عناد الرواد
11-07-10, 07:51 PM
عام الرماده حدني يم الاجناب=ربع الفلاحه والرطب والزراعه
انا ابدوي واكره سواليف الاعراب=واحب فيهم طيبهم والبتاعه
يبغضني اللي ما عرف قدر الاشناب=لا يحسب اعلومه علينا ابضاعه
يفحج على كير الردى والشعر شاب=لا كاسب ٍ حسنا ولا طال باعه
اصخيّف الذرعان للثور حلاّب=ما هو كفو ولا يعرف السناعه
عندي فلا قام وقعد جعله الداب=يركي على عظمه وينهش اكراعه
محنا عشا بعض الحصاني والتسلاب=والمصلحه متبّيض الوجه ساعه
ما عدت اثق باللي يقصرون الاثياب=اهل النفاق امخالفين الجماعه
اصحاب؟ لا والله ما هم بصحاب=الا حشاوين القحط والمجاعه
احد ٍ وعد وعد ٍ وبالحيل كذاب=ازرى يميز هامته من ارقاعه
يدق صدره ويتيميلح اذا غاب=متقّضب ابحبل الرسن واندفاعه
له وجه ابن فهره ومغسول بتراب=واكبر مصيبه ينتسب للشجاعه
يشبع اعياله قبل لا يحسب احساب=اهل الشكاله والصخا والوداعه
عرفه ردى فال ٍ وخوّتْه تنعاب=وشوفه غثا بال ٍ وقربه دناعه
انا ابدوي واكره سواليف الاعراب=واحب فيهم طيبهم والبتاعه
يبغضني اللي ما عرف قدر الاشناب=لا يحسب اعلومه علينا ابضاعه
يفحج على كير الردى والشعر شاب=لا كاسب ٍ حسنا ولا طال باعه
اصخيّف الذرعان للثور حلاّب=ما هو كفو ولا يعرف السناعه
عندي فلا قام وقعد جعله الداب=يركي على عظمه وينهش اكراعه
محنا عشا بعض الحصاني والتسلاب=والمصلحه متبّيض الوجه ساعه
ما عدت اثق باللي يقصرون الاثياب=اهل النفاق امخالفين الجماعه
اصحاب؟ لا والله ما هم بصحاب=الا حشاوين القحط والمجاعه
احد ٍ وعد وعد ٍ وبالحيل كذاب=ازرى يميز هامته من ارقاعه
يدق صدره ويتيميلح اذا غاب=متقّضب ابحبل الرسن واندفاعه
له وجه ابن فهره ومغسول بتراب=واكبر مصيبه ينتسب للشجاعه
يشبع اعياله قبل لا يحسب احساب=اهل الشكاله والصخا والوداعه
عرفه ردى فال ٍ وخوّتْه تنعاب=وشوفه غثا بال ٍ وقربه دناعه