احويط لطّامة العايل وراس السنام

[عناد الرواد]

ول يا زمان ٍ يكدّش هالحصان الهُمام= تدبك عليه البغال ولا يشد إظهره
مادام قصّ الشنب بالوجه حكمه ملام=الله ولا طيحة الشارب بقبضة مره
سطحية الادلجه وافكار علم الكلام=تدفن بعضها قبل ما تفتح المقبره
اي مسرحيه بطولتها بعادل امام =تنجح وسر النجاح يكون بالمسخره
مافات قفّا ودنيانا عليها السلام= من يوم حمل السنام يطيح لجل إوبره
لو كان جدك حضر عهد النبي يا غلام=ماظن يسلم ولا يصلي على منبره
مايجحد الطيب الا الهيس وابن اللئام =وانتا على قولهم يفلان .......
والشاهد الله بعد انقاض تحت الركام=اقوم وانفض ثيابي يا هل الثرثره
شكواي عيب ورجوعي بالطريق انهزام=وادري انهزامي يمجّد راعي العنصره
رسمت دربي ولا همي جناح الظلام=الدرب واضح تدلك ع البعير ابعره
اللي قهرني صديق ٍ ما عليه الزمام=واللي بقى عُزلتي والبعد والمعذره
الربْط بين الجدي وسهيل ظلم وحرام=محد ٍ قرا الفاتحه الا يبي المغفره
اسوق نفسي بسوق ٍ ما وطته الخمام=ومن عادة الحر يشبع كفّه ويشهره
وانتا دويني تعاني من كثير انفصام=او ظنتي ماخذيت إلـ حبّة الهستره
والعيب انّك تجي بين الرجال الكرام=احويط اهل الشكاله لآبة المفخره
احويط لطّامة العايل وراس السنام=تدك روس الزباره وتعْقد الحنجره
والله لولا المحل وقولة اهديب شام=الا تشوف الكُره في ملعب اهل الكُره
إيهب يا وجه ابن فهره عليّ الحرام= ان جيتلك تجدع انعالك تِزبْن المره
حنا نقيس الذهب وانوزّنه بالغرام=محنا جراثيم ولا آفات في مجهره
ياكل تبن قبل ادوسه واخزمه بالخزام=النار تنجب رماد وناره امبعثره
مايجحد الطيب الا الهيس وابن اللئام=وانتا على قولهم يفلان ......

[حويطي الشمال]

صح لسانك يبن الاجواد وبيض الله وجهك
وعساك علقوة ان شاء الله

كل الشكر على قصيدتك الجزلة
وتقبل تحياتي و مروري المتواضع

[السلطان]

صح لسانك اخي الحبيب عناد
قصيده جزلة من راس وافي
لك تحياتي

[الآتي الأخير]

والعيب انّك تجي بين الرجال الكرام=احويط اهل الشكاله لآبة المفخره
احويط لطّامة العايل وراس السنام=تدك روس الزباره وتعْقد الحنجره
والله لولا المحل وقولة اهديب شام=الا تشوف الكُره في ملعب اهل الكُره
إيهب يا وجه ابن فهره عليّ الحرام= ان جيتلك تجدع انعالك تِزبْن المره
حنا نقيس الذهب وانوزّنه بالغرام=محنا جراثيم ولا آفات في مجهره
ياكل تبن قبل ادوسه واخزمه بالخزام=النار تنجب رماد وناره امبعثره
مايجحد الطيب الا الهيس وابن اللئام=وانتا على قولهم يفلان ......



حياك يا راعي العليا
و انت وجهك ابيض اول و تالي
و الهابي و انا اخوك ما له مكان عندنا
و انت ضيفنا و ما لك الا الكرامة و الحشمة و التقدير
و حنا من دونك بالسيف و الحيف
و كلنا نفخر بوجود الاجواد الي مثلك و شرواك يا راعي العليا
و الي ينبح ما له الا حجر يلقمه في فمه و يخرس ثم ينقلع
تحياتي يا صبي الرولة
و يا زيزوم الرجال

[نديم الشمال]

والله بعد كلآم كبيرنا كلآم

ورجالك خلآص أقرأ عليه السلآم

علومه كلها وصلتها لابو ثامر

وآخر الطب الكي و الكي في الشبكة من اختصاص ابو ثامر


*سلآم

[العاصفة]

صح لسانك ياراعي العليا


أبدعت فيما كتبت .

تقبل مروري

[ابن غنام الحويطي]

صح لسانك ياراعي العليا
وقصايدك كلهاا وافيه وماغلط الدكتور غسان يوم قال انك مبتكر بحر جديد
وانا اقول عناد بحر من القصايد باليوم تكتب قصيدتين ماشالله وش الهامك هذاا..
وللمره الثانيه صح لسانك وقلبك بعد

[عناد الرواد]

حويطي الشمال

مرحبا وسهلا شرفتني يخو صالحه

[عناد الرواد]

السلطان

بيّض الله وجهك على المرور

اشكرك عزيزي

وهذا والشعر ما عطاكم حقكم يا حويطات

وافين اول وتالي

[عناد الرواد]

الآتي الاول و الاخير

اولا انا اهنيكم على هذا الصح والمحفل الادبي الكبير

وانا والله لم امدحكم يخوان صالحه

التاريخ خير شاهد

السيف والقلم

انتم اهل الحميّا والنخوه والشهامه

والله لو نركب طائره F16 ما لحقنا طيبك وطيب جدودك

يا مروين السيف ويا شرابة الكيف والضمّر الهيف

وتراكم ونعم المعزب ولا يلحقني شك في هذا

وانما تنفيسه يخوك وفضفضه وهذا واحد اردني هداه الله وكافانا شره كل يوم داخل بسم ومعذرب (انتهى)

لك يا معزب التقدير وانا ماني ضيف انا منكم وفيكم يا حويطات بالمال واللي املكه بالايادي

ورده لقلبك النقي وقلمك النازكي

دمت يا ولد اللآبه المعروفه

[عناد الرواد]

صاحبي واخي الكبير نديم الشمال

الشاعر /اسماعيل العمراني

لا هنت على مرورك واطرائك

وابو هيثم وسيع البنايد وهديب شام

امانه اتحب لي خشمه جعل عمرك وعمره يطول

[عناد الرواد]

العاصفه شكرا لمرورك اخي شرفتني

مرحبا وسهلا

[عناد الرواد]

ابن غنّام الحويطي

ارحب

خلنا من الدكتور غسان وشهاداته

وجودك لحاله يكفيني وانا سعيد يا اخي بمرورك شرفت اخوك ونورت متصفحه

ورده لقلبك عزيزي

[مطلق العيد]

ول يا زمان ٍ يكدّش هالحصان الهُمـام
تدبك عليه البغـال ولا يشـد إظهـره

صح لسانك ياعناد ولاازيد على كلام اخواني

الله يوفقك تحياتي لك

[الجذامي]

صح لسانك

موفق بإذن الله ... لك مني أجمل تحية .

[رينال]

صح لسانك لك مني اجمل تحية حويطية

[عناد الرواد]

احويط لطامه العايل وراس السنام

وطشيت اعقالي لكم

[دايم الجفر]

الى الشاعرعناد ارواد
انت اخطيت بحق البلد الذي رباك حينما تقول من اهل الاردن لا انت قلت اسمه او وضحته وانما برهنت انه من الاردن اما ان تقول من هو او تعتذر لاهل الاردن
انت لم تكتفي في الرمزيه تهديب شام انما بعد رد المعزب عليك ( ابو ثامر ) استغليت الموقف واعلنت انه من المملكه الاردنيه الهاشميه التي ربتك حتى اشتد عودك
وكل بلد فيها حثالتها ولا احد يتطرق الى هذه الامور ويستطيع اي شخص بعد هذا الموضوع ان يكتب لدرجة الرزاله ثم يقول لا سمح الله ان هذا الذي اعنيه مثلا من
السعوديه او مصر او فلسطين فتنفض هذه الشبكه لا ستعمال صيغت الجمع .
الضيف يقول العرب سالم ومسلوم منه ، كلكم تعرفون الاردن واهل الاردن وما ياتي من الشخص يمثل الشخص نفسه ،


الآتي الاول و الاخير

اولا انا اهنيكم على هذا الصح والمحفل الادبي الكبير

وانا والله لم امدحكم يخوان صالحه

التاريخ خير شاهد

السيف والقلم

انتم اهل الحميّا والنخوه والشهامه

والله لو نركب طائره F16 ما لحقنا طيبك وطيب جدودك

يا مروين السيف ويا شرابة الكيف والضمّر الهيف

وتراكم ونعم المعزب ولا يلحقني شك في هذا

وانما تنفيسه يخوك وفضفضه وهذا واحد اردني هداه الله وكافانا شره كل يوم داخل بسم ومعذرب (انتهى)

لك يا معزب التقدير وانا ماني ضيف انا منكم وفيكم يا حويطات بالمال واللي املكه بالايادي

ورده لقلبك النقي وقلمك النازكي

دمت يا ولد اللآبه المعروفه

</B></I>

[عناد الرواد]

والمطلوب ؟
................................

[عناد الرواد]

الاخ دايم الجفر كيف حالك

بما انك ما تعرف ملابسات النص الافضل لو تركت تعليق غير هالتعليق هذا اولا

ثانيا الاداره هك الحين مشكوره ما قصرت وبينت ان الشخص اللي دخل يسب كان من الاردن يعني طلعوا رقم الكبينه وحددا موقعه

وابو ثامر ما قصر عطاه بلوك وما نعرف اسمه علشان نقوله لك يا الحبيب عاد لو نعرف اسمه بنفيدك وحنا نسبناه وقلنا اردني لانه فعلا اردني بس ما نعرف وش هو


ولو انا مخطي لعتذرت بس ما اخطيت في بلدي وانا افتخر اني اردني ومن معان وعبارات ربتك وقوى عودك رح قلها لغيري الله لا يهينك


رافقتك السلامه ومشكور على تعليقك واتمنى تكون الصوره اتضحت للجميع

[دايم الجفر]

السلام عليكم
الشاعر عناد الرواد انا لا اشكك في وطنيتك والاوطان التي تربينا في عزها لا ننكرها
وانت تعرف ان لنا ما نراه او نسمعه ولنا الظاهر امام اعينا ولا تلومني لو كنت مكاني لحتجيت
وكل رجل عنده غاريه الى بلده وله الحق في توضيح الامور
وانت شاعر وتفهم كبار الامور وصح لسانك كفيت وفيت والردي يستاهل

[عناد الرواد]

لا هنت يا دايم الجفر

اشكرك على سعة صدرك واشكرك على ردك الطيب وذا من طيب ساسك وطنخ راسك

وحنا ترنا واحد يمكن كلينا في صحن واحد

حياك الله