فهد الحويطي
16-11-09, 09:59 PM
ماضاق صدري لو يضيقنّ الاجواء=مادام لي رب ٍ يحقق رجائي
مادمت اصلي واستخيره بالاشياء=وعندي يقين انه سميع لدعائي
ومادام لي ربع ٍ وعزوه واشقاء=يوم احتزم فيهم وبعض اصدقائي
لو كنت من بعض الصداقات مستاء=ناس ٍ مواقفهم تثير استيائي
شخص ٍ يصادقني على شان الاهواء=واليا قضى المطلوب يصبح عدائي
وتصير في نفسه عداوه وبغضاء=لو كان مايظهر عداوه نهائي
مريض قلب ويمتلي منك شحناء=وماعاد يصفي لو يركّب هوائي
واليا جلس يعطيك موجز للانباء=كنه مذيع ٍ بالزمان الفضائي
وياخذ كلامك ثم ينشر بالارجاء=ويحط من عنده ويصبح روائي
هذاك حطه ضمن الاشخاص الاعداء=وخله مسجل بالسجل الجنائي
كبه لو انه شيخ في دار الافتاء=أخير من مثله تعيش انطوائي
ومادمت تحرص وانتقائي بالازياء؟=من باب أولى بالصديق انتقائي
دوّر على الي بالمواقيف معطاء=رجل ٍ كريم ودون ربعه فدائي
نظيف قلب ولايدقّق بالاخطاء=ويحفظ كلام الترمذي والنسائي
ويعذر صديقه والبشر دوم خطّاء=واليا نصح بالسر ماهو مرائي
من ينصحك في حضرة اشخاص واسماء=ماهوب مخلص لك وهرجه دعائي
لو كان في رقة سميره وهيفاء=وناعم ومتأنق وشاعر غنائي
لاتستمع له واتخذ دونه اجراء=ولا اتصلّه بالطبيب الوقائي
خلك نبيه وعالج الداء بالداء=واحذر تشكل مع جنابه ثنائي
خطّيت ماعندي من الالف للياء=ولا ادعيت اني فريد بذكائي
اشيا ورثناها من اجداد واباء=واشيا حفظناها من اولى ابتدائي
كل ٍ بها الدنيا له افكار واراء=فكره 0 وهذي فكرتي واعتنائي
كتبتها وضمنتها نصح واهداء=واهديتها للي يثمّن عطائي
فهد المشهوري الحويطي
مادمت اصلي واستخيره بالاشياء=وعندي يقين انه سميع لدعائي
ومادام لي ربع ٍ وعزوه واشقاء=يوم احتزم فيهم وبعض اصدقائي
لو كنت من بعض الصداقات مستاء=ناس ٍ مواقفهم تثير استيائي
شخص ٍ يصادقني على شان الاهواء=واليا قضى المطلوب يصبح عدائي
وتصير في نفسه عداوه وبغضاء=لو كان مايظهر عداوه نهائي
مريض قلب ويمتلي منك شحناء=وماعاد يصفي لو يركّب هوائي
واليا جلس يعطيك موجز للانباء=كنه مذيع ٍ بالزمان الفضائي
وياخذ كلامك ثم ينشر بالارجاء=ويحط من عنده ويصبح روائي
هذاك حطه ضمن الاشخاص الاعداء=وخله مسجل بالسجل الجنائي
كبه لو انه شيخ في دار الافتاء=أخير من مثله تعيش انطوائي
ومادمت تحرص وانتقائي بالازياء؟=من باب أولى بالصديق انتقائي
دوّر على الي بالمواقيف معطاء=رجل ٍ كريم ودون ربعه فدائي
نظيف قلب ولايدقّق بالاخطاء=ويحفظ كلام الترمذي والنسائي
ويعذر صديقه والبشر دوم خطّاء=واليا نصح بالسر ماهو مرائي
من ينصحك في حضرة اشخاص واسماء=ماهوب مخلص لك وهرجه دعائي
لو كان في رقة سميره وهيفاء=وناعم ومتأنق وشاعر غنائي
لاتستمع له واتخذ دونه اجراء=ولا اتصلّه بالطبيب الوقائي
خلك نبيه وعالج الداء بالداء=واحذر تشكل مع جنابه ثنائي
خطّيت ماعندي من الالف للياء=ولا ادعيت اني فريد بذكائي
اشيا ورثناها من اجداد واباء=واشيا حفظناها من اولى ابتدائي
كل ٍ بها الدنيا له افكار واراء=فكره 0 وهذي فكرتي واعتنائي
كتبتها وضمنتها نصح واهداء=واهديتها للي يثمّن عطائي
فهد المشهوري الحويطي