ياصاحبي الدنيا حكايات وعلوم..

[عبدالمجيد بن غازي]

ياصاحبي الدنيا حكايات وعلوم..

قصص عجيبه تذهل اللي قراها..

الدنيا لو تضحك معك دايم الدوم..

خلك فطين ولايهمك رضاها..

كم واحد تبنى له آمال وحلوم..

يفنى وغيره يهتني في بناها..

ياما أفرحت قوم وأحزنت قوم..

وكم أعشقت عين وخانت غلاها..

ياصاحبي شفت أمس شف حالنا اليوم..

دنيا تقلب يكفي الله بلاها..

اليوم لامنه بغت عيني النوم..

تنكدت روحي وعافت كراها..

ما كل من علا بالأصوات مفهوم..

وماكل روح تلتقي في مناها..

وماكل من يشكي معذب ومحروم..

وماكل من يضحك همومه نساها..

بحرالحياة إن صرت ماتعرف العوم.

يرميك في غبه بعيده مداها..

من راح يستسلم من أحزان وهموم

يموت حي وحاجته ماقضاها..

واجه هبوب الوقت بإيمان وعزوم..

لابد ما ربك يهدي هواها..

وأصبر إذا شمسك حجب نورها غيوم..

الغيم يتفرق ويشرق سناها...


وسلامتكم


مما راق لـــ بنـ غازي ...

[عاشق الادب]

أبيات جميلة جداا عبدالمجيد سلمت على هذا الاختيار الموفق

[عبدالمجيد بن غازي]

أبيات جميلة جداا عبدالمجيد سلمت على هذا الاختيار الموفق


الأجمل حضورك المميز أخ عاشق

كل الود ...

[عبدالمجيد بن غازي]

ترفع للإطلاع

[ريم الحويطات]

من راح يستسلم من أحزان وهموم

يموت حي وحاجته ماقضاها..

واجه هبوب الوقت بإيمان وعزوم..

لابد ما ربك يهدي هواها..
ينطيك الف الف عافية

[عبدالمجيد بن غازي]

من راح يستسلم من أحزان وهموم

يموت حي وحاجته ماقضاها..

واجه هبوب الوقت بإيمان وعزوم..

لابد ما ربك يهدي هواها..
ينطيك الف الف عافية

يعافيك ريم الحويطات

واسعدني تعقيبك وابداء رأيك بها

كل الوود...