خطوى الولد

[عناد الرواد]

صكت على الحلق البطان القريحـه=ولا عاد يسعفني القصيـد ورياحـه
ما فيه احلا من القلـوب المريحـه=اللي لها بالصمت حكمـه وراحـه
مـا تطـرد المترديـه والنطيحـه=وماتعد غير الحق هو والصراحـه
لا طاح قدري بالنفـوس الشحيحـه=وصارت تثمنّي ضعوف البراحـه
ماعدت اقـول ان القبيحـه قبيحـه=لـو انّهـا تحتـل كـل المساحـه
ولو تقبل اصدور الرجال النصيحه=ما كان شفت اهل الخطا والسماحه
عندي لاهل الصنف نفس ٍ مليحـه=تسوقني لاهـل الذكـا والرجاحـه
حتى الرقام اللي بوسط الشريحـه=بدلتهـا والقلـب ابـدا ارتيـاحـه
عرفت ان الرجل لو طـاح طيحـه=تكثر سكاكينـه وتنـزف جراحـه
والمشكله ما هي وقوع الفضيحـه=المشكله وشلون صـار افتضاحـه
خطوى الولد لا صار نفسه قميحـه=يعيـش متمـادي وكلـه وقـاحـه
وخطوى الولد لا صار نفسه مريحه=يرتاح راحه غير عن كـل راحـه
وكل حمل ممكن آتحمّـل وازيحـه=الا اشوف الغبـن قبـل اجتياحـه

[جمرة غضا]

صح لسانك اخوي ومشكور على هالرائعه الجميله

[نايف مقبول]

عناد الرواد

صح لسااااانك وجااااد بياااانك

قصيده جزله من شاعر جزل

ايش اقتبس وايش اخلي

دمت ودام حرفك

والله يعطيك العافيه


{ولك خالص ودي وتقديري}