لو يغرق الماي !! للمتشائمين فقط

[عناد الرواد]

حزمة هموم وشنطة احزاني الزفته
آشيلها كنها توابيت ع اكتافي

همي على رزنامة الحزن ما طفته
آقلّب الاوراق وآقول يا كافي

يا قو دمع ٍ وقت الاسحار كفكفته
كل ما مسحته سال عالخد ذرّافي

يا هم وينك؟ ألف شكرا ً على اللفته
هقيتك الخل الوفي دايما ً وافي

كيف اتوراى عن عيونه ولا شفته
أو كيف ادسه في ترابي وميلافي

هم ٍ يصادف ذكرتي يوم صادفته
كنّه يسابقني على وضعي الهافي

و هم ٍ كذا من قبضة الباب ذلفّته
لكن وصلني من الشبابيك وقّافي

نهر الحزن يبكي وانا جالس بضفته
ارمي حصا واقول يانهر متعافي

كل ماغشاه الليل بالصبح حلفّته
و وجه القمر بيّن على مايه الصافي

ليت البشر مثل النهر والنهر خفته
وشلون انا لو يغرق الماي مآخافي

عز الله اني كل هالعالم إقرفته
من حزني اللي بيّح السد والخافي

بعض الحزن يحتلّني كان وصفّته
عالخارطه ما يبصر النور لهدافي

اكذب على الاحزان والجو لطفته
وبعض الحزن يحتاج له رشّ بف بافي

ذاب الثري في دمع عيني بأف أفته
كنه يمشط حزن بوراق صفصافي

كل ما تساقط فوق الجروح اسعفته
أضمده بحزان عمري ولفافي

وضلعي اذا ما شبّه البرد لحفته
وآمد رجلي قدر ما يوصل الحافي

لو ما اطيق الدمع ما كان كفكفته
ولو ما اخاف الحزن ما قلتله كافي

[ابوعيسى الفحيماني]

صح لسانك ودام ابداعك قصيدة رائعة

[عناد الرواد]

لا هنت وما قصرت

[الحاكم]

كلماتي لن توفي بحق شاعريتك ونصك الجميل

مبدع كالعاده

لاعدمنا هالتألق ..

[عناد الرواد]

الله لا يهنكم

مروركم اطلق حجاجي

[نديم الشمال]

والله يبناخي انك ماتجيب الا الجزلات

لاعدمتك ولاعدمت حضورك

والله يكثر من الطيبين امثالك

[مطلق العيد]

هلا والله بوسيع القصيد

نحن نمر ونرد ولايكفي

لك تقديري ياغالي

لاعدمنا هذه المشاركات الجميله

كن هنا دائماااا

تحياتي لك

[عناد الرواد]

الله لا يهينك اخوي مطلق شاكرلك المرور

وكذلك الاخ نديم الشمال