تسجيل الدخول

مشاهدة النسخة كاملة : إبدوي (ن) لا لفت منقيته


عناد الرواد
04-11-09, 01:44 AM
يا وجودي كل ما ضاق الوجود
في عيون اللي كتب مرثيته

وياوجودي وجد من ينطر تعود
أبدوي(ن) لا لفت منقيته

ويا وجود وجد مطبوق القيود
لا تشيش يعتزي في خيته

ويا وجودي وجد خلفه عالقعود
اشهدانها عن ضناها ميته

والجماله عكس معناه الجحود
والجحود يحملك منيته

وما تطفي نارها بعض الكبود
لو ذبحت الشيخ في شبريته

وما يبط الحسد في عين الحسود
كود عود(ن) فاقد(ن) عذريته

والردي بالطيب لا يمكن يجود
بس فعله يعرضه لمريته

ما تبود اهل المراجل والفهود
والشريف يموت مع قوميته

والهموم السود لوتنقص تزود
وكل هم(ن) تعدمه له ديته

والصدود يقابله دايم صدود
والمواصل ما يسود نيته

والجبان يعيش في دنيا الركود
ما يدسم شاربه ولحيته

والكآئبه تنتهي عند الصمود
والفراق الله يلعن جيته

والرجال اوطان مير الها حدود
والمراجل للفتى جنسيته

ومن يسن الخير بالدنيا يسود
ومن يسن الشر يلقى سيته

ما تهاب من الاسود الا الاسود
والحنيش يحطها في ابنيته

كل شاعر يرفض شعور القيود
وكل شاعر فاهم(ن) جنيته

ويا وجودي وجد صداح الرعود
والغصن لا مال في قمريته

ويا وجودي كل ما شفت الجمود
وجد من جاروا على حريته

وجد من حطوا على قبره ورود
والتعازي تحتضن ذريته

ويا وجودي وجد من ينطر تعود
إبدوي (ن) لا لفت منقيته

عناد الرواد
22-11-09, 05:10 PM
ما تهاب من الاسود الا الاسود
والحنيش ايحطها في ابنيته

نديم الشمال
22-11-09, 05:17 PM
ما تبود اهل المراجل والفهود
والشريف يموت مع قوميته

والله كبير المعنى بكبر اللي قاله المعالي ماياصلها الا اهلها

الله يوفقك يارع العليا ويجمل حالك على هالقصيد الزين

عناد الرواد
08-06-11, 02:12 AM
والحنيش ايحطها في ابنيته

ذيب الشوامين
08-06-11, 02:30 AM
صح لسانك اخوي ..
قصيدة ولا اجمل ..
لا تحرمنا جديدك ..








الذيب

نايف مقبول
08-06-11, 04:01 AM
عناد الرواد

صح لساااانك مرارا وتكرارا

جيت اقتبس بيت كل بيت احلى من بيت
جزله جزله من شاعر جزل
الله يعطيك 1000 عافية
وننتضر كل ماهو جديد لك

{تحيتي لك وتقديري}