جـرح توه مابـــرى!!!

[الحاكم]

..

قصيده متواضعه أرجو أن تروق لمسامعكم:


ناس فيها جرح توه باقين ماقد برى ،، وناس تملك سر خافي بس ماودها تبوح

المصيبه لاعشقت بس خلك مادرى ،، آه ياقلب المتيم من همومك لاتنوح

ليت بعض الوقت يسبق خطوته راجع ورى ،، وترجع أيام الطفوله كل مع خله يروح

لاشعورن باللي صاير حولنا واللي جرى ،، آه ياوقت البراءه آه يالوقت السموح

كل ماقول اني نسيت شين بقلبي طرا ،، صورتك وانتي صغيره تنادي ويدك تلوح

انتي تقولين بدري القمر توه ترى ،، خلنا نلعب ثواني ياخي تكفى لاتروح

انتهى ذاك الزمان واندفن تحت الثرى ،، مابقى ياكود ذكرى تعصف بقلبي جروح

من يصون القلب لا توارى وانبرى ،، يبشر بدنيا جديده كلها وصل وطموح




تقبلوا خالص تقديري

عيد الرقابي .


..

[عابر]

صح لسانك

القصيده حلوه بالمره

والمفرده انيقه وواضحه للجميع

تحياتي لك

[ابوعيسى الفحيماني]

انتهى ذاك الزمان واندفن تحت الثرى ،، مابقى ياكود ذكرى تعصف بقلبي جروح

صح لسانك على ها القصيدة الجزلة

ودمت مبدعااااا

[الحاكم]

صح بدنك اخوي

عابر

اسعدني مروورك وتشريفك لقصيدتي..

[الحاكم]

الفحيماني

حيـــاك اخوي

الابداع يكمن في تواجدك وحضورك الرائع

لاهنــــت يالغــــالي..

[كفآك الهم يآقلبي]

ليت بعض الوقت يسبق خطوته راجع ورى ،، وترجع أيام الطفوله كل مع خله يروح

لاشعورن باللي صاير حولنا واللي جرى ،، آه ياوقت البراءه آه يالوقت السموح

قصيده قيمه في معآنيهآ ,,
دمت أخي مبدعآ في سمآ الشعر ,,,,
تــ ح ــيآتي

[سمو المشاعر]

الا ليت الماضي يعووود وطفووولتنا

شكرا لك ابيااات اكتملت روعتها في بساطتها

دمت

[الحاكم]

كفآك الهم يآقلبي

اشكرك على مرورك العطر

تقبلي خالص ودي وتقديري..

[الحاكم]

سمو المشاعر

الكل يشتاق للماضي ومافيه من ذكريات

لاهنت يالغالي على مرورك الجميــــل..

[مسلم العميري]

صح لسانك يالحاكم
مشاعر رقيقه واشجان يانعه
ومعاني لطيفه ومفردات راقيه
لاعدمنا تواجدك,,,

[الحاكم]

حياك الله ياشاعرنا الكبير

ابوعمر

اشكرك على تشريفك لنصي البسيط

لك مني كل التقدير والاحترام..

[عناد الرواد]

انتهى ذاك الزمان واندفن تحت الثرى ،، مابقى ياكود ذكرى تعصف بقلبي جروح

يا سلام

بيت يفي باللزوم

واعتقد انه من عيون الشعر الجميل والجزل

[الحاكم]

الجميـــل مروورك اخوي

وسيع الطعنه

لاعدمنا تواجدك.

[الوصيف]

لله درّك ماأجملك هُنا وهُناك وفي كل غرض من أغراض الشعر ..
مبدع لاتكفي أن تقال لك ياشاعر الجيل

تحياتي
أبو سعود

[مسلمة]

الحياة كلها ذكرى تمر بنا بمحطات ومحطات

حزن ... فرح .... أمل ... سعادة ... بحلوها ومرها ولكن نبقى نعيش معها وبها...

كلمات من شاعر متمكن صح بنضك وعلا شأنك اخي الحاكم لرقي ماكتبت واسعدك الله وابعد عنك الجراج والى الامام

دمت بخير وسعادة ورقي

[زرقاء اليمامة]

ناس فيها جرح توه باقين ماقدبر..............وناس تملك سر خافى بس ماودها تبوح


احساس ............... قادر ............... على الابدااااااااع

تحياتى لك

[ياسر السليلمي]

انتهى ذاك الزمان واندفن تحت الثرى ،، مابقى ياكود ذكرى تعصف بقلبي جروح

صح لسانك على هل قصيده
وبالذات البيت الي فوق عجبني ....تقبل طلتي

[عبدالمجيد بن غازي]

صح لسانك ابو محمد على الابيات التي لامسة الجرح ...

احترامي ...