وصية خالد وهو على فراش الموت لصديقه على حبيبته

[الجـــ خالد ـــرح]

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين ,وبعد
أهديكم اول مواضيعي المختاره وانشاء الله تنال اعجابكم....

وصاتي لك من بعدي
تموت فيها علشاني
ابيها تعيش و تحيا بك
واظل بالذاكره مفقود
وصاتي لك تنسيها
ملامح وجهي و تنساني
وتعزفها قصيدةحب
على عكس اللي عزفته بعود
وصاتي لك تبعدها
عن اشعاري وقيفاني
تراهامغرمة بالحيل
ويشهد لي عدد الردود
وصاتي لك تسايرها
ترى فيها من احزاني
طلبتك لايضيق بالك
طلبتك والطلب مردود
وصاتي لك تناديها
حياتي..عمري..ازماني
أنا عودتها دايم
أدلعها وانا موجود
وصاتي لك تعاملها
بطيبه قلب و احساني
تراها تذرف الدمعه
ودمعتها بليّاحدود
وصاتي لك تحفّظها
سور وآيات قرآني
وتخبرها عن الميت
رحل لايمكنه بيعود
وصاتي لك ترسمها
على قبري وأكفاني
أبيها لوحةٍ تبقى
على طول الزمن محدود
وصاتي لك تمازحها
وتشوف الضحكة بأسناني
سعيتك ياضحكه الكون
طلبتك لاتصير جلمود
وصاتي لك تقهويها
من دلالي و فنجالي
تراهاتعشق السمرا
ويكفيها دخون العود
وصاتي لك تركّبها
على خيلي و على حصاني
وربي فارسة من قلب
شهادة ماهي لشهود
وصاتي لك تسفّرها
بلاد الشام و لبناني
ترى يحلالها تقطف ورده
وردة من بلد الورود
وصاتي لك تراقصها
على ألحان رحباني
ترى فيها عرق خالة
وفيها من جنون السود
وصاتي لك تحببها
فأبونورة بعد هاني
وتنسيها ندم غلطة
أنا فيها ترىالمقصود
وصاتي لك تكرهها
في تاريخي و عنواني
أبيها تلعن اللحظة
وتلعن كل فرح موعود
وصاتي لك تكلمها
عن المجني وعن الجاني
وتخلّيني أناالظالم
وأنا من حرق الاخدود
وصاتي لك تشبّهني
بدمٍ أحمرٍ قاني
وانا القاتل السفاح
مجرم من عصر نمرود
وصاتي لك تحلّفها
تتوب تحبني ثاني
ترى يكفيها ماعانت
ويكفي حيلها مهدود
وصاتي لك تنسيها
وصية قالها لساني
أنا اخبرك رجل موقف
وانت قدها وقدود
صديقي مالقيت غيرك
يعرف وشلون تنساني
أمانه ضمها بقلبك
ترى خالد....رحل مايعود

[احمد سليم الشامان]

اختيار موفق الله يعطيك العافيه ووصيه جميله تقبل مرووري

[الجـــ خالد ـــرح]

يسلموووووووووووووو أحمد ع المرور وشكرا

[ريانه العود]

يسلمووووو ...وربي سجلت كله عشاااان اقوووووووول كلك ذووووووق وانااا اول مره اسمعه والقصيده في قمت الرووووعه ..

[شوق الارض]

وصاتي لك تحلّفها
تتوب تحبني ثاني
ترى يكفيها ماعانت
ويكفي حيلها مهدود
يعطيك العافيه اخوي على القصيدهـ

[حلوة الاحساس]

عن جد قصيده تلامس الوجدان والمشاعر والاحاسيس
مشكور اخي الجـــــ خالد ــــرح

[معـالي الشمالي]

كلمات خالدة نقشت نفسها بمعانيها بمخيلة كل قارئ لها
أخوي أبدعت في طرحك الرائع
ذوقك الرفيع هو مايميز إطلالتك
تحياتي لك