رحالـ
14-06-10, 02:06 AM
بسم الله الرحمن الرحيم
السلام عليكم ورحمة الله وبركاته
هذا الله يسلمكم شريت لي جيب ربع من حايل سنة ان الملك عبدالله يستلم الحكم،
وكانت عملية البحث قد استمرت قرابة الاسبوع وانا من معرض لمعرض وانواااع المرمطة!حتى ان صبري نفذ والشوق قطع القلب تقطيع!،
وبعد ماشريت الجيب عيني ماتشوف الا تبوك قدامي،
الشوق يدفعني وانا ادفع دواسة البنزين، ولسان حال الجيب يقول..ياوالله البلشة وش ذا النشبة اللي طب فيني؟؟!
ولاقصر صبر وتحمل لكن على قولة مدري منهو..للصبر حـدوووود،،وشوي واليا الصوت يخبخب من السماعات ويقول،
ياليتني مانصنعت ولااندفع بي فلوس=باقي بحضن الجبال وداخل احجارها
لكن حسيبي على اللي يلبسون الدسوس=خلوني امشي على الطرقات واغبارها
حينها فزعت قليلاً..وعرفت ان الجيب شاااعر..
ورديت عليه اقول
ياموتري لاتواخذني بجر التروس=النفس عجله وشوقي قادح(ن)نارها
ماودي ازعجك والا اقول عنك نعوس=ياخير ماصنعت اليابان وانصارها
لكن تحمل وانا بعطيك شرح الدروس=ياعل تشفع لنا لاجيت بخبارها
السالفة كلها اني هاوي(ن)لي نفوس=ولاتستريح الجوارح غير بجوارها
وما ان انتهيت من ردي الاوهو يقول
مدام هذي علومك حط رجلك ودوس=واحذر من السرعة اللي تعرف اخطارها
خل البساتم تراقص مع فرير العكوس=لين التواير تدور وتخفي اثارها
مدام فضلتني عن جديد التكوس= ياعل عمري فدا نفسك ومشوارها
وهذا ماحصل بالتفصيل المناسب لما ورد:sm164:
وسلامتكم
السلام عليكم ورحمة الله وبركاته
هذا الله يسلمكم شريت لي جيب ربع من حايل سنة ان الملك عبدالله يستلم الحكم،
وكانت عملية البحث قد استمرت قرابة الاسبوع وانا من معرض لمعرض وانواااع المرمطة!حتى ان صبري نفذ والشوق قطع القلب تقطيع!،
وبعد ماشريت الجيب عيني ماتشوف الا تبوك قدامي،
الشوق يدفعني وانا ادفع دواسة البنزين، ولسان حال الجيب يقول..ياوالله البلشة وش ذا النشبة اللي طب فيني؟؟!
ولاقصر صبر وتحمل لكن على قولة مدري منهو..للصبر حـدوووود،،وشوي واليا الصوت يخبخب من السماعات ويقول،
ياليتني مانصنعت ولااندفع بي فلوس=باقي بحضن الجبال وداخل احجارها
لكن حسيبي على اللي يلبسون الدسوس=خلوني امشي على الطرقات واغبارها
حينها فزعت قليلاً..وعرفت ان الجيب شاااعر..
ورديت عليه اقول
ياموتري لاتواخذني بجر التروس=النفس عجله وشوقي قادح(ن)نارها
ماودي ازعجك والا اقول عنك نعوس=ياخير ماصنعت اليابان وانصارها
لكن تحمل وانا بعطيك شرح الدروس=ياعل تشفع لنا لاجيت بخبارها
السالفة كلها اني هاوي(ن)لي نفوس=ولاتستريح الجوارح غير بجوارها
وما ان انتهيت من ردي الاوهو يقول
مدام هذي علومك حط رجلك ودوس=واحذر من السرعة اللي تعرف اخطارها
خل البساتم تراقص مع فرير العكوس=لين التواير تدور وتخفي اثارها
مدام فضلتني عن جديد التكوس= ياعل عمري فدا نفسك ومشوارها
وهذا ماحصل بالتفصيل المناسب لما ورد:sm164:
وسلامتكم