المسكين

[مطلق العيد]

يالعنبوه القرش... ياعيد.. صياد
صاد الضعيف اللي قضى العمر منحوس


مسكين! لاقوه ولاحيل وجهاد
جسمه ذبل والفكر بالهم متروس


لاجل المصالح صار مسكين قواد
ورحنا ضحيه بين تاجر وجاسوس


الضعف ماله خانتٍ بين الاجواد
واللي يخز الناس ع الحول مفروس


العبد يتبع سيده وين ماراااد
والعم يملي والولد يحفظ دروس


الوضع مزري والسبب طيش وعناد
والحكم جاير بين حارس ومحروس


العرق يبقى... لو تخفى بالاجداد
ومن كان جده راس ناخت له الروس


الخلط سبب مشكله صدق مافاد
وكلن يفصل له على القد ملبوس


ياعيد رحنا بين عايد وعواد
رحنا ضحيه بين واطي وجاسوس

[<مهـــــــــرة]

رائــــــــــــــــــــــعة
دمت بوود

[نايف مقبول]

العرق يبقى... لو تخفى بالاجداد
ومن كان جده راس ناخت له الروس

مطلق العيد
صح لسانك مليوووون
قصيده جميله جدا جدا
ولا يستغرب هذا من شاعر مثلك
راقت لي كثيرا
والله يعطيك العافية
كثر مامشت الذيابه حافية

{تحيتي لك وتقديري}

[مطلق العيد]

مهره بلافارس

الاروع تواجدك

لاعدمناك

تقديري وتحياتي

[مطلق العيد]

العرق يبقى... لو تخفى بالاجداد

ومن كان جده راس ناخت له الروس

مطلق العيد
صح لسانك مليوووون
قصيده جميله جدا جدا
ولا يستغرب هذا من شاعر مثلك
راقت لي كثيرا
والله يعطيك العافية
كثر مامشت الذيابه حافية

{تحيتي لك وتقديري}



هلا ابوتركي

وصح بدنك

وردك واطرائك وسام اعتز به

واسعدني مرورك يالذيب

لاعدمنااااك

تحياتي لك

[~ صاحبة السمو~]

ياعيد رحنا بين عايد وعواد
رحنا ضحيه بين واطي وجاسوس



وياآآآكثر الجواسيس..
قصيده جزله صح السانك ولافض فوك
خالص تقديري وحترامي

سمو..}

[سند]

أنا أشهد إنك جبتها يالذيب
صح لسان الشعر لما يجي من شاعر مثلك

ســـــنــــــــــــــــد

[مسلمة]

الوضع مزري والسبب طيش وعناد
والحكم جاير بين حارس ومحروس



العرق يبقى... لو تخفى بالاجداد
ومن كان جده راس ناخت له الروس

الرائع الشاعر مطلق العيد

صح نبضك وسلم بنانك للقصيدة الجزلة ولا يأتي بها الا شاعر جزل
وفقك الله وبارك فيك

دمت برقي

[عايد ربيع الحويطي]

صح لسانك يامطلق

والله انها على الجرح

تستحق الاماره والجداره
جزاله الى ابعد الحدود
وتحسب لك هنا بكل حق الابداع الشجاع

لك تقديري ومتابعتي

[ابن الفخر]

مبدع اخي ابو اسيل


لك كل الود والتقدير .

[حسين أبوتايه]

الأخ الشاعر مطلق العيد صح لسانك وعلا شانك قصيده رائعه وفيها حكم
ياعيد رحنا بين عايد وعواد،،،،،،رحنا ضحيه بين واطي وجاسوس
صدقت يامطلق تحيه لهذا الاحساس الرائع اللذي جاد بهذه الرائعه
وشكرا

[هلا و غلا]

العرق يبقى... لو تخفى بالاجداد
ومن كان جده راس ناخت له الروس

اكيد الاصل الطيب يفرق احسن من المخلوط
صح لسانك ابيات رائعه
دمت بود