مجبر حبيبك لا بطل

[عناد الرواد]

لا تسأليني كيف وشلون راضي=مجبر حبيبك لا بطل وسط غابه
لا تسألي عن شي محض افتراضي=بعض اسئله تصعب معها الاجابه
لا وافرضي جاوبت والبال فاضي=وشّ استفدتي غير شكّ وغرابه
ليه اتقبّلها بصدر ٍ رياضي=هو فيه يوم ايمر ؟ مابه كئآبه
الله وكيلك حكم شاهد وقاضي=وبالع على ما قيل موس الصبابه
جيتك ابي قطرة امل يا فياضي=وجيتي بحبات المطر والسحابه
شوفك مطر واحساس قلبي اراضي=من مهجري لمسقطي مع ترابه
بس يسكت الساكت سكوت التغاضي=تلقيني اللي ملّ كثر الكتابه
اما الحسود اللي يحب اعتراضي=قعود ما يطرب لجر الربابه
ما باقي الا تسألي ليه راضي=ولا تنطري مني اقول الاجابه

[كلك نظر]

صح لسانك ياعناد وكل يوووووم تثبت ان كلماتك معطره باريج وعبق ....... مميز

[نديم الشمال]

مبدع في كل حالاتك

راعي جزلات لاعدمتك

دمت بخير

[الدرة]

صح لسانك شاعرنا عناد الرواد ......مبدع .