محاورة هيييييييهـ خلوها،للشعراء

[رحالـ]

بسم الله الرحمن الرحيم

طرى على بالي قلت نسوي لنا محاوره على خفيف حتى نستفيد من شعراء شبكتنا الكبار



وش رايكم ياجماعة خير باللّي حصل=مابين مشتى السنه وايام مرباعها
ومن يلّجِم الطالب اللّي صاح وسط الفصل=من دون لايعرف الاستاذ تباعها

لاتنسونا من ملاحظاتكم ان كان هناك كسر والا شّعر اشعرونا الله لايحرمنا منكم.
ولايرد الا اللي فاهم المعنى

[مسلم العميري]

فكره جميله يارحال وهي تصقل الموهبه
وتنمي المدارك الشعريه.
لكن لاحظ ان القافيه غير منتظمه في عجز البيت الثاني
فكلمة مرباعها غير عن مديرها فهي على اربعة احرف
الالف والعين والهاء والالف فيجب ان تأتي كل القوافي
على هذا المنوال,,,,
عدلّها وابشر بمحاوره حامة الوطيس تشوف غبارها
وانت في ثاني ديره هههههههه’’’’

[نديم الشمال]

عدلها والمعنى في بطن الشاعر

والطالب لو في مكان ثاني

خلينا طالب في صفه يلجمه

ووالله يعين-قانون التربيه يمنع الضرب؟؟؟؟؟؟؟

[رحالـ]

تم التعديل يابو عمر وشكرا على ملاحظتك

وطلع الخلل كسر مو شّعر هههههههههه



تحياتي

[رحالـ]

عدلها والمعنى في بطن الشاعر

والطالب لو في مكان ثاني

خلينا طالب في صفه يلجمه

ووالله يعين-قانون التربيه يمنع الضرب؟؟؟؟؟؟؟


تم التعديل يالغالي

وكلامك :sm136:

[الذيب الشمالي]

عاد وينكم يالشعراء ردو نبي نتابع محاوره
جميله كما عودتونا

[أسد الغابه]

خلووووووووووووووووها,,,,طمــــــــــــرنا


تعرف فصول السنه في بعضها تتصل=واحداثها بين قاريها ومذياعها
حيله على لجنة التطعيم ياخذ مصل=من قبل تستولي العله على نخاعها

[رحالـ]

ههههههههههههههههههههيه
خلوووووووووووووها.


يامرحبا بالفهيم اللي فهمني اوصل=يوم ان بعض الوجيه تحكحك اكواعها
لبيه ياسيد الغابه كريم الخِصل=هذي السنة كنها كثرانه اضباعها

[أسد الغابه]

ارررررررررررررررحب.....خلوووووووووووووووووها


فيك البقاء يالمرحب ياحفيد الاصل=يالشاعر اللي تعرف الناس واوضاعها
اعرف زمانك تحوّل وانتقل للعصل=لاشفت حصنيها ينبح على اسباعها

[فهد الحويطي]

فكره جميله يارحال

لكن اختيارك لقافية عجز البيت لايساعد على الدخول في محاوره طويله إذا ان القافيه لاتلبث ان ( تشيب ) نظرا لقلة مفرداتها في اللغـــه


:sm167: شكرا لك

[رحالـ]

وفيك البقاء والشواهد بيننا تتصل=في عالي اجبال دولتنا ومنباعها
دنيا غريبه بها الجرذان ترقى النصل=تبغى تنوش النجوم وتعلن ابداعها

[رحالـ]

فكره جميله يارحال

لكن اختيارك لقافية عجز البيت لايساعد على الدخول في محاوره طويله إذا ان القافيه لاتلبث ان ( تشيب ) نظرا لقلة مفرداتها في اللغـــه


:sm167: شكرا لك


مرورك اجمل يا استاذ فهد

وابشر سيتم تغيير القافية الآن،

تحياتي

[رحالـ]

سلام للي هنا والقاف الاول بلاه=في حين تبقى الفتاوي وسط مضمارها
خل الطويلب قليل العرف ياخذ جزاه=مدام ماجاء كبير القوم بشهارها

[العااااصف]

يامرحبا بالذي سمعنا ثاني نداه 0000 يسمع لشور العرب لا قالت اشوارها
اما الطويلب ياولد ربي اللي عماه 00000 مايبرز اللي رضي في ظلمة اوكارها

[العاصفة]

فكره حلوه يارحال

وعلى ماقال شاعرنا الأستاذ مسلم العميري فهي تنمي الموهبه لدى أبنائنا وبالعكس فيه ناس كثار تشجعهم هالفكرة على النبوغ . وفيه نوابغ ماورونا حالهم للحالين .
لكن ينقص هالفكرة أشياء :
أول شيء التنظيم .
ويقصد فيه تنظيم الملعبه وتنظيم الشعار وتنظيم وقتها حتى يتنسى للشعار الرد في نفس الوقت ماتحتري قبيلك بعد إسبوع يدخل .
ثاني شيء يخصص لها موضوع خاص فيه .
ثالث شيء : تشكل له لجنة من الشعار .

تحياتي لك .

[رحالـ]

يامرحبا بالذي سمعنا ثاني نداه 0000 يسمع لشور العرب لا قالت اشوارها
اما الطويلب ياولد ربي اللي عماه 00000 مايبرز اللي رضي في ظلمة اوكارها


حي الله العااصف الّي قام يقرّب حداه=ومن لايطيع العرب مايجلب اخبارها
الفتنه اكبر من القاتل بجرم اعتداه=يالعنة الله على الفتنه وسمسارها

[رحالـ]

فكره حلوه يارحال

وعلى ماقال شاعرنا الأستاذ مسلم العميري فهي تنمي الموهبه لدى أبنائنا وبالعكس فيه ناس كثار تشجعهم هالفكرة على النبوغ . وفيه نوابغ ماورونا حالهم للحالين .
لكن ينقص هالفكرة أشياء :
أول شيء التنظيم .
ويقصد فيه تنظيم الملعبه وتنظيم الشعار وتنظيم وقتها حتى يتنسى للشعار الرد في نفس الوقت ماتحتري قبيلك بعد إسبوع يدخل .
ثاني شيء يخصص لها موضوع خاص فيه .
ثالث شيء : تشكل له لجنة من الشعار .

تحياتي لك .


اخي العاصفة

لمرورك طعماً آخر

وكلامك عين الصواب

ولاكن اعتقد لايزال الوقت مبكراً على تلك الخطوات
خصوصاً في ظل شح محبي هذهِ المحاورات في الوقت الحالي وموضوعنا هذا اكبر مثال
لم يتفاعل معه الا القليل....

[العااااصف]

دام البقا ياصاحبي وكل في مداه 0000 لكن البضايع ظنتي حسب اسعارها

الفتنه لقت لها حطب تالع في سداه 0000 لين اصبح في كل عام يكبر اوجارها

[رحالـ]

دام البقا ياصاحبي وكل في مداه 0000 لكن البضايع ظنتي حسب اسعارها

الفتنه لقت لها حطب تالع في سداه 0000 لين اصبح في كل عام يكبر اوجارها

اخي العاااصف

حياك الله وبياك

واحيي فيك روح المنافسه

ولاكن هناك خلل في الأبيات واترك ذكر ذالك للأخوان الأفقه مني في تلك الأمور،

لذالك اعتذر عن الرد عليك لحين تعديل الأبيات

وارجوا ان تتقبل وجهة نظري بصدر رحب

تحياتي

[أسد الغابه]

ملاحظتك في مكانها يارحال
والعاصف انا اصفق له على
ماقدمه وعلى تشجعه للموضوع
بارك الله فيكما,,,
وين الشعار طلبوا منك تغيير القافيه
وغيرت ماادري يمكن الرجال جالسين
يرسمون درك راسك يارحال. هههههه
اما انا اعذرني ماحب الاالقوافي الصعبه

[العااااصف]

دام البقا ياصاحبي وكلٍ في مداه 00000 لكنّ البضايع ظنتي حسب اسعارها
الفتنه لقت لها حطب تالع في سداه 0000 لين اصبح في كل عامٍ يكبر اوجارها


البيوت سليمه ياصاحبي غنه وشكل الحرووف مثل ماشكلتها لك بيمشي معك ولك مني تحيه

[العااااصف]

البيت الاول في كلن
البيت الثاني من الشطر الثاني : عامن

وعلى ما اعتقد والحكم للاخوان يحق للشاعر في المحاوره الشعريه ان يشكل الكلمه مثل : كل يغنيهااا : كل ( ن ) او عام يغنيها : عام ( ن )

[رحالـ]

اخي العاااصف

الأبيات سليمة من ناحية ترتيب وتشابه القوااافي ولاكن وزناً لاتنطبق مع ماسبقها

والموضوع اكبر من موضوع التنوين يالغالي............

في ردك الأول كنت ماشي تمام خصوصاً في البيت الأول اما البيت الثاني فكان فيه نوع من الثقل ولاكني لم انوه عنه لأترك لك المجال في الأبيات القادمة لتحسنها .... ولاكن لم يتم ذالك،،

هذا ولك تحياتي

[العااااصف]

لاتعليق


قلت لك اللي عندي وشكرا البيوت سليمه


انتهى ,

[رحالـ]

عذراً يالغالي

لم اقصد زعلك ولا اسمح لنفسي بذالك

والموضوع خلاف وجهات نظر

و ننتظر مرور الشعراء وأهل الشأن وننتظر تعليقاتهم

ودمت بمحبة وتقدير

[ابو اسامه]

احدن نصح وأحدن سمع واحدن يضيع ماشراه=والجاهل اللي ينصحه بو ٍ حشاه اوبارها
واحدن حفر واحدن بنا واحدن يهدم مابنــــــاه=واللي يجاهد فتنته اخير من بكوارهـــــا

[البرق]

احدن عطى واحدن خذى واحدن يناظر في سماه*** والجاهل اللي تاركن نفسه على معبارها

الي حفر والي دفن ماني بحال الي وراه*** لاكن من اللي ياصل الضفه ويهد جدارها

[مبتدي المشوار]

بسم الله الرحمن الرحيم

كفو والله يالبرق وصح السانك

موفق بإذن الله ... لك مني أجمل تحية .

[الشاعر معشي الذيب]

متابع ولاكن بدون تعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[البرق]

ماعليك زود يامبتدي المشوار

ومررورك شرف لي ولا تحرمنا من هاطلة

[البرق]

اخوي ابن عثمان مشكور على المتابعة

[رحالـ]

حي الله ........ الّي قام يقرب حداه
...................................ومن لايطيع العرب مايجلب اخبارها
الفتنه اكبر من القاتل بجرم اعتـداه
...................................يالعنة الله على الفتنـه وسمسارهـا

اخواني الكرام

ابو اسامة/ البرق/مبتدي المشوار/ابن عثمان

اشكركم على متابعتكم

واتمنى من اصحاب المداخلات ان تكون المشاركات على وزن البيتين السابقة

وشكرا لكما مقدماً

[أبو عوده]

بسم الله الرحمن الرحيم
ما شاء الله على الموضوع الحلو وإن شاء تجيكم من عندي مشاركات