عناد الرواد
08-09-09, 09:10 PM
تبقى الحياه حلوه اذا الحب حلاها
ويبقى التشائم هم في قلب راعيه

نفس الزمن ضحك عيوني وبكاها
واسهر عيون الليل يا لعن ابو حيه

يمكن غصون التوت تسقط على ماها
وتغدي قوارب حب في ساقي الميه

أحلام تتحقق اذا احنا حلمناها
وأحلام لا قامت معانا خياليه

يا بسمة ٍ اطرد وراها ولا القاها
من واقع ٍ واقع وحب ازدواجيه

متحمل الطعنات واللي بشرواها
وعلى عوج وقتي طبوعي شماليه

قالوا كفاية اترك الحب واسلاها
ترى الجمل لا طاح تكثر شباريه

قلت المنيه ماخبر حد ينحاها
حظي على الله والبلاغات كيديه

اجمع حصاد العمر واقول بنساها
بكره بعد بكره ولا هيب منسيه

وش ؟ يجبر الكلمه على غير معناها
ألا اذا ثلج الشتا أسود النيه

وش ؟ ذنب حكمه تعبت الناس بحكاها
الا............ اذا حبل الظما بعثر إدليّه

عصارة.............. الايام لما شربناها
غصت حناجرنا ..........بطعم الانانيه

دق الالم بيبانه اللي قفلناها
ولطخ خدود الورد بيدين قمعيه

ان جيت ابفتح هالشبابيك لقصاها
شفت الستاير والقناديل مذريه

يجتاحني حزني والآآآهات تتباها
وش ؟ قومها ما تعرف الآه حنيه

أحزنت وجه الارض والغيم غطاها
وجرت على نايات الاحزان قمريه

كم واحد ٍ نفسه على الناس بداها
وكم واحد ٍ آثر وخابت هقاويه

العالم اللي ما تحدك لذكراها
سجل حضورك واكثر الناس طرقيه

لو الاماني تبتسم لي من اشفاها
كان البراعم تورق احلام ورديه

حبيبتي لو طول الحزن بلقاها
يمكن بعد غيباتها تعلن الجيه

نديم الشمال
08-09-09, 09:19 PM
قلت المنيه ماخبر حد ينحاها
حظي على الله والبلاغات كيديه

اجمع حصاد العمر واقول بنساها
بكره بعد بكره ولا هيب منسيه

وسيـــــــــــــــــــــــــــــــــــــــ الطعنه ــــــــــــــــــــــــــــــــــــــعه

ماخليت شي ينقال والدليل هالبيتين

صح لسان وبيض الله وجهك يالاجودي

ويسعد مســـــــــــــــاء القصيد والشاعر

الدحمي
09-09-09, 12:54 AM
هنا عالم من الابداع الشعري اللامنتهي ..!!

"وسيع الطعنه "

رجاءاً أوصل سلامي لكاتب هذه الابيات وحبلي خشمه ..!!

العنبج
09-09-09, 07:03 AM
يعطيك العافيه على هذه القصيده

ملكه الليل
09-09-09, 01:20 PM
يسلمكـــ ربي على الكلاماااااااااااااااااات

دمت بود

تركي العريان
09-09-09, 04:01 PM
كلمات رائعة ..

يعطيكـ العافيهـ ..||~

عناد الرواد
04-11-09, 04:44 PM
ما قصرتم

مروركم شرف لما كُتب

عناد الرواد
16-11-09, 01:12 AM
لا هنتم

اسعدني مروركم