ذيب المراقيب
12-02-10, 01:20 PM
جيتك على وضح النقا وافتح الباب=واثق خطا والدلفحه مشيها عيب
شاعر ولاعبها على راس مرقاب=تخضعلي الأبيات غصبا مهو طيب
اغوص ببحور المعاني ولاهاب=ومن غبها أنقل جزيله بترتيب
وهبه من المعبود جتني وانا شاب=ماهي دراسه بالمدارس وتدريب
آرد على الجزله كما وردة عقاب=ليا ضرب منه الحباري معاطيب
اطول واليمنى لها مد كساب=وعن الخطا جنبت انا الفكر تجنيب
ماني صغير يهيم مع ضحكة الناب=لي باع في دنيا الورى بالتجاريب
"عزه،،،كرامه" سمعتي بين الأجناب= ذا راس مالي غايتي والمكاسيب
سقت النظر للعاليه واحسب احساب=عن زله تفتح وراها عذاريب
اصوغ والفكره لها القلب جذاب=ارسل بها سحب ترادم مهاديب
سحابه رعادها يرعب رعاب=منها طويلات الشوامخ مراعيب
لاروحت بدريه والهوى هاب=سوت على وجه البسيطه تعاجيب
قام يتلوى سيلها كنه الداب=قلع هشيم القاع شرقن وتغريب
ونظمت من فوق الورق كل ما طاب=عازم على تحريرها للأصاحيب
اتعب على الخوه وتقدير الاصحاب=نية صفا مالي وراها مطاليب
انا اتفاخر في عريبين الانساب=اللي لهم "قدر وحشمه وتوجيب
شخص محله مايتسدد اليا غاب=ماينقطع طاريه عند المعازيب
وشخص عليه من المداخيل مشعاب=حذرى تهقوابه ترى الخايب يخيب
من تجربه عايشتها وعلم شياب=ماصور الواقع على غير تصويب
عرفي يجملني مع ابعاد واقراب=حكيم واحسبها عن النقص تحسيب
للشاعر عبد الله رغيان الركيبات
الشكر موصول للاخ عمر بن نوير على ايراد القصيدة لنا
شاعر ولاعبها على راس مرقاب=تخضعلي الأبيات غصبا مهو طيب
اغوص ببحور المعاني ولاهاب=ومن غبها أنقل جزيله بترتيب
وهبه من المعبود جتني وانا شاب=ماهي دراسه بالمدارس وتدريب
آرد على الجزله كما وردة عقاب=ليا ضرب منه الحباري معاطيب
اطول واليمنى لها مد كساب=وعن الخطا جنبت انا الفكر تجنيب
ماني صغير يهيم مع ضحكة الناب=لي باع في دنيا الورى بالتجاريب
"عزه،،،كرامه" سمعتي بين الأجناب= ذا راس مالي غايتي والمكاسيب
سقت النظر للعاليه واحسب احساب=عن زله تفتح وراها عذاريب
اصوغ والفكره لها القلب جذاب=ارسل بها سحب ترادم مهاديب
سحابه رعادها يرعب رعاب=منها طويلات الشوامخ مراعيب
لاروحت بدريه والهوى هاب=سوت على وجه البسيطه تعاجيب
قام يتلوى سيلها كنه الداب=قلع هشيم القاع شرقن وتغريب
ونظمت من فوق الورق كل ما طاب=عازم على تحريرها للأصاحيب
اتعب على الخوه وتقدير الاصحاب=نية صفا مالي وراها مطاليب
انا اتفاخر في عريبين الانساب=اللي لهم "قدر وحشمه وتوجيب
شخص محله مايتسدد اليا غاب=ماينقطع طاريه عند المعازيب
وشخص عليه من المداخيل مشعاب=حذرى تهقوابه ترى الخايب يخيب
من تجربه عايشتها وعلم شياب=ماصور الواقع على غير تصويب
عرفي يجملني مع ابعاد واقراب=حكيم واحسبها عن النقص تحسيب
للشاعر عبد الله رغيان الركيبات
الشكر موصول للاخ عمر بن نوير على ايراد القصيدة لنا