حمحمه

[عناد الرواد]

الليل ابو دمعات مذروفه
كثّر مشاريهه ومحلوفه

يا ليل ماني فيك متجمّل
رجم العنا لا جيت بآنوفه

آفرّ مسباحي من الضيقه
وآشوف نفسي حيل مكسوفه

للهمهمه زفرات تقتلني
يا مهرة ٍ ما هيب معسوفه

تصهل والجمّها وتفهقني
مير اهجعي لعناد يا نوفه

تاقف على ساقين وتحمحم
وتدحم الى النهرين والكوفه

الحمحمه بالصدر تحرقني
نوب ٍ تشب ونوب منكوفه

آونّها وآجظّ ع المركى
من نهتة ٍ بالصدر ملهوفه

هذا عبير الفل والكادي
وهذا حمام الدار وارفوفه

تدرون؟ اصعب شي بالدنيا
الشيخ لا مالت به اظروفه

وتدورن؟ احقر شي بالدنيا
من يخرج المالوف مالوفه

وش تتنتظر يا من تعذبني
عذّب انا التعذيب ما اعوفه

لاني على المعروف متحسر
الرجل دايم يحكمه شوفه

من عادة الايام ما ترحم
والحر منها صفطّ كفوفه

[نديم الشمال]

شملــــــــت فينآ يآعنآد

يازين هالطارووق (بس نآقصه مشراف)

سلمت ولاعدمتك