][ بنت الشات ][

[الوصيف]

حرمت انا اتعرف على بنت من شات=من عقب ماسلمى رمتني بيديها
ان جابها الله ليّ او كان ماجات=ماعاد هذا القلب وده يجيها
احيان احس اني (بلا) انثر شتات=واحيان احس اني بصدق اهتويها
واحيان احس اني على الشعر اقتات=واطلق عنان الروح لين احتويها
مجنون شعر وشعره يقول له هات=هاتي لي الاخبار لاجل اقتفيها
ياشعر مابه عندي اليوم اصوات=جفّت حناجرنا وحنا نبيها
هم ٍ توقد داخل الصدر بالذات=حرقة فراق ٍ ليتها بس تعيها
طبعي حبيب ٍ شارد الذهن بأوقات=يسبح خياله في رحابة يديها
لو(ن) الشعر ينفع بهالقلب مامات=ماتت وروده منهو ينشد عليها
هذاني برحل واترك القلب بآهات=واحلى قصيد اليوم رايح يجيها
سلام ياسلمى عدد عد ساعات=وترى الجفا قصة نويت ابتديها
ماعاد انا اتعرف على بنت من شات=قصه انتهت وانا حقيقه انتهيها



أتمنى أن تصل إليكم ..
عبدالعزيز الرقابي

[المحترم]

ارفقي بشاعرنا يا سلمى

وبعدين على مين تلعبيها ترى قدامك الوصيف هههه

صح لسانك يالوصيف

تقبل مروري واحترامي

[عبدالمجيد بن غازي]

صح لسانك على القصيده

دمت بود.

[الحاكم]

ياشعر مابه عنـدي اليـوم اصـوات
جفّـت حناجرنـا وحـنـا نبيـهـا

..

وجفتـ أقلامنا أيه الوصيف
في وصف هذه الرائعه
دمـتـ كما تحب "

[العميري]

صح لسانك يالوصيف
ارفق بسلمى فقد اتت بهذه الرائعه
ولاعاد ترجع للشات ههه
تحياتي

[الوصيف]

ارفقي بشاعرنا يا سلمى

وبعدين على مين تلعبيها ترى قدامك الوصيف هههه

صح لسانك يالوصيف

تقبل مروري واحترامي

حي الله المحترم الذي له من معرفه نصيب
وسلمى ماهي إلاّ ملهمه أبى الشعر إلا أن يخلد إسمها

المحترم .. لمرورك العذب كل الود والتقدير

[الوصيف]

صح لسانك على القصيده

دمت بود.

صحت أبدانك ياعبدالمجيد
لحضورك العطر كل الود والتقدير

[الوصيف]

ياشعر مابه عنـدي اليـوم اصـوات

جفّـت حناجرنـا وحـنـا نبيـهـا

..

وجفتـ أقلامنا أيه الوصيف
في وصف هذه الرائعه
دمـتـ كما تحب "


العزيز : الحاكم
مرور مهم من شاعر مهم وإشادتك الغالية غالية
إحترامات كثيرة ومودة أكثر ..

[الوصيف]

صح لسانك يالوصيف
ارفق بسلمى فقد اتت بهذه الرائعه
ولاعاد ترجع للشات ههه
تحياتي
حي الله حماد .. وسلمى ملهمه عزيزه وغاليه
وبعدين اخوك طال عمرك مهو براعي شات ;)
والروائع هي منكم وإليكم
وثق أنك أنت وشِعرك في الرفوف العلوية من الذاكرة
شكرا ً بكثرة

[الآتي الأخير]

صح لسانك اخوي الوصيف
نص من اجمل النصوص
و هذا عهدنا بك التميز و الاحساس العالي
دمت بخير اخي الراقي

[ساهر الحويطي]

أبدعت فتميزت فسطعت وتألقت في سماء منتدانا الشامخ
هنيئآ لك .. بما ينطق لسانك .. مترجمآ .. بما في داخلك من عذوبه واحساس راقي

صح لسانك يالذيب

[سعود الشامان]

سلمي يا عسى الله يسلمكـ ويسلمكـ شاعرنا عبدالعزيز من كل شر

أبدعت أخوي عبدالعزيز

من أروع ما قرأت

[الــود]

صح لســانك واعتلا شـانك شاعرنا عبدالعزيز

لاعدمنااكـ:wilted_rose:

[ايمن دبور]

ان راحت سلمى قولها سلامات
لا تلتفت لها ولا تنادي عليها
الدعوة كلها بنت ودخلت شات
لو تكتب لها دواوين ما يرضيها
عطها من بطاقات الاتصالات
تجيك برايفت وقتها تبتلش فيها

[الوصيف]

صح لسانك اخوي الوصيف
نص من اجمل النصوص
و هذا عهدنا بك التميز و الاحساس العالي
دمت بخير اخي الراقي

صحت أبدانك يابو ثامر وماعليك زود .. الإبداع منكم وإليكم ..
وترجع من رحلة السفر بالسلامه إن شاء الله

[الوصيف]

أبدعت فتميزت فسطعت وتألقت في سماء منتدانا الشامخ
هنيئآ لك .. بما ينطق لسانك .. مترجمآ .. بما في داخلك من عذوبه واحساس راقي

صح لسانك يالذيب

هلا بك ياساهر .. وتشرفت بمرورك العذب الذي يدل على رقيّ شخصك
لك من أخيك أعذب التحايا وأجملها

كل الشكر لك ..

[الوصيف]

سلمي يا عسى الله يسلمكـ ويسلمكـ شاعرنا عبدالعزيز من كل شر


أبدعت أخوي عبدالعزيز


من أروع ما قرأت



حي الله سعود منوّر المكان بوجودك وطلّتك .. والإضافه وصلت
والف شكر على الإهتمام

مودتي

[الوصيف]

صح لســانك واعتلا شـانك شاعرنا عبدالعزيز


لاعدمنااكـ:wilted_rose:


صحت أبدانك إختي حلا ومنوّره بحضورك وطلّتك
ربي يسعدك ..
ألف شكر ..

[الوصيف]

ان راحت سلمى قولها سلامات
لا تلتفت لها ولا تنادي عليها
الدعوة كلها بنت ودخلت شات
لو تكتب لها دواوين ما يرضيها
عطها من بطاقات الاتصالات
تجيك برايفت وقتها تبتلش فيها

حي الله أيمن ومنوّر المتصفح..
وبعدين تعال هنا ;)
مو كل اللي يدخلون الشات مثل ماتقول أنت .. فيهم بنات ناس :thumbs_up:

تحياتي