ما فيه اي حل ثاني

[عناد الرواد]

الغيم له دمعه تبلّ الشبابيك
والريح له رعشه تهز المباني


وانا الفصول الاربعه من حواليك
وانتا العمر ما فيه اي حل ثاني


وش فيك تشكي جعل فيني مهو فيك؟
وش طالع بإيدي وانا فيك أعاني


ولو اقدر إني اقطع الحد وآجيك
لآ مرّ بيتك واحضنك في ثواني


بس مستحيل بيوم ارجع وآلاقيك
من بعد ما حالوا عيال الطماني


يعز علي والله إلى جيت اناديك
ميرد الا هالصدى في مكاني


يقهرني اكثر شي ماني مخليك
وانك عزيز ومنزلك بالمحاني


واكبر دليل العيد هو فرحتي فيك
وارسلك بيوت القصايد تهاني

[ابو هيثم]

شاعرنا عناد
وفى والله صح لسانك كل عام وانتم بخير

[حاضر فتاة]

يقهرني اكثر شي ماني مخليك
وانك عزيز ومنزلك بالمحاني

مشاعر صادقه كلمات رائعه
شكرا على هذه الندية الفريده وصح لسانك
وكل عام وانت طيب

[الآتي الأخير]

مشاعر صاقة ووفاء نادر للحبيبة
الرائع / عناد الرواد قمة شعرية نفتخر بنتاجها الادبي
كل عام و انت بحب

[جريح الصمت]

وانا الفصول الاربعه من حواليك
وانتا العمر ما فيه اي حل ثاني



هل هو قصيدك ياعناد الرواد ام هو العيد بمعناه ورقصه وعزفه على المعاني الجميلة
شكرا لشبكتنا لأحتوائك فيهاااااااااااااااااااااااااااااااااااااااااااااا