لا تهد مين الليل في سكة فراق

[الوسمي]

بسم الله الرحمن الرحيم
القصيدة للشاعر / معوض العطوي
لا تهدمين الليل... في سكة فراق !
الليل رجم الروح خلينـي أرقـى !!

ليلي حياه ، و تنتهي بيْد الإشـراق
خليني أحيا الليل، يمدينـي أشقـى!

ليل البداية طفل و الطفـل مشتـاق
لليـل.. وحكايـات ترحـل وتبقـى

والليل شايبْ يفتح الصدر لا ضـاق
لديـاره اللـي بالأساطيـر تسقـى

والليـل ،أمٍ قلبهـا نهْـر دفــاق
حب يبل قلوب في الحـزن غرقـى

والليل كتْبْ ومدرسه..همْ ، و اوراق
والليل بنتٍ تسكـن النجـم طرقـا

والليل شاعر ناحل الجسم و ادْقاق !
والليل ونة قلـب ودمـوع زرقـا

والليل حب وهمس وعتاب و اشواق
والليل أغاني وجد بالدمـع شرقـا

والليل رعشة خوف في لحظة عناق
والليل موعد يحترق خـوف فرقـا

والليل، أنا و أنتي على سكة فـراق
أيدين ماتت بـردْ و أيديـن عرقـى