من يحقر عيال الرجال حقير

[عناد الرواد]

يقول ابن فالح كلام غزير
يجمد على شارب سموّ امير


يصبغ على فنجال مدهال لابته
شوق البنات اللابسات حرير


كلام من ساد المجالس وعافها
قلّب دفاترها وصار خبير


من كثر ماحكّ المعادن وغيرها
مرّ إبتجارب والحياه مسير


يازيد شبّ النار واحمس على الغضا
فنجال كيف ولا عليه قصير


اقصر امواه وزوّد الهيل وافهقه
لا هب ذعذاع الشمال عبير


واتعب على سبع الدلال المهيله
حتى يجي كيف الدلال اخير


قد قال ابو زيد الهلالي من الحكم
حكم تخلي هالعقول تنير


ايّاك عن مال الرجال وحلالهم
مال (ن) يجيك إمن الحرام يطير


العز عز النفس عما يذّلها
ما هوب بعيب (ن) لو تعيش فقير


ورزق المرى ما فيه نفع(ن) وفايده
تندم وتصبح بالعيون صغير


ابك أنت شدّ البيت بالحبل والوتد
اللي تقشّعه الرياح يطير


اللي يصفّر ما يغطي شواربه
ابو الخساير للثقيل يسير


والرجل بالمجلس قليل(ن) سوالفه
هرج(ن) قليل وبالمراد كبير


ترى الرجال اتكيد بالمكر والدها
إديود غرّز ميتين ضمير



كيد الرجل مرات اقطع من المرى
لا صار يحقد يا تقول بعير


ان جاتك العاقه فلا تبتلش بها
عاقة ولد عمك وجار قصير


زلات ربعك انتبه لا تعدهن
من عدّ زلات الرفيق يحير


احلم على السفهان دوّارة الفلج
وافلج عدو(ن) من وراك يغير


اعط الرجال احقوقهم واحترمهم
من يحقر عيال الرجال حقير


وايّاك عن مال الرجال وحلالهم
مال (ن) يجيك إمن الحرام يطير

[ندى الصبح]

كيد الرجل مرات اقطع من المرى
لا صار يحقد يا تقول بعير
*******

زلات ربعك انتبه لا تعدهن
من عدّ زلات الرفيق يحير

كلمات وحكم رائعه صح لسانك
لا عدمناك

[مطلق العيد]

عناد الرواد

جزل وماتجيب الا الجزل

بحر جميل وممتع حقيقةاستمتعت بهذه الابيات

صح لسانك وفكرك

تحياتي لك

[فزاع الحويطات]

العز عز النفس عما يذّلها
ما هوب بعيب (ن) لو تعيش فقير



صح لســـــــــانك ياعناد >>>>>> ابداااااااااااااااااااع

[عناد الرواد]

شكرا لك فزاع الحويطات على ردك الجميل

دمت بود