الهداهد هدمّت دولة سبأ

[عناد الرواد]

الله اللي ما خلق خلقه عبث
وبعد ست ايام من خلقه بدأ

واستوى عالعرش واقسم ما حنث
العليم بكل ما يخفي الخبأ

مخرج الاموات من ضيق الجدث
خالق الانسان من طين وحمأ

مخرج الالبان من دم وفرث
منزل القرآن وايات النبأ

المطيه ما درت وين الشبث
والمبشر لو دعيته قد صبأ

المعادن تنصهر لين الخبث
والذهب ما يلحقه لون الصدأ

وش بدين الخرب ياكود الطمث
والعقاب يقلد اطيار الحدأ

والآوادم كلها لا ما ترث
والسحاب يسير ويغيث الملأ

وانت لو تدري بآفات الحدث
كان جاك الليل والنور انطفأ

كم رجل ٍ لجل بقعه قد لهث
وكم رجل ٍ عند زهده قال لأ

ولو صحيح العلم والله مكترث
الهداهد هدمًت دولة سبأ

[ابو راما]

يعطيك الف العافيه
على الطرح الشيق
تقبل مروري
تحيااااااااااااااااااتي