يا مسلم ابن عواد أشتكي عليك الوقت و أشكيه ؟

[الفتاة العمرية]

اهدي قصيدتي المتواضعه للشاعر مسلم عواد العميري ( سيف الحويطات ) و انتظر رده




هاجس الذكرى يناديني و اقول ما أبيه
عجزت اكابر و الشوق طفل ٍيصيـح



في صورتي تلاحظ بعض ٍمن مواريه
و في صورته ملامح ٍ مني تشبه الريح



في رفعته كنه جبل شـار و روابيـه
و في خضوعه تغيب الثريا و تطيـح




بعض الغلا يمكن عن النـاس نخفيـه
و بعض الغلا يظهـر دون تصريـح




و الخوف تلحقه مـن ظروفـه مشاريـه
او يجي لسد الخفا يوم و يبيح




يا مسلم اشتكي عليك الوقت و اشكيـه
و مثلك يا ابو عمر فدتـه المراويـح




يا ابو عمر برى الحال من وجدي عليـه
فدته القوافي و فداه محراف ٍ على إيح




عطني النصيحة و القاف منك احتريه
بالعامي و انا ما اعرف للشعر الفصيح



مالك عذر و الحر يفزع لمن ينخيه
و حذرك تترك حبل الرشا و تميح


ودي بريح النفل و الخزامى و طاريه
عفت عمري ما بين بعيثران ٍو شيح

[حويطيه اخت رجال]

صح لسانك أختي
ما شاالله عليكِ
وبانتظار رد الشاعر مسلم عواد

[مسلم العميري]

قريت خطٍٍ من فتاةٍٍتمليّه=اللي تبطّح واقف الشعر تبطيح
قرّب لنا المحبار والبوك ياهيه=ننظم لنا بيتين لام المجاريح
قافٍٍ مع فنجال توي مسويه=الماء زلال وفي نظيف المفاويح
للي شكى لي من زمانه وتاليه=ماادري علام الناس من وقتها تصيح
الله يعينه كان كثرت بلاويه=والرجِل ماتقوى بعيد المشاويح
من ينتظر لانسان فاتت حراويه=مثل الذي يطرد سحابه مع الريح
القلب قلبك والحنايا حواليه=قلب الوكاله مايعوّضه تشليح
لاتسبقك عيِرالعرب في مراجيه=عمرك مراحل والليالي مراجيح
مير احقني بوح المشاعر وصبيّه=وش يمسك الغربال من غبة البيح

[الوصيف]

صح لسان أبو عمر كفيت ووفيت .. ابيات تعالج الجرح
تحيتي وتقديري

[مطلق العيد]

صح لسانك يالفتاة العمريه

والحمد لله ابوعمر ماترك الرشا وماح

وهذي عوايده

جاب المفيد

مير احقني بوح المشاعر وصبيّـه
وقلـب الوكالـه مايعوّضـه تشليـح

صحت الالسن والابدان

تحياتي لكم

[الداليه]

يعطيكم العافيه جميع مجاراهـ رائعه

من ينتظر لانسان فاتـت حراويـه
مثل الذي يطرد سحابه مع الريـح
القلـب قلبـك والحنايـا حوالـيـه
قلـب الوكالـه مايعوّضـه تشليـح
لاتسبقك عيِرالعرب فـي مراجيـه
عمرك مراحل والليالـي مراجيـح


صح لسانك على هالابيات ... كفييت ووفيت بالرد (مسلم العميري)

[عبدالمجيد بن غازي]

صح لسانك يالفتاه العمريه

وصح ذوقك يابوعمر على هالجزله

فعلا مسكت متين الحبالي

ابوعمر الظاهر مافيه نت بعد هالقصيده

ههههه

لكم ودي واحترامي

[الآتي الأخير]

رد في محله من سيف الحويطات
صح لسان الجميع
و عادة ابو عمر الطيب و العلم الغانم
و مثل ما قال :
القلـب قلبـك والحنايـا حوالـيـه
قلـب الوكالـه مايعوّضـه تشليـح

[الذيب الشمالي]

الله الله
صح السنتكم جميعا
مير احقني بوح المشاعر وصبيّـه
وش يمسك الغربال من غبة البيـح

[نايف مقبول]

لاتسبقك عيِرالعرب فـي مراجيـه
عمرك مراحل والليالـي مراجيـح


صح لسانك يالفتاه العمريه

وصح لساااانك يابوعمر على هالجزله

قصيده جميله

ورد اجمل

الله يعطيكما العافيه جميعا

دمتم بأحسن حال,,,,,

[ابن الفخر]

نص جزل ورد اجزل





لكم كل الود والتقدير والاحترام .