طز

[عناد الرواد]

يا لجنة التحكيم آباقولها طز
طزين واكبر طز فوق البطاقه

من شاعر ٍ قلبه عن الحرف ما اهتز
ولا يكسر عزومه كثير الطفاقه

الحمد لله شايف الخير والعز
والله الغني عن مجد يتلاه عاقه

قبلي وعقبي من مناعير تفتز
هذا زبن عمّه وهذا رواقه

صحيح من قال المرق يمطخ الرز
وان العتب يفسد قوي العلاقه

شاعر انا شاعر بلا فخر واعتز
وغيري بعد شعار وإلهم بطاقه

السالفه هي دز في هز في رز
والله يجنبنا دروب الحماقه

كم فاشل ٍ جازوه ثم قام وارتز
وجانا ينظّر بالجمل والطلاقه

اللي قصيده ترقعه دودة القز
ملعون ابو صير الزمن يالرفاقه

ماقول غير الطز والطز هو طز
لاشفت بسمات السعيد ونفاقه

[نديم الشمال]

والله ان الظلم شين

والحقد اشين بعد

عديها يابن الحلال

ولاأنت الاول ولا التالي اللي ظلموه في برنامجهم

الله يعين بس

[عناد الرواد]

عديناها

يا ابو احمد

[نديم الشمال]

::شارك في شاعر العرب ::حليل البرنامج

؟؟؟؟؟؟؟؟؟؟؟

مجرد رأي فقط لاغير وانت بكيفك

[الدحمي]

برنامج مادي بالدرجه الاولى
وانا اعتبره من البرامج التي يجب أن يتم محاسبتها قانونياً لان فيه أستغفال وتلاعب على البدو اللي مايصدقون يشوفون ولد عمهم ..الا كلن مسك جواله ..وفالاخير ., يدور الي يشحن له رصيده :)

وطبعاً مع احترامي لـ اهل الاردن النشاما ولكن بقولها مو كرهاً فيكم لا والله لاني عارف انكم شعار من الخامه المتميزه .. , ان اللجنه هدفها في جولة الاردن ( ..وجود العنصر النسائي في المسابقه ..لا اكثر ولا اقل ..)

طبعاً اذا عرفتم صاحبة الفكره بيكون كلامي خلص ..:D

[عناد الرواد]

هلا بالدحمي

كلامك في محله

اما من ناحية العنصر النسائي فما اعتقد

لان هالمره ما اختاروا الا شاعره

طيب وش تفسر وجود شاعرات سعوديات بجولة ابوظبي شوف عيني يالبناخي

الزبده انت جبتها وبيض الله وجهك

والله يعين ولا انا حبيت المشاركه لحاجه في نفسي وانا ضد فكرة التصويت ونبهت على هل الشمال بعد التصويت

نصيب وخيره