دارك هنا .. وداري هنا

[الدحمي]

للترف خيل ٍ غـدا مركاضهـا... صـدري
وطيـور شوقـي غـدا مقيالهـا .. عيونـه



لبـا جفونـه ولبـا .. طبعهـا الـخـدري
ولبا سـوادٍ رقـد .. فـي خـدري جفونـه



اثـره بضحكـة سنونـه حافـر ٍ قـبـري
ولا كنت اظنـي بامـوت بضحكـة سنونـه



شرهـة متونـه علـى شلالهـا الخمـري
وان نثرتـه الهبـوب .. مــردّه متـونـه



جيت اجبر الكسر لكنـه .. كسـر جبـري
مجنـون والحـظ ساقـه يــم مجنـونـه



يتفنـن بلوعـتـي .. واتفـنـن بصـبـري
حتى غـدت لوعتـي مـن اجمـل فنونـه



لا رحم ابوالحظ ساق الهجـر مـن بـدري
وشيّد جسـور الجفـا مـن دونـي ودونـه



واقفيت لاني ضريـر .. ولانـي ببصـري
اليـا منعنـي الحيـا ... ساقتنـي المونـه



وجهمت اسوق الخطا في الدرب واهـذري
تكفـون ياللـي خـذوا خـلّـي تـردونـه



ابطى .. وخلّـى سـؤال ٍ يلهـث بفكـري
مادري يصون الغلا ؟ .. مادري هو يخونه؟



ويوم اني اسـجّ بيـن ادري .. ومـا ادري
عقب البطا .. جاء يقول : الـدار وشلونـه



قلت انت : دارك هنا.. وأشٍّر على (صدري)
قال انت : دارك هنا .. وأشًّرْ على (عيونه)




محمد الدحيمي


آهداء لللغالين :rose:

[الــراقي]

قلت انت : دارك هنا.. وأشٍّر على (صدري)
قال انت : دارك هنا .. وأشًّرْ على (عيونه)
يعطيك العافيه يالدحمي
رآآقت لي لاعدمناك

[جبرني الوقت]

الدحمي

دام لنا حسك ونبضك وماتنتقيه من نصوص شعرية كالمطر
نزف مجنون وثمالة حُب .. راقت لي كثيراً هذه الابيات

لاهنت ..

[حويطي الشمال]

جيت اجبر الكسر لكنـه .. كسـر جبـري
مجنـون والحـظ ساقـه يــم مجنـونـه

يعطيك العافية اخوي الدحمي
ولا هنت على القصيدة

[معـالي الشمالي]

شـكــ وبارك الله فيك ـــرا لك ... لك مني أجمل تحية .

[الدحمي]

~.. آحمد السليلمي


لبىآ وجودك يآ الغلا ..



~ .. جبرني الوقت


حقيقة تعجز الكلمات عن رد الثناء ..

ولكن ثق تماما لو اراك من المشاهدين فقط لكان يكفي ذالك ..




~ .. حويطي الشمال

يعافيك ربي يآ الغالي .. ولاهان غآليك ..



~ .. معالي الشمالي


عفواً وجزاك الله خير على المرور ..





لكم جميعاً ولكل من مر من هُنا ...


:rose:

[ذيب المراقيب]

لبـا جفونـه ولبـا .. طبعهـا الـخـدري
ولبا سـوادٍ رقـد .. فـي خـدري جفونـه


ذوووووق
يا كل الذوق انت
تحيتي المعطره لك

[ذيب الشوامين]

ما فيك حيله

ذوق والله يا الخوي

دمت بود






الذيب