بريدكم الوارد لـ شعرائنا الكرام ..

[الدحمي]

السلام عليكم ورحمة الله وبركاته

الصلاة والسلام على خير البشر محمداً عليه افضل الصلام وأتم التسليم .. أما بعد

يعلم الجميع أن شبكة قبائل الحويطات تضم العديد من شعرائنا وشاعراتنا المميزين وقد اتحفونا بقصائدهم الرائعه ,

وموضوعي هذا أسميته " بريدكم الوارد " فـ بعض الشعراء إن لم يكن أغلبهم يحتفظ ببيت او بيتين أو مرادد بينه وبين شعراء آخريين ويصعب عليه آحياناً وضعها في ديوانه او في موضوع مستقل لـ قُصرها أو لغاية آخرى , لذا تم وضع هذا الموضوع لتتحفونا بـ روائعكم الشعريه بمختلف أنواعها ..


المتصفح بين إيديكم ..!

[أحمد الزمهري]

حياك يالدحمي وأهنيك على طرحك لموضوع يعجب يجميع الشعراء
وأنا بصراحة أول مرة يمر علي موضوع مثل هذا
وهو يدل على فكر عالي تتمتع به فلك حق الأسبقية
ولي الشرف أن أكون أول المشاركين
بيتين كتبتها ليلة العيد

بالليلة اللي تمتلي بالمواعيد
ــــــــــــــــــــــ فيها حبيبي بليلة العيد غادي
مدري بعدها العيد هو يستوي عيد
ـــــــــــــــــــ وألا بعدها العيد هو يوم عادي

[ابن الفخر]

لاهنت يالدحمي

وبشارك معك ببيتين للشاعر مسلم عواد العميري

عندما زار مصر لحضور امسية شعرية فقال في وسط زحمة السير


شفت الحريم تسوق في زحمة الناس

.................................يالله دخيلك من شنيع الحوادث

[خل العتاب شوي]

طرح راقي اخي الدحمي ,,,,,,,,,,,,,,
اما مشاركتي بيتين لشاعر فقير ويقول فيها




كلن تفندا غيرانا ماتفنديت=وبدون فلوس اشلون اتفندا
ماغيرالقعيد والغنم داخل البيت=ودلال مجليات عندالهوندا

[الوصيف]

الله يعطيك العافيه يالدحمي .. موضوع يروق للكثيرين ..
وصح لسان شاعرنا أحمد الزمهري على هذه الأبيات اليتيمة التي تغني عن قصيدة .. وسمعتها منه شخصيا ً

وأقول في بيت يتيم ..


سار اليتيم ودمعته تسبق خطاه=مسكين لامنه تمشى لحاله

[نايف مقبول]

لاهنت يالدحمي

موضوع جميل غريب من نوعه
والله يعطيك العافيه على هذي الفكره

وبشارك في بيتين

الصاحب اللي صحبته حزة عصير......وليا اضلمت جنحانها عنك نامي
قله من المغرب تصبح على خير......ودور على السرحان وسط الضلامي

[الدحمي]

دخول جزيل جداً .. أبتداً من احمد الزمهري وعيديته أنتهائاً بـ نايف مقبول ونصيحته ..!


رساله للشعراء الذين شاهدو الموضوع ولم يعلقوآ ..!

ما الذي يمنعكم من المشاركه ؟



لايزال المتصفح ينتظر وصول الكثير وهطول الجزيل ..

[مطلق العيد]

الدحمي دائما افكارك مميزه وانت مميز

\
\
\
\



يابنت من كثر التغلي تعبت=كني عجوزِ يم قبره مولي

لوني بكافر كان صوت واسلمت=لكن انا مسلم سعودي واصلي

يابنت حني وارحمي هيه يابنت=انا فدا الشيله انا رحت كلي

[الشاعر معشي الذيب]

الدحمي الظاهر انت ماتبي تخلي عندنا شي مخبا لاكن تشكر على هذا الطرح الراقي وابشر انت والمتابعين رايحين نملا المتصفح هذيان وشطحات بس اهم شي ماتحسبوها علينا
اهديكم هذه الابيات ومدري عن الوزن

اخر الحب عندي يوم جيت وشكيت /// حالتي لك وقلتم مالكم من دوا
اذكــــر اني يوم اقــفيت عنك بكيت/// سال دمع المحاجر من كثير النوا
اه ياطول صبري اه ياليت ليت /// تبري جروح قلب ٍ من غرامه ثوا

[نايف مقبول]

يعطيك العافيه ابن عثمان وابياتك موزونه


عبرت لي بيتين من داخل القلب....وفيهن اقول الوقت لك فيه عبره
اذا نهجت الدرب لاتنكس الدرب....اسأل مجرب له مع الوقت خبره

[الحاكم]

اشكر الدحمي على الفكره المميزه

في احدى المنتديات تفاجأت بحظر العضويه

في اليوم الثاني كتبتــ على الاهداءات :


جيت أخش البارحه لكن عيــّا =منتدانا وضح انه هو حظرني
خابر اني ياولد عضو(ن) رضيـّا =وماصدر مايوجبه هذا التعني
المصيبه وقتها كنت أتهيـّـا = بنص مهدى للي بحبه غمرني
ذاك من يطري على صبحـ(ن) وفيــّـا = الوحيد اللي على وصله جبرني
يـ (الأداري) يالله بسرعه وهيـّـا = شيل حظر صويحبك قبل التجني

[نايف مقبول]

ندلج مع الاجواد والجود بالله.....ونلتزم بالخارطه والمسيره
كل يهيض ضامره من محله......كل يقفل للمشاحي بعيره

[العميري]

اشكرك يالدحمي موضوع رائع

جوني يزيحون الهموم الثقيله=وراحو وعود فيني الهم ثاني
اثر الفرح لامر فتره قليله=واثر الشقا لاحل طول الزماني

[نايف مقبول]

الوقت يركض والليالي سريعه,,,,وبنطاكيا شي على البال مادار
فيها مناة القلب وايضا ربيعه,,,,ونسناسها طايب ولا يعرف غبار
هذي الطبيعه يوم تسمع طبيعه,,,,طبيعة ماهي رتيمات وحجار
عفت الصداره والضهر والبديعه,,,,وايام مابين البطينه ومصدار
خلية فيها المداود مريعه,,,,,,ودك تجيها غير طرقي ودوار

[مطلق العيد]

صح لسانك يابومقبول وانطاكيا تستاهل



حيرتني مابين مزحك... و..جدك=وراحت علومي بين بسمة شفاياك
خذ راحتك يالعنبوا.. جد... جدك=من كثر حبك شفني اللعن مزاياك

[نايف مقبول]

بعدك أشوف الجـو كلـه كأبـه
حتى الشوارع والمباني مضلمـه
بعدك وكني عايش وسـط غابـه
وسباع جوعا كل شـي تلهمـه
مشتاق لك شوق الضمى للسحابه
شوقي لك أخرس مايجيد الترجمه

[المحترم]

يعطيك العافيه يالدحمي موضوع مميز ونال اعجاب الكثير
شكلها غير تطلع بلاوي منك لله يالدحمي ههه..


طاحت دموع العين مع هبت الريح=اسباب العجاج اقول وتقول يبكي

يابنت انا مرتاح بافراح ومنيح=لاتحسبين الدمع هذا سببكي

[محمد البياضي]

سلمت يالدحمي .
وهذه فكره جديده لم يسبقك عليها احد .
وهذان البيتان للشاعر/محمد البياضي .
انا الليّ سـريت بلــيـل قمراء وليل دماس ** وانا الليّ غرقت فبحر عمقه مية قامه

وطيت الخطر وانا اعرفه صعب ما ينداس ** على شان خلي ناعم العود ابو شــامه

[نايف مقبول]

وينك يالبريد الوارد...

لو قلت وينك قلت عندك قريب...تلقا صحيبك لو تناديه تلقاه..

الله يخيب من نخيته وغيب....خلا صديقه باللعاويس خلاه..

[أحمد الزمهري]

حان المساء والموعد اللي نحترية
............ لا نامت عيون العواذل تعالي
فيني حكي تعبت أكنة ابا أحكية
........... محتاااج أحس إني على إنسان غالي

[نايف مقبول]

{...حصريا...}


ودي أوجه وجهتي واتوجه,,
ومنين مايدركني الفرض صليت..
لاصار جوي صاير فيه عجه,,
عن البلد والدار والاهل هجيت..
وأخذت لي في ديرة السبع سجه,,
والذيب لانادى على الذيب ناديت..
في موتر توه جديد بعجه,,
واجي ديار ماتجيها العفاريت..
على فجوج الله ودنا نهجه
ومنين ماسجت بي الرجل سجيت

[حسين أبوتايه]

تحيه للأخ الدحمي على هذه الفكره فعلا جت في وقتها . وأبي أشاركم في ثلاثة أبيات قلتها
أبيات قديمه جدا . أنشاالله تعجبكم
ألا وشلون قلتيها غلانا طــــــال مشـــــواره ،،،،، وأنا اللي لوبــغيت أخفي عيوني بالغلا أنبـــت
وأنا اللي يوم تهجرنـــي هواك أزور تذكاره ،،،،، رسمته يوم أنا رجلي على راس الطويـل أنبت
غدى حبك شجر وأثمر وحانت قطفة أثماره ،،،،، زرعته وأنت ياالجاهل تحسب الزرع مــاينبت
حسين أبوتايه الحويطي

[نايف مقبول]

الذيب مايمشي دروبه حصيني....وعمر الحصيني ماسلك سكة الذيب
يبقى الحصيني بالسهل والبطسيني....والذيب يبقى فوق روس المراقيب

[رفيق المظامي]

طرح جميل وهاكم اللي عندي
000
ابشر بها من دونها حبت الكوع 0000ياكيف ابشر والقضية قضية
امشي مع دربٍ تواليه مقطوع000 واشكي على نفسي ونفسي شقية
ياصاحبي بعض المواضيع مرفوع000 خل الكلام اللي يجيب الاذية
صاحبك ماهو من القلب منزوع000 عنده مشاعر داخل القلب حية
0000000
مبطي
وش عاد مني بقى ياللي تحاكيني 000 غير القصايد وريثة كل الامجادي
مبطي وانا اراعي بروق الرجا بعيني000 الله وكيلك حدى عن غيثها حادي
أمرار اقول البلا في حضي الشيني 000وامرار اكابر واقول ان الامر عادي
وانا غديت وظلام الياس يطويني 000 ولاعاد لي مع حقوق الغيث ميعادي
لولا الامل بالكريم اللي مقديني 000 لقيتني مثل اعمى ضيع القادي
000000
تاه قلبي
تاه قلبي عن دروب اهل الهوى وعنها تزافا 00والبشر تتهم وانا الذمة من التهمة برية
والضماير عن رداة الفعل والممشى تجافا 00 والله اني مامشيت إلا الدروب الجرهدية
وقلبي اللي من جروح اول زمانه ماتعافا 00طالت المدة ومازالت جروح البين حية

هذا ماكان يحضرني
رفـــيـــــق المـــظــــــــــــامــــــي

[نايف مقبول]

لك في حنايا الروح كشك ودكان***ولك بوسط القلب مسبح وفله
قلبي خلي ولاسكن فيه عربان***الا انت ياراعي العيون المضله
غير انت وحدك ماحويلاك عربان*~**قلبي ديار وحضرتك مستحله
قلبي ربيع وراعي القلب عطشان***وياريت ريقي من سدودك تبله
ياعمري الباقي وياكل من كان ***ياحبي الاول وياالحب كله

[فيصل سليم الدبر]

بيت ارسله لي احد الاخوان :

عزي لمن حده زمانه على الجيش..... عقب الوناسه داقشو به خفاره

ورددت عليه:

ياصاحبي متبوعتن لقمة العيش ..... ودنياك هذي امرين ربح وخساره

من لاصبر مافادته سكة الطيش..... وبيت بلا اســــاس مؤكــــد دماره

[براق الشمال]

قالو تزوج عيش عمرك وجرب
ترى الحياه تروح لحضة تجارب
مايدرو ان الحض شرق وغرب
ولاجاب منها غير مر المشارب
يبغــــــالها تسعين حتى تقرب
وتمـــــــــــد يدك للربع والاقارب
وانا مأملك غير ددسن مخرب
وعنزين في بيت الشعر بس تضارب
وما باقي الا خش حمله وهرب
ياعز يان السيف للعنق ضارب

[ابو عادي مليسان]

السلام عليكم ورحمة الله وبركاته
حاولت انزل قصيدة في موضوع مستقل لكن الموقع في كل مره يكتب الكلمة الدلاليه قصيره ومره يكتب طويله المهم انا بنزل القصيده هنا وفي بعض الاماكن
http://www.up.t-kjool.com/upfiles/a2W49383.amr

[الصيرمي]

ماحسبت احساب لوجيه الرحوم ,,,,,,,,,, وابي اخليـــها ابوضــــعي حــــــــــــــايره

ماعبر حد الوفا شـــــــــك ووهوم ,,,,,,,,, والدفـــــاعات اللـــتي اتحرســـه ثـــــــايره

والخفـــــوق اللي سكنتيبه كتـــوم ,,,,,,,,,, مـــايبيـــــــــح ومـــــــحكمه ســـــــــــــــتايره

مااتـــراجع لو شربت من السموم ,,,,,,,,,, ولو خيــول الموت جتني غـــــــــــــايره

مشــــــــــــــــــــــــــكور يالدحمي خووووووش فكره بيض الله ثناك يالغالي

اخوك الصيرمـــــــــــــــــــــــــــــــــــــــي

[مطلق العيد]

ماعلى مثلك مشاريه وعتاب
...............ولاعلى مثلك نبي نعقد امل

ولاضربنا للرخوم اية حساب
.................ولاطرحنا لاعتلينا للزمل

[دايم الجفر]

عادات الاجواد شـرب الفناجيـن .... ومهمة الجاهات يخذ العطاوي
تجيبك الاعراف وحكم القوانين.... لا كثرت القالـه وكبـر البـلاوي
ولا نقسم العرب وساروافريقين....الله يلز الذيب على جحر واوي

[مهابه]

سٌئلت ذات مرة عن حكمتي في الحياة
فقلت

اخذت بادنيا الدروس وتعلمت
وعلمت كل اللي يريد إتعلم

مافيه حكمه عندي ابلغ من الصمت
ولا ندم صامت كثر من تكلم

[إحــســاس شــاعــر]

دنياك قامت تضرب اخماس باسداس === عسى الله يكفينا شرور العوابث

[إحــســاس شــاعــر]

دنياك لوعيت تجيلك على الكيف === خلك طويل البال واصبر عليها