تسجيل الدخول

مشاهدة النسخة كاملة : فرّة المسباح


عناد الرواد
04-10-09, 03:49 PM
همومي تسابقني على فرّة المسباح=ألوّح خرزها والشراشيب وانتلها
أنا كل ما ضاقت واشوف الدموع ارماح=آجامل وإدق الصدر وآقول إزهلها
أذا قشة الغرقان آخر أمل يا صاح=تعلّق بها والروح للغد أملّها
على طاري اللي ما لقى عيب فالتفّاح=يقول احمر الخدين وهو جالس ابظلها
انا اللي عبرته وانت طامي على الالواح=يبيلك سنين اطوال حتى توصلّها
وانا واحد إمن الناس سافر كثير وساح=وشايف وعايف والشوارب مفتلّها
وعلى قولهم لا قلت , زيد الملاح املاح=مدامك ضربت اوجع والاوتار غازلها
وجيب البيوت اللي عليهن وسم و اوشاح=وخامر فناجيل المحابر ونآدلها
تنحنحت يا كانون ومعزبك مرتاح=تروّضْ بنات الفكر ولىّ تزرفلها
مناديل وجه الليل يا دمعي الفضّاح=تقّطر سهرها في عيوني واكحلّها
تشتت , شحوب افكار , دنيا بدون افراح=ظما فالعروق الصايمه وين ؟ ابلّلها
اقيس الاماني بعد ما قررت تجتاح=وازيد الهمم لحمول ازريت لحملها
أنا مثْل كفخ الطير يربا وهو شبّاح=الى شاف له عيطا كفخ لين يدهلها
ولكن بعد عامين قلبي كسير إجناح=تموت الاماني في عيوني ويقتلها
حبيب ٍعلى وضح النقا والنقا مفتاح=قلوب الحبايب والسفينه ومحملها
حبيب ٍعلى ثيابه نثر عطره الفوّاح=يضفّ العباه وضامر الخصر ينسلها
رموشه سيوف ٍ صُقّلت والهدب ذباح=تسلهم عيونه بتلة العين ويسلها
مشاعر بعد عامين هي والجراح اجراح=لتس الله يقبور المحاني وانا ادملها
يقولون لا تزْمل مدام الزمل موّاح=وسوق المطيه قبل ليضيع مزملها
حكيم العرب وصّى وهو حاضر ٍ ما راح=الى شانت العربان يعناد جاملها
وسقها بوجه الله عسى خاطرك يرتاح=الى صِفيت النيه , توكلت , فعقلها
ولا يستثيرك حزن من دمعة التمساح=تحب الذيابه كل فارس يهرفلها
تجمّل عن قلوب ٍ حسدها بسبع ارواح=ولو تنغسل في زمزم ٍ ما يغسلها
تأمل وجيه الناس واسري مع المرواح=ولا تعقد حبالك على شي و تحلها
يطيح الوجه وان طاح يا عزتاه ان طاح=تطيح أبمحلك يوم نفسك تفشلها
تعيش الفقر والجوع بس خاطرك منساح=و لا لقمة ٍ بالهون والذل تاكلها
انا وين ابهنا دام نص القلوب اشحاح=محبه اذا متعز راسي لبطلها
وجيه الدما , خلف الكواليس , والاشباح=تركت الهوى لهله ولا النفس اذللّها
مسيرة حزن ترجع على فرت المسباح=وقصة غرام ٍ فات ماني مطولها

جبرني الوقت
04-10-09, 06:01 PM
وسيع الطعنه

صح لسانك

قصيده في قمة الروعه والجمال

لاهنت يالغالي

تحيتي

عناد الرواد
05-10-09, 06:56 AM
لا هنت مرحبا وسهلا

نديم الشمال
05-10-09, 10:58 PM
دائمـــــــــــــــــــــــا وانت مبدع

جزيل الشكر والتقدير على هذا الابداع المتواصل

عيد قيضي البلوي
06-10-09, 12:17 AM
وسيع الطعنه

احسنت دائما ابداعك راقي ومتميز

تحياتي وتقديري لك

نايف مقبول
06-10-09, 03:14 AM
صح لسانك
اخي
وسيط الطعنه
قصيده بغاية الروعه,,
الله يعطيك العافيه.

\تحياتي\

عناد الرواد
06-10-09, 05:12 AM
الشاعر نديم الشمال

الشاعر عيد البلوي

الشاعر نايف مقبول

لا هنتم مروركم اسعدني واطلق حجاجي

جعلني ما ذوق احزانكم

مرحبا وسهلا

عناد الرواد
04-11-09, 05:00 PM
ما قصرتم

مروركم شرف لما كُتب

عناد الرواد
16-11-09, 01:08 AM
لا هنتم

اسعدني مروركم

عناد الرواد
06-06-11, 11:24 PM
جميل هطولكم حياكم الله مجددا

عناد الرواد
08-06-11, 02:41 AM
همومي تسابقني على فرة المسباح