~ بكـى حلم و ليلةٍ غبرآ ~

[الدحمي]

.
.


مدري بكى حلم ؟ .. مدري ليلةٍ غبْرة ؟
نسيوني أحباب ولاّ ضاعت أخباري ؟


هي إتدبـّـر ؟ .. أو أقفَت مابها دِبرة ؟
ليت الليالي تقدّر غربة الساري !


مدري من اللّي من الثاني نفذ صبره ؟
لا يازمن .. من هو البايع من الشاري ؟


لا الوجه وجهك ولا النبرة هي النبرة
مدري.. ولكن طرا لك يازمن طاري !!


ماني بجاهل على الشدّات .. تختبره
تشتدّ ياوقت .. وإصراري هو إصراري !!


بالقلب ما تعرف العبرة من العبرة
وبناظري غيمةٍ ما تمطر أسراري !


خلـّـيت الأحزان بأقصى القلب منثبرة
ياكثر كذبي على نفسي وأنا داري !


قم ياقصيدٍ يعزّي لا إنتثر حِبره
إليا حداني زماني تفزع أشعاري !!


وإن بار فِيـَّـه رفيقٍ كنت معتبره
أغلى من الروح .. ما نّزلت مقداري !


والله لو ردّ هاك الحبّ من قبره
مارِدّ له .. لين تبرد غلـّـتي .. ثاري !


ماكلّ شقٍّ .. مداه السلك والإبرة
وماكلّ عينٍ .. تجامل جرحي العاري !


إمـّـا يقولون .. طاح الضلع .. من كبره
ولاّ يقولون .. ماهو للوطى ضاري !


كلٍّ تكلم وكلٍّ خابرٍ خبره وبكره .
يبين الصحيح .. إن سهـّـل الباري !


البارحة ضقت .. وأثر البارحة غبرة
مدري بكى حلم ؟ ولاّ ضاعت أخباري ؟!


.
.



للموسوعـه / مسآعـد الرشيدي ..:)




.. لامست وجدآني منذُ أشهر مضت ..:rose:

[غاليه]

مدري من اللّي من الثاني نفذ صبره ؟
لا يازمن .. من هو البايع من الشاري ؟


تسلم يمناك خيووو
لك ذووق راقي ورائع
دمت بوود

[كفآك الهم يآقلبي]

خلـّـيت الأحزان بأقصى القلب منثبرة
ياكثر كذبي على نفسي وأنا داري !

عجبني هآآلبيت مرررررررررررررررررررررررره,,

يسلم يمينك يالدحمي ,,
طرح رآآئع كعآآآدتك ,,
دمت أخي بأأسعد حآآآل ,,

[نديم الشمال]

تلامس الوجدان فعلا يادحيم

[الدحمي]

/
,
/


.... غاليه ..

لمرورك رونق ..كـ المساءات الماطره ..فـ هنيئاً لي بوجودك اختي :)

دمتِ بـ أسعد حال
/
,

/

[البعد جابك]

والله لو ردّ هاك الحبّ من قبره
مارِدّ له .. لين تبرد غلـّـتي .. ثاري !
سلمت يمناك يالدحمي
تقبل مروري

[حنايا الرووح]

الدحمي ..

أحسنت الإختيار قصيده جميلة ..
تشكراتي ..