ذي نصيحه بعد ماتم الزفاف

[محمدالبلوي]

http://sphotos.ak.fbcdn.net/hphotos-ak-snc4/hs232.snc4/38929_130439937000126_100001023627267_173323_4093859_n.jpg (http://www.facebook.com/photo.php?pid=173297&id=100001023627267)



ذي نصيحه بعد ماتم الزفاف=بعد ماغنو ودقو بالطبول
للحبيب اللي عليه احنا نخاف=صالح محمد عسى عمرة يطول
ياحبيبي منت مثل اول تشاف=كنت عايش وسطنا تصول وتجول
كنت اقلك صل ورجولك خفاف=تسبق ارجولي على المسجد وصول
بس هذا الوقت مافيها خلاف=صار لك بيت وعلى نفسك تعول
مالي الا انصحك ودموعي ذراف=لا تصير ابطاعة الخالق كسول
عيش عمرك بالكرامه والعفاف=لو تشوف المعصيه خلك جفول
انتبه لاتموت واعمالك عجاف=وش تقول الخالقك بس وش تقول
ياوليدي طاف نص العمر طاف=والبقاء لله والعالم يزول
حج بيت الله وتمه بالطواف=يغفر ذنوبك وتبشر بالقبول
وانصحك لو قلت كلمة لاتخاف=وانصحك لو خفت كلمة لاتقول
ومد رجلينك على قد الحاف =لاتطالع فوق وعيونك تحول
وان قسى وقتك قسا كل عيش حاف=لاتمد ايديك للناس النذول
لاتمد ايديك للناس النشاف=عز نفسك لو على خبزه وفول
الكرامه عز يرفعك المناف=هي رصيد وكنز لعيال الاصول
لو تهين النفس كلن لك يعاف=والبشر ماترحم الناس البدول
عيش عمرك عيش في عز وكفاف=ذي تراها عيشة الصحاب الرسول

[محمد محمود]

مشور يا البلوي

أبيات جميلة ومعبرة

ونصيحة ثمينة ومؤثرة

وصح لسان الشاعر

تحياتي

محمد محمود

[عاشق الادب]

قصيدة جميلة من شاعر جميل والله يوفق صالح ويكتب له الخير وانت ياشاعرنا كفيت ووفيت بالنصيحة ... تحياتي لك

[مطلق العيد]

صح لسانك يامحمد نصائح ثمينه

لاهنت ياذرب اليمين

تحياتي لقلمك المبدع

[حويطيه اخت رجال]

صح لسانك على القصيده الجميله والنصائح الأجمل

[إحــســاس شــاعــر]

بيض الله وجهك شاعرنا القدير / محمد البلوي ... وصح لسانك

أعجز عن وصف هذه الرائعه .... سجل إعجابي الشديد .... وفقك الله

[عبدالمجيد بن غازي]

صح لسانك محمد على النصائح

والله يوفق صالح


ودي