عسعس الليل

[الحاكم]

عسعس الليل


http://up4.m5zn.com/9bjndthcm6y53q1w0kvpz47xgs82rf/2010/1/31/12/saf5l9w3f.bmp (http://www.tobikat.com)



عسعس الليل وظلامه وغابت أطياف السكون = والصباح أسدل ستاره بين عتمات المكان



ورفرف الطير المغرد باللحن بين الغصون = وانولد يومٍ جديدٍ ابتدا بضحكة حنان



يوم طلت من ورى شباكها شفت العيون = ناعساتٍ والشفايا تبتسم والحسن بان



والشعر موج ٍ تحدر وارتمى حد المتون = والخدود اللي كما عود ٍ طلاه الديدمان



مع نسيم الصبح فاحت نشوة الغر الفتون = مع نسيمه تلعب الأطياف مع سحر وبيان



يوم نادت للصغار اللي بجنبي يلعبون = روح ياقلبي معاهم وانت مطلوق العنان



روح ياقلبي وبللغ من نزح عنك الطعون = من وجوده زال عنك الهم وأعطاك الأمان



مانسيتك ياغلاتي لاتسايرك الظنون = مانسيت ولك بنيت بداخلي قصر وكيان



واعلنوا حكمك ونادوا "كل شي دونك يهون" = وكل شي ٍ ماستزان اليوم لأجلك يستزان..



مطمعي ابقى معك لحظات أوحتى غضون = بجانبك تسوى سنين العمر وصروف الزمان



مطمعي فرحة لقا ياكود ريبات المنون = تحتدم بيني وبينك كنها السيف اليمان



وقتها ياكيف مدري حالتي والله تكون = الأكيد/إني بصيح ويبتدي عزف الكمان



وتبتدي رحلة كساها الحزن غيمات ومزون = الرعد "هم ومآسي" والجروح "العقربان"



تنتهي الرحلة بمماتي وقاتلي حاء ٍ ونون = وتنتهي الرحلة بحروفٍ صغتها" شاهد عيان ".



تحياتي

عيد الرقابي

14/2/1431

..

[خاطب الحور]

جميل ما كتبت
أخي الرقابي
وخيالك الغزلي واااااسع

[حويطي الشمال]

والشـعـر مــوج ٍ تـحــدر وارتـمــى حـــد الـمـتـون
****** والـخـدود الـلـي كـمـا عــود ٍ طــلاه الـديـدمـان
مـع نسـيـم الصـبـح فـاحـت نـشـوة الـغـر الفـتـون
********* مـع نسيـمـه تلـعـب الأطـيـاف مــع سـحـر وبـيـان

صح لسانك اخوي الحاكم ابيات في غاية الروعة وقصيدة جزلة وعساك علقوة
تقبل ارق التحيات

[نديم الشمال]

بسم الله الرحمن الرحيم

أنا بحط لك ختم امتياز وتقييم ممتاز








بس شوف عجز البيت هذا وقارنه مع اخوانه واحكم

يــوم طـلـت مــن ورى شباكـهـا شـفـت الـعـيـون
نـاعـســاتٍ والـشـفـايـا تـبـتـســم والـحــســن بـــــان

[الحاكم]

الاجمل مرورك اخي

خاطب الحور

شكرا لك".

[الحاكم]

صح بدنك أخي

حويطي الشمال

سعدت بتواجدك

[الحاكم]

أبو أحمد

سلمت ياشاعرنا

وصراحه اعجز عن الشكر لك على التمميز والختم

نقدك يهمني بالدرجة الأولى

صراحه العجز راكب معي مثله مثل الباقي .... !!

بس منكم نستفيــــــد يالغالي ".

تحياتي لك ".

[ابو اسامه]

قصيدة تستحق التميز
فهي في مطلعها متميزة ومن شاعر متميز .
حقيقة هي من أجمل ماقرأت في الشعر الغزلي ...
أخوي عيد خيالك واسع وتعبيرك رائع ( شاعر كبير )
فالقصيدة
مرتبة من جميع النواحي الشعرية

[نديم الشمال]

أبو أحمد



سلمت ياشاعرنا

وصراحه اعجز عن الشكر لك على التمميز والختم

نقدك يهمني بالدرجة الأولى

صراحه العجز راكب معي مثله مثل الباقي .... !!

بس منكم نستفيــــــد يالغالي ".


تحياتي لك ".



نـاعـســاتٍ والـشـفـايـا تـبـتـســم والـحــســن بـــــان

فديتك هذا فيه ثقل شوي

والا القصيده روعه رووووعه

(والحسن بآن)

هنآ ثقلت يآعيد

شكرا لك

[مطلق العيد]

الحاكم حكمت القوافي فأتت درر

لله درك على الرائعه

وتستاهل التميز مبدع مافيك حيله

تحياتي لك

[ابو منار]

مبدع ياعيد ونص غايه في الجمال والروعه وصدقني لو عددت الصور الجماليه في النص
لوجدت في كل شطر صوره جماليه

[العميري]

صح لسانك ويسلم نبضك
ياابومحمد شهادتي فيك مجروحه
مااقول جزله من راس جزل
تحياتي

[عبيرالورد]

صح الله لسآنك ..
وعلا شآانك

قصيده حسيّـهـ مرهفهـ
بكل شطرِ من أبيآتها
معنىً مختلف

ْ
ْ
كل الشُّكر وأكثر

[الهايم]

صح لسانك يالحاكم صراحه قصيده في غاية الروعه الله يعطيك العافيه

[الحاكم]

ابو اسامه

كبر الله مقدارك اخوي

يسعدني تواجدك وكلماتك التي اعتز بها يالغالي

شكرا لك".

[الحاكم]

نورت المتصفح شاعرنا ومشرفنا العزيز

مطلق العيد

اشكرك على هذا الاطراء

تحياتي".

[الحاكم]

الابداع يكمن في تواجدك اخي

أبو منار

تشرفت بمرورك العطر

[الحاكم]

هلا فيك يابن عياد

صح بدنك وسلمت وش اخبارك يالغالي عساك بخير

تشرفت بحضورك الجميل

لاعدمنا تواجدك".

[الحاكم]

عبير الورد
اشكرك على التواجد هنا

تحياتي ".

[الحاكم]

الهايم

صح الله بدنك

سلمت يالغالي

يشرفني حضورك ".