سلام يأهل المرجله والمروات

[الحلا ساسي]

سلام يأهل المرجله والـمروات= كلمة وفاء تبلغ جميــع القبايل
تقبلوا منا جميــع التحيــات= الذ واطيـب من حليب الشوايل
اللى لها في الخبت مرعى ومبيات= تمسى وتصبح فوق عشب الخمايل
كلام من جرب من الوقت مافات= والعيش يجلب فى ظهور الرحايل
نمشى لمصر بدون حجز وجوزات= والصدق بين الناس صايل وجايل
وجانا زمـان العولمـه والجهازات =ان ردت تنظــر خير ولارذايل
ومن شانكو جينا وقطعنا المسافات= ياربعنا يأهـل الوفاء والجمـايل
ومـن كثر ماسويت للضيف فتات= سمــــوك فته ياوفي الخصايل
وانته حويطـي والحويطـي محيطات= ماعكـره ماجـاه من سيل سايل
حايط منيــع وفيـه ستر وظلات= عن حايت الفـربي وحـر القوايل
ولاخير في علــم بلاصدق واثبـات= سل التــاريخ وطيبن الفعـايل
نصبر على الشدات يوم الملاقــات= ونـرد ردات الاسـود الأصـايل
نطعم من الماجـود وقـت المجاعـات= ونسقـي من المى والمياهـه قلا يل
ربعى أنا العمـران زبن الونيـات= مكرمـين الجـار والوقــت مايـل
أهل الكرم واهل اليدين السخيــات= وأشعارهــم ماتجمعـه غد زايل
والحمد لله تحت ظــل السعـودات= هذا الامــن والرخاء ماله بدايل
وكلنا أسود على أهل النــويا الخبيثات= صفاً موحـد ماتهزه رسايــل
ياعزنــا حيين ياستــرنا أموات= ياقبلة الاســـلام يم الفضــايل

[عبدالمجيد بن غازي]

ونعم فيك وفي الفته ياابن محيسن

وصح لسانك على الجزله وماهي غريبه من شاعر مثلك .

ويعطيك العافيه الحلا ساسي على تزويدنا بإبداع الشاعر فرج العمراني

ودي...