الوصيف
04-01-10, 07:44 PM
من أرشيف الملفات وشريط الذكريات(نص قديم) أخترته لكم .. لإعتقادي البسيط إن فيه شي بسيط من الجمال ومن الظلم أن يبقى حبيس الأدراج..أتمنى أن تجدوا فيه بعض الجمال الذي يرتقي إلى ذائقتكم العذبه..
كنك فهمتي قصتي معك وشلون=امنتك الله لارحلتي خذيها
حتى الصور اللي مافيها ولا لون=عند المغادر ولعي واحرقيها
ماعادني اذكر لك اليوم مضمون=كانت سوالف وانته اللي تبيها
في حايل ٍ كان العشق حيل مفتون=وكانت حكاوي صايره تكتبيها
لو تسألين الدار وجبال عجلون=قالوا حقيقة قصتك اعبريها
ولو تسألين الشام واللي يزورون=في ارضهم مافيه من يحتويها
وارض الكنانه اللي بها الخير مكنون=لاصرتي فيها سلمي واسئليها
ماعاد ينفعني هوى كل مزيون=حتى الزهور الناعمه ودعيها
صليت انا بحايل مع اللي يصلون=وابرجع دياري ووجهي عليها
ولامرك الحاضر بينشدك وشلون=امنتك الله سيرتي عطريها
لو كان لي قلبين وعندك / يكفون=قلب ٍ معييها والآخر يبيها
أوراق شاعر والشعر دُر مصيون=تصعب على بعض العرب تقتفيها
شفني غريب ٍ عايش ٍ وسط هالكون=مافيه أرض ٍ إلاّ فكّرت أجيها
انشهد ان الحب بديّارك جنون= قصة عجيبة من هو اللي يعيها
كم واحد ٍ امسى من العشق مديون=حتى دروب الخير مايهتديها
شفتك انا بدر ٍ وهاوي ومجنون=بعض الكواكب بالسماء تعتليها
مزيونة ٍ إنتي من اللي يّعدوون=حتى القصايد لأكتبت تحبكيها
ياليت تقبل عذري اليوم وتكون=مثل السفينه روّح الموج فيها
جلّ إحترامي
عبدالعزيز الرقابي
كنك فهمتي قصتي معك وشلون=امنتك الله لارحلتي خذيها
حتى الصور اللي مافيها ولا لون=عند المغادر ولعي واحرقيها
ماعادني اذكر لك اليوم مضمون=كانت سوالف وانته اللي تبيها
في حايل ٍ كان العشق حيل مفتون=وكانت حكاوي صايره تكتبيها
لو تسألين الدار وجبال عجلون=قالوا حقيقة قصتك اعبريها
ولو تسألين الشام واللي يزورون=في ارضهم مافيه من يحتويها
وارض الكنانه اللي بها الخير مكنون=لاصرتي فيها سلمي واسئليها
ماعاد ينفعني هوى كل مزيون=حتى الزهور الناعمه ودعيها
صليت انا بحايل مع اللي يصلون=وابرجع دياري ووجهي عليها
ولامرك الحاضر بينشدك وشلون=امنتك الله سيرتي عطريها
لو كان لي قلبين وعندك / يكفون=قلب ٍ معييها والآخر يبيها
أوراق شاعر والشعر دُر مصيون=تصعب على بعض العرب تقتفيها
شفني غريب ٍ عايش ٍ وسط هالكون=مافيه أرض ٍ إلاّ فكّرت أجيها
انشهد ان الحب بديّارك جنون= قصة عجيبة من هو اللي يعيها
كم واحد ٍ امسى من العشق مديون=حتى دروب الخير مايهتديها
شفتك انا بدر ٍ وهاوي ومجنون=بعض الكواكب بالسماء تعتليها
مزيونة ٍ إنتي من اللي يّعدوون=حتى القصايد لأكتبت تحبكيها
ياليت تقبل عذري اليوم وتكون=مثل السفينه روّح الموج فيها
جلّ إحترامي
عبدالعزيز الرقابي