يامعشر الشعار(محاوره)

[مسلم العميري]

يامعشر الشعار في منتدى العز=من يرغب الطاروق يقلط معزز
عندي علوم الشعر ماادزها دز=من هو على كرسي المعاني ترزز

[الشاعر معشي الذيب]

مرحبا وابرك الساعات يالشاعر البيطار والاديب ولو كان انا ماني بحجم العميري لاكن حبيت اجاريك وانت من الرجال اللي يلحقو خويهم مايخلوه واستلم ياشيخ

فزيت لك واللقلب يامسندي فز
............... اقلط تخير بالجزيل وتغزز

منسوجة ٍ من مصنع أل راقي القز
................... يامن لجزلات المعاني تخزز

[مسلم العميري]

حى الله ابن عثمان وشرف لي اني العب مع شاعر
في مستواك الراقي وردودك المهذبه. خذ يالذيب


بنت العرب يامعشي الذيب تُجتز=واخوانها بين الغواني تهزز
طافت على الستين عيّت تعجز=مع انها تشكي حياة التبزز

[الشاعر معشي الذيب]

ماعليك زود يابو عمر واتمنا تغير لنا الطاروق لانه يحتاج للجبر والجبر يضعف المعنا وهذا لايخفى على شرواك

هذي لها اللي معطين كل معوز
.................. اللي بوسط الصخر مايه تنزز

يبرم لها من صفوة الخلق منجز
...................... عزام جزام ٍ عزيز ٍ معزز

[مطلق العيد]

الله الله شعرائنا

طارووق جميل

واصلووو ونحن متابعيييييييين


تحياتي لكم

[الــراقي]

متابع
الله يعطيكم العافيه يالعميري وياابن عثمان

[~ صاحبة السمو~]

صح السانك ابن عثمان والسان العميري

عساكم على القوه

متااااااااااابعه

[الشاعر معشي الذيب]

مطلق العيد
احمد السليمي
صاحبت السمو
اشكر لكم مروركم الراقي ودمتم يااحبتنا في هناء وسعاده وشرف لنا تواجدكم الدائم

[عبدالمجيد بن غازي]

ابوعمر .ابن عثمان

طاروق شيق بس وين الصفه

[طير السعد]

يالشعار يعطيكم العافيه
وعساكم على القوه؟؟؟؟؟؟

[الشاعر معشي الذيب]

الى كل الاحبه الذين شرفونا بمرورهم
لكم كل الشكر مني ونيابه عن شاعرنا الكبير مسلم العميري وتواجدكم شرف لنا ويزيد فينا الابداع //// لاعدمناكم احبتنا