تسجيل الدخول

مشاهدة النسخة كاملة : بيت الشعر


ابو خالد الحويطي
24-01-10, 11:51 PM
بيت الشعر ماله حلى بالعماره = ولاله مزاج إلى انقفل دونه الباب
وسط البلد بنيه عليكم خساره = يضيع طبعه ياعريبين الأنساب
مبناه في روضاً تزايد خضاره = ممطور توه وازهرت فيه الأعشاب
تفرح لشوفه ان لفيته زياره = مفتوح بابه للأقارب والأجناب
أخير عندي من حياة الحضاره = اللي مطالبها كثيرات واصعاب



الشاعر / أحمد عيد الطقطقي


رد عليه الشاعر / سالم بن عيد الموسي بهذه الأبيات:-




أحمد قصد والقلب زاد افتراره = ومسجل معناه باحساب وكتاب
والمخ من معناه ولع شراره = يوم أذكر المسيار لأقراب واصحاب
في شق بيتٍ مبتني بالقراره = من زين طبعه للأجاويد جذاب
ماهو كما اللي مبتني وسط حاره = اللي ضيوفه يحترو فكت الباب
ياما على العسمان طال انتظاره = لاموديٍ طول أنتظاره ولا جاب
بيت الشعر لوكان مابه مناره = يسوى بلد في ليلةٍ نورها غاب
دق الهوند وصاحب الكيف زاره = في دلةٍ يفرح لها كل شراب
مع صبت الفنجال مهي قطاره = لاشافها النعسان له خاطرٍ طاب
هي منوت اللي مبعدٍ عن دياره = اللي لحق له ذاهبه عقب مطلاب

نديم الشمال
24-01-10, 11:59 PM
والله والنعم أولا بالطقطقي والموسي

والقصآيد الحقيقه انها جزله

ماقصروا اللاثنين

بيض الله وجيههم

أسجل أعجآبي

وشآعرنآ أحمد عيد الطقطقي

ليس هو أحمد عيد شقيق

شآعرنا وشآعر المحآوره والنظم

*محمد بن عيد الطقطقي

ابو خالد الحويطي
25-01-10, 12:11 AM
شكراً لك أخي نديم الشمال والنعم فيك وما قلته صحيح الشاعر أحمد عيد ليس شقيق شاعر المحاوره محمد عيد

خاطب الحور
25-01-10, 11:42 AM
يعطيكم العافيه شعارنا الكرام
أبيات جميله
وننتظر المزيد

الــراقي
25-01-10, 01:22 PM
صح لسان الطقطقي والموسي
ابيات كلها جميله ورائعه
الله يعطيكم العافيه ولاهنتو

عويض الطقطقي
25-01-10, 06:21 PM
يعطيك العافية ياابو عبدالحرحمن
ع هذة الابيات ولا يهان ابو عبداللة
بس نتمنى تواصلك معنى ولكم اجمل تحياتي
بس شوف لنا نديم الشمال يبى لة قصيدة تكفى لاتخلية
يروح كذا لاتتكلة على ترى ماعندي شي ارد علية فية