لغز عليه جائزه مغريه

[بــعــيــد الــهــقــاوي]

السلام عليكم المشاركه عباره عن لغز سهل
ونبغى تفاعل يلا اترككم مع اللغز

الناس تسمع عنه وتشوفه.......والله ماسمع عنه ولا شافه
والنبي ماشافه بمكلوفه.......لكن سمع عنـــــه وخلافـــه

[الوافي]

الند ( المثل )

[السلطان]

عزيزي هذا { الشبيه } .. والجائزة الله لايهينك ..

[ساندريلا]

بمكلوفه <<<< وت أز ذا ميننج أوف مكلوفه ..؟؟

<<< تفكر تحله

ساندريلا

[بــعــيــد الــهــقــاوي]

الوافي مالك لوى
السلطان مالك لوى
مافيكم اللي حله
على فكره العرض مستمر لمده اسبوع

[خالد الحويطي]

بمكلوفه <<<< وت أز ذا ميننج أوف مكلوفه ..؟؟

<<< تفكر تحله

ساندريلا



اخي الكريم كلمة (بمكلوفه ) لها عدة معاني
ماهو المقصود بهذه الكلمة


تحياتي لك

[ريتاج]

نفس السؤال معني كلمه (مكلوفه)

[بــعــيــد الــهــقــاوي]

ياخوان معنى بمكلوفه: أنه لم يتكلف ويراه ببصره
واللغز واضح وأي احد يحله له من عندي جائزه ماليه

[خالد الحويطي]

الـــمـــوت

[بــعــيــد الــهــقــاوي]

أخوي خالد الحويطي
مالك لوى

[! N a D M]

طيب حدد كم الجائزة للمركز الاول ههههههه<---مسوي ينكت
طيب مافيه بطايق سوا
قريبا راح احله

[بــعــيــد الــهــقــاوي]

انت ماتفكر إلا بالبطايق أقول درجها

والي يحله له 500 ريال

واللي يحله ابغاه يشرح لي حل كل بيت

ويطبق الحل عليها

[قــرنــاس]

أقول إلعبها على غيري
هذا اللغز مطروح في طلعه إنت خابرها
وعليه 5000 ريال
بس ياخوي ترى المهله انتهت لاتورط
تسوي فيها ذكي انت ووجهك
هههههههههههههه
لا تخليني اورطك وارسله لهم رسايل خاصه

ماشاء الله تجاره حلوه

[إحــســاس شــاعــر]

تكفى ارسله لي
خلني أحشره

والله عندي يبغالها ((5000))


عشان أوضب ددسني
هههههههه


تحياتي

[بــعــيــد الــهــقــاوي]

ياخوي اللغز هذا مافيكم اللي يعرفه

وانا أصر على رايي

واذا تبغى تحله تراك تكسب الجائزه

والله وانا اقولها صادق

وعلى شهادة كل الاعضاء

[قــرنــاس]

أقول ال500
إدفعها قطه مع العيال إنت ووجهك


ياأعضاء لايضحك عليكوا تراه طفرااااان

غير ابوه يصرف عليه

هههههههههههههههه

[بــعــيــد الــهــقــاوي]

ماعليكوا منه انا وعدت وانشالله راح أصير عند وعدي

وبعدين ياقرناس لا تخليني أطلع فضايحك خل الطابق مستور

إلا أقول ماسمعت بالمثل اللي يقول

وش على الذيب من ذبي الجراده

[الدحمي]

كلكــــم ماتعرفونـــــــه بس انــــا لقيت الحل ....... تعرفون وش هو (( روح جيب الشاي ))

تدرون كيف سألت الشايب عنه قالي روح جيب الشاهي <>>>>>>>>>>>>> يصرفني ماعنده سالفه

[قــرنــاس]

ايوه اشرط وبعدين تقول

والله يلعن ابو الطفره

ياشيخ خلاص خلنا حبايب

[بــعــيــد الــهــقــاوي]

هههههههههههههههههههه

اثنين شاهي والحلى برى على حسابي

شكلك شغال في قهوه خخخخخخخخخخخخ

[بــعــيــد الــهــقــاوي]

والله انت اللي جبتها لنفسك

اقضب الأرض من بدري

وخل عنك النقزات اللي توديك في داهيه

[بــعــيــد الــهــقــاوي]

يلا ياشباب الهمه

ماأشوف أحد مهتم

تبغوني أعطيكم خيارات

بس الشرط راح ينسحب

[جارة الوادي]

اقول وش رايك يا الهقاوي تقول لنا حل اللغز ونعطيك حنا الهدية:sm59:


أنا شخصيا مالقيت حل ! عجزت وابي اعرف الجواب:)

[بــعــيــد الــهــقــاوي]

نو نو نو نو

فكري فيها زين ترى الحل ماهو صعب

صدقوني الحل والله سهل

بس بغى له شويه تفكير

[الشهاب]

والله خيو ماهو بسهل


لى رجعة


الشهاب

[بــعــيــد الــهــقــاوي]

حياك الله بس أبغاك انت اللي تحله مو تروح تسأل فيه الشياب

:::::::::::::::::تحياتي:::::::::::::::

[الوافي]

الناس تسمع عنه وتشوفه.......والله ماسمع عنه ولا شافه
والنبي ماشافه بمكلوفه.......لكن سمع عنـــــه وخلافـــه



(الرب) الله سبحانه وتعالى

[بــعــيــد الــهــقــاوي]

مالك لوى ماهو الحل

[جارة الوادي]

وينك يا بعيد الهقاوي ؟؟


نبي نعرف حل اللغز !!

[بــعــيــد الــهــقــاوي]

الحل هو (الأب)

الناس تسمع عنه وتشوفه<<<كل منكم يسمع عن أبوه ويشوفه
والله ماسمع عنه ولا شافه<<<<من غير تحريف ولا تكييف ولا تشبيه الله بخلقه
والنبي ماشافه بمكلوفه<<<<<الرسول صلى الله عليه وسلم لم يرى والده
لكن سمع عنـــــه وخلافـــه<<<<وهذي أعتقد إنها واضحه

بس ترى الشرط إنسحب

جارة الوادي الله لايهينك الجائزه